Ko-Dabirɛnu 2:17 - ALLALA KUMƐ

¹⁷ Kɔnɔ fɔ ‘Ko-Nyimɛ-anubɛ-Ko-Yoge-Lɔn-Kɔlɔma’ gbɔɛ, i kana wo dɔn kamasɔrɔn ni i ya wo dɔn, i si faga serr!”

Ko-Dabirɛnu 2:17 ပူးပေါင်းရင်းမြစ်များ

Ko-Dabirɛnu 2:9

Kɔlɔma su bɛɛ minnu kin, ado anu gbɔɛ si dɔn, Mari Alla ya wonu nafɛrɛn nakɔɛ wo rɔ. Kɔlɔma fila ye nakɔɛ wo tɛma nun, “Nimaya-Kɔlɔma” anubɛ “Ko-Nyimɛ-anubɛ-Ko-Yoge-Lɔn-Kɔlɔma.”

Ko-Dabirɛnu 20:7

I ni kei wola musi lasɛgi a ma kaka kamasɔrɔn nɛbi le ale la. A si madiyali kɛ i ye alako i ni beli. Kɔnɔ ni i ma Sira lasɛgi ala kei ma, i ni a lɔn serr, ko wobɛ ila mɔgɛnu si faga, yɔ!”

Ko-Dabirɛnu 3:11

Alla ko, “Yon ya a fɔ i ye ko i lakolɔn le? N ya i makawandi kɔlɔma-gbɔɛ min bara-koe ma, i wara wo le dɔn, wa?”

Ko-Dabirɛnu 3:17

Alla ya a fɔ kei fanan ye ko, “N ya a fɔ i ye ko i kana kɔlɔma-gbɔɛ wo dɔn kɔnɔ i wara ila musita kumɛ bira min kɛ ka a dɔn, woletɔ n si tɔrɔyɛ layigi dugi ma ilela ko la. I si i beli-fan sɔrɔn tɔrɔyɛ rɔ i siyi-tele-bɛɛ rɔ.

Ko-Dabirɛnu 3:19

I ti i beli-fan sɔrɔn ni i ma wusi tirindi. I si to wusi tirindila ha i ni sɛgi bɔnkɛ rɔ tun bawo i bɔra bɔnkɛ le tɔ, ado i ye sɛgila bɔnkɛ le tɔ tun.”

1 Mansɛnu 2:37

Ni i ya Kidirɔn yi tɛgɛ tuma-wo-tuma, i ni a lɔn worɔ serr, ko fɔ i wa faga, ado ni i fagara, i nyɛrɛ gbɛ le wo la.”

1 Mansɛnu 2:42

a ya Simayi kele. Simayi nanɛ, mansɛ ya a fɔ a ye ko, “N ma a fɔ i ye nun Mari Alla yala ko i kana bɔ Yerusalɛm soe burɔ? N ma a fɔ ko ni i bɔra soe kɛ rɔ tumɛ min, i si faga? I wara nyina kumɛ kɛ ko, wa? I ma a fɔ nun ko i si kumɛ wo bira?

Yɛrɛmaya 26:8

N banta Mari kan kɛ fɔla nya min wo, wo kɛra n ma ka a lasɔnkɔ ko, “Ma ye i fagala kumɛ kɛla ko la.

Isikiyɛli 18:13

A ye mɔgɛnu dɔndɔla a tɔnɔ-koe le la. Wo mɔgɔ-sufa si to a niyi la, wa? Ade. Wo ti to a niyi la bawo a ya n gboyana-koe gbansan le ladan, ado a tɔgɔ si to a nyɛrɛ la.

Isikiyɛli 18:32

A ma di n ye, mɔgɛ ni faga. Anu ni anu kan-kɔ sɔ anu hakɛnu na, woletɔ anu si to anu niyi la. Nde, wo tigi Mari kan le kɛ la.”

Isikiyɛli 18:4

Nde leta ye mɔgɛ bɛɛ niyi la, a denba wo, a den wo. Min bi hakɛ kɛla, wo le ye fagala.

Isikiyɛli 33:14

Hali n ya sɔn-yogoma-tigi makawandi ko a ye nala fagala kɔnɔ ni a ya a bɔ ala ko-yogomɛ da kun tɔ, a ni don ko-telennɛ anubɛ ko-nyima-kɛ ladan rɔ, a ti faga.

Isikiyɛli 33:8

Ni n ya a fɔ ko karagbɛlɛ do ye nala fagala, ile ma sɔn tala wo makawandila alako a ni a bɔ a sɔn-yogomɛ wo kun na ka kisi, ni a fagara ko-yogomɛ wo kun na, ile Isikiyɛli, i gbɛ le wo la, ado n si i bira wo yili la, yɔ!

Yilan-Yilan Koe 26:65

Mɔgɔ filɛ wo tɔgɛ le kɛnu na, Yɛfunɛla dan Kelabu anubɛ Nunna den-kei Yasowa. Mari ya a fɔ fɔlɔ nun ko a mɔgɛ toe kɛ bɛɛ si faga wula-da-rakolɔn rɔ. Wo bɛɛ mara iko Mari ya a fɔ nya min.

Romu 1:32

Anu denu lara a la ko Allala tɔnnu ko mɔgɛ min si to ko-sufa kɛnu mala, a bɛnta wonu ni faga. Kɔnɔ hali wo, anu tora nɔrɔnna koe wonu ma dɛɛ! Ka tenbi wo la, mɔgɔ-gbɛrɛ minnu bi wo sufanu mala, anu bi wonu sɛnbɛ donna.

Romu 6:16

Ado nfan, wole ya a lɔn ko wo wa wo nyɛrɛ lasɔnnaya iko yɔɔn ka mɔgɛ dola kumɛ bira, wo ara ma yɔɔn la kun-tigi wo ye. Ni wo tora hakɛ kɛla, wo si ma yɔɔn la hakɛ kɔrɔ, min si a laban sayɛ ma, ni wo ma, wo si ma Allala yɔɔn la ala kuma-birɛla ko la, min si a laban ko-latelennɛ ma Alla ye.

Romu 6:23

Hakɛ sarɛ le sayɛ la kɔnɔ Allala sanbɛ le habadan-nimayɛ la ma Mari Yisa, Allata-Mɔgɔ-Yabɔnɛ baraka rɔ.

Romu 8:2

bawo Allata Ni-Sɛnimɛ min bi niyi dila ma ma, wo ara ma hɔrɔya Yisa Kirasiti baraka rɔ. A ya ma hɔrɔya ka ma bɔ hakɛta sɛnbɛ kɔrɔ min si na sayɛ la ma kuma.

1 Kɔrɛnti 15:22

Ado nfan, mɔgɛ bɛɛ bɔra ma benba Hadama le tɔ ka faga. Iko wonu bi fagala nya min, minnu bɛɛ ara dɛnkɛninya Kirasiti ma, wo bɛɛ la si wuli wo nya na le ka habadan-nimayɛ sɔrɔn.

1 Kɔrɛnti 15:56

Sayɛ ye ala mɔgɔ-duma-sɛnbɛ sɔrɔnna hakɛ le bolo. Hakɛ ye ata sɛnbɛ sɔrɔnna Nɛbi Musata tɔn le bolo.

Kalesiya 3:10

Kɔnɔ minnu yigi sanɛ anuna tɔn-birɛ kuma, wonu bi dankɛ kɔrɔ bawo a sɛbɛnɛ Allala kitabu rɔ ko, “Ni min ti tɔn bɛɛsi bira, wo tigi ye Allata dankɛ kɔrɔ!”

Ɛfɛsa 5:14

ado koe min bara sa tele la, dogonta ko ma wo la tun. Woletɔ anu bi a fɔla ko, “Kinɔgɔlɛ, i ni kunden, i lawuli ka bɔ furinu tɛma! Wo kɔma, Kirasiti si waan raka i ma waran!”

Tɔn-Fɔɛ-Fila-Nyɔgɛ 27:26

“ ‘Alamɛ Allata dankɛ taranta wo mɔgɛnu kuma minnu ti sɔn tɔn kɛnu bira-koe ma.’ “Anu si a labira ko, ‘Amina.’ ”

Tɔn-Fɔɛ-Fila-Nyɔgɛ 30:15

“Bi, Mari ko a ara fan kɛnu sa wo kɔrɔ. Wo ni wota bi kɛnu tɔ, ko-nyimɛ anubɛ ko-yogomɛ, simayɛ anubɛ fagalɛ.

Tɔn-Fɔɛ-Fila-Nyɔgɛ 30:19

Kaka, nde nyɛrɛ fanan bi fɛrɛ dila wo ma ka wota bi duwɛ anubɛ dankɛ tɛma, simayɛ anubɛ fagalɛ tɛma. San-kole anubɛ dugu-kole si ma sereyɛ la wota bi-koe kɛ rɔ. Nde, Musa ko wo ni simayɛ bi.

Kɔlɔsi 2:13

Wole Kɔlɔsi kɛnu, wo faganɛ le fɔlɔ-nun, wo hakɛ bolo. Wo ma hɔrɔya bɛ ka bɔ wo gba-kɔrɛnu tɔ mumɛ! Alla ya wo hakɛ bɛɛ makoto lunyɛ min, a ya ni-kurɛ di wo ma Kirasiti rɔ wulɔn le.

1 Timoti 5:6

Kɔnɔ kɛɛ-musi min bi tola a nyɛrɛ diyana-koenu kɛla, hali a ye a kɛndɛ la, a faganɛ le. A tɔnɔ sa a la.

Yemesi 1:15

Ata ko-yogomɛ min bi a yisi rɔ, wo si buyi bi ka mui hakɛ la. Hakɛ wa tagbaya a kuma tumɛ min, a si a laban sayɛ ma.

1 Yɔni 5:16

Min ba a na-kelen-nyɔgɛ yen hakɛ kɛla, min ti a ma, a ni foo habadan-nimayɛ la, a ni Alla madiya mɔgɛ wo ye. Alla si niyi di hakɛ-tigi wo ma. Minta hakɛ ti a ma, a ni foo habadan-nimayɛ la, n bi wonu denu ma. Kɔnɔ hakɛ do ye nyɔ min si a ma, a ni foo habadan-nimayɛ la. N ma a fɔ ko wo ni Alla madiya wola ko la.

Lankɛnimayɛ 2:11

“ ‘Nba, ni min si ko nya-yen, Allata Ni-Sɛnimɛ ye min fɔla chɔchinu ye, wo ni wo tole masɔ wo la! “ ‘Minnu ba nɔlɛ kɛ, sayɛ fila nyɔgɛ ti ke wonu ma.’

Lankɛnimayɛ 20:14

Sayɛ anubɛ lakira lafilita ta-dalɛ rɔ. (Ta-dalɛ wo, sayɛ fila nyɔgɛ le wo la.)

Lankɛnimayɛ 21:8

Kɔnɔ a kilandɔgɔ wo, a lanayabɛlɛ wo, a haramu-ko-kɛla wo, a mɔgɔ-fagala wo, a yɛlan wo, minnu bi duriyɛ kɛla wo, minnu bi bɛsɛnu kɔla wo, anubɛ foninya-fɔlɛ bɛɛ, wonu barɛ le ta-dalɛ wo la. Dalɛ wo ye mintanna tɛ anubɛ munku-gbɛ le la. Sayɛ fila nyɔgɛ le wo la.”

1 Samuwɛli 14:39

Mari min bi Isirɛla mɔgɛnu kunkalɛ la, ale min bi a niyi la, n bara lanyiri kiri ale ye ko ni min ya ko-yogomɛ ma, hali nna den-sɔrɔnnɛ Yonatan le, n si a ma, wo ni faga.” Kɔnɔ mɔgɔ-wo-mɔgɔ ma kuma.

1 Samuwɛli 14:44

Mansa Sɔli ya a fɔ ko, “Yonatan, ni ile ma faga, alamɛ Alla ya n tɔrɔ.”

1 Samuwɛli 20:31

Ile ma a lɔn, fananta Dawuda ye a kɛndɛ la, ile ti mansayɛ sɔrɔn nyamanɛ kɛ rɔ? Nba, ta a bi. I ni na a la. A ni faga!”

1 Samuwɛli 22:16

Mansa Sɔli ya a fɔ ale Ahimɛlɛki ye ko, “Wolebɛ i kebilɛ bɛɛ si faga!”