Ko-Dabirɛnu 2:25 - ALLALA KUMƐ

²⁵ Nba, kei wonubɛ ala musi, anu filɛ bɛɛsi lakolɔn le nun kɔnɔ anu ma miliya ko lɔn nun.

Ko-Dabirɛnu 2:25 ပူးပေါင်းရင်းမြစ်များ

Ko-Dabirɛnu 3:7

Anu banta a dɔnna nya min wo, anu ya hɛnkili sɔrɔn anu nyɛrɛ wara-koe ma. Anu nara to a lɔnna ko anu nakolɔn le. Anu ya toro-yanbɛ do keri ka wonu tugun anu nyɔgɔn na. Wo kɔma, anu ya wonu kiri anu na.

Yaburi 25:3

Min lanɛ i la a nya-bɛrɛbɛrɛ ma, i ti wo tigi baya mumɛ! Kɔnɔ minnu bi murutiyala ile ma, wonu bolo-labiranɛ si to.

Yaburi 31:17

Mari, n bi i rakelela. A ma, n kana na yarabi. Alamɛ karagbɛlɛnu yarabira. Alamɛ anu tara kaburu-madɛnni-dondon-bɛ rɔ.

Bɔ-Koe-Iyipiti 32:25

Musa ya a yen Aruna ma ala kun-tigiyɛ lawɔli a kin na, woletɔ Isirɛla mɔgɛnu bara murutiya ha anu bara ma yɛlɛnma-fan la anu yogenu yala.

Aiseya 44:9

Mɔgɔ-fuyi le bɛsi-ladannɛnu na. Hali bɛsɛ di mɔgɛnu ye, fufafuyi le bɛsɛ wonu na. Minnu bi bɛsɛ wonu kɔla, fiyɔn anubɛ kun-takolɔn le wonu na. Anuna kun-takolonyɛ si a laban anu bolo yarabiyi ma.

Aiseya 47:3

Mɔgɛnu si i makolɔn yen. I si miliya anu yala.” Mari ko a si a tayili sara i la. A ti kinikini mɔgɔ-wo-mɔgɔ ma ile Babilɔn soe burɔ.

Aiseya 54:4

Mari ko i kana kilan bawo i ti miliyɛ sɔrɔn tun. Yarabi-wo-yarabi ti taran i ma tun. Miliyɛ min bi i kuma nun wo tumɛ i pose, i si nyina wo la feu! I ye kelengbɛyɛ min tɔ nun iko kɛɛ-nyaganɛ, i si nyina wo ko salon!

Yɛrɛmaya 17:13

Mari, Isirɛla mɔgɛnu yigi le ile la. Mɔgɔ-wo-mɔgɔ wa a kan-kɔ sɔ i la, wo tigi si miliya. Min bi a bɔla ile Marita kilɛ fɛ, wo tigi mani de iko tɔgɛ min sɛbɛnɛ gbangban rɔ. Wo sa mɛla bawo a ara ile Mari boloka. Tenke-kimanɛ le ile Mari la.

Yɛrɛmaya 6:15

A bɛnta wo ni miliya wo kɛ-nya-yogomɛ la. Kɔnɔ miliyɛ bɔrɔ turu, a sa wo yɛ la. Hali wo ara hakɛ-siyaman kɛ, mɔgɔ ti miliyɛ bira wo yakɔrɔ ma lefan! Wo le si a ma, wole fanan bi buila iko doinu. Mari ko mɔgɛnu tɔrɔ-tele wa ke, wo si fɛrɛn dugi la.

Isikiyɛli 16:61

N ba wobɛ i dɔgɔ-musi anubɛ i kɔrɔ-musi to kan kelan rɔ, ni i ya i miri i sɔn-kɔrɛnu ma tumɛ min, i si miliya anu ye. N si a ma, anu ni ma iko ila den-sunkurɔnnu. Kɔnɔ ma mɔgɔ filɛ ma ma sara wo ma nun.

Yowɛli 2:26

Kɔnɔ a ko dɔn-fan ra si boroko-baraka wo gba ma, kurukurun ti a ban, tarali ti a ban. Wo si a ma, wo ni ale wota Mari Alla tanto. Ale ara kabana-koenu kɛ wo ye. Sibolo-gbɛrɛkɛ-mɔgɛnu ti anu yɛ layigi wola sole rɔ tun.

Maraka 8:38

Nba, wati-yogomɛ kɛ, mɔgɛnu ma Alla lɔn wati min, ni mɔgɛ ya a kan-kɔ sɔ nde anubɛ nna karan la, nde, Hadama-dan anubɛ melika-sɛnimɛnu ba na tumɛ min n Fa Allata gbiliyɛ rɔ, nde fanan si n kan-kɔ sɔ wo tigi la.”

Luka 9:26

Ni mɔgɛ ya a kan-kɔ sɔ nde anubɛ nna karan la, nde, Hadama-dan wa na nta gbiliyɛ anubɛ n Fa Allata gbiliyɛ anubɛ melika-sɛnimɛnuta wati wa ke tumɛ min, nde fanan si n kan-kɔ sɔ wo tigi la.

Romu 10:11

ado a sɛbɛnɛ Allala kitabu rɔ ko, “Min ba dɛnkɛninya a ma, wo tigi ti baya,”