Ko-Dabirɛnu 19:9 - ALLALA KUMƐ

⁹ Nyama wonu nyɛɛra ale Lɔti ma ko, “I masɛgi. Ile sundan, i bɔ ma yarɔ, ile min bara i nyɛrɛ ma kiti-tɛgɛlɛ la ma tɛma kaka!” Anu ya a fɔ a ma tun ko, “Ni i kan le wo la, ma si ile tɔrɔ ka tenbi ila sundan kɛnu na.” Anu ya Lɔti latuntun kankan ma alako anu ni dɛ keri ka don.

Ko-Dabirɛnu 19:9 ပူးပေါင်းရင်းမြစ်များ

Ko-Dabirɛnu 11:6

Mari ko, “Wo ni anu mafɛlɛn, ba? Mɔgɔ kelen de kɛnu na min bi kan kelen fɔla. Anuna wɔli-dabirɛ le kɛ la. Ni anu ya anu kɔnkɔn min ma, fɔ anu ba wo ma.

Ko-Dabirɛnu 13:12

Burama tora siginɛ Kenan nyamanɛ rɔ. Lɔti anubɛ ala denbayɛnu ya anu daga makɛ soe minnu sɔnɛ Yorodan bɛ dafɛ. Ale nyɛrɛ ya ala fani-bɔn sɔ Sɔdɔm soe dafɛ.

Bɔ-Koe-Iyipiti 2:14

Wo ya a yabi ko, “Yon ya i ma kun-tigi anubɛ kiti-tɛgɛlɛ la ma tɛma? A ye i kɔntɔ ka nde faga, wa, iko i ya Iyipiti kɛ wo faga nya min kunu?” Wo kɔma, Musa kilanta. A ya a miri a nyɛrɛ ma ko, “Tumado mɔgɛnu bara nna mɔgɔ-faga-koe kɛ lɔn.”

Hɛnkilimaya-Kumɛnu 14:16

Hɛnkilimɛ si kilan Mari la, a ni a bole bɔ ko-yogomɛ rɔ. Kɔnɔ kun-takolɔn ti a miri ko-ladan tinɛ. A kunyɛ wa wuli koe min na, a ye wo le ladanna.

Hɛnkilimaya-Kumɛnu 17:12

Yanni i ni kun-takolɔn taran masiba-koe ladanna, a fisa, i ni yara-denbɛ taran minna dannu bara tunu a ma.

Hɛnkilimaya-Kumɛnu 27:3

Kun-takolɔn ye diminyɛ min nanala mɔgɛnu kuma, wo gbili ka tenbi kuru-dunɛ anubɛ kɛnkɛn-dunɛ la.

Makawandili Kumɛnu 10:13

Kun-takolɔn si kumɛ dabira kuntanya-kumɛ le ma kɔnɔ ala ban si ma a bolo yuwaya-kumɛ le ma,

Makawandili Kumɛnu 9:3

N ya koe do lakɔrɔsi min yogo duninya kɛ rɔ. Wo le ko fen kelen de ye ma dama makɔnɔna, sayɛ, kɔni. Fananta mɔgɔ ye a niyi la, a sɔndɔmɛ lafanɛ ko-yoge anubɛ kuntanyɛ sufa bɛɛ le la. Anu bi tola wo le la, anu ni tɛgɛ a ma pan!

Aiseya 65:5

Kɔnɔ anu bi a fɔla donu ma ko, “Wo ni wo masɛgi ma la. Ma sɛninyanɛ ka tenbi wo le la.” Mari ko mɔgɔ-sufa wonu mani de iko ta-sisi tenbi a lagbesila a sunyɛ rɔ. A ko a diminyɛ min kɛnɛ wonu ma, wo mani de iko ta-dufenbɛlɛ.

Yɛrɛmaya 3:3

Ka a tɛgɛ wo sɔn wonu ma, banda ma na wɛ fɔlɔn de, ado hali banda-yi-kun-fɔlɛ, wo ma na. Wo ya-lakalan-nya manɛ iko yɛlantɛ. Mɔgɛ ti miliya-sumɛ yen wo yakɔrɛ ma.

Yɛrɛmaya 6:15

A bɛnta wo ni miliya wo kɛ-nya-yogomɛ la. Kɔnɔ miliyɛ bɔrɔ turu, a sa wo yɛ la. Hali wo ara hakɛ-siyaman kɛ, mɔgɔ ti miliyɛ bira wo yakɔrɔ ma lefan! Wo le si a ma, wole fanan bi buila iko doinu. Mari ko mɔgɛnu tɔrɔ-tele wa ke, wo si fɛrɛn dugi la.

Yɛrɛmaya 8:12

A bɛnta kun-tigi wonu ni miliya anu kɛ-nya-yogomɛ la. Kɔnɔ miliyɛ-bɔrɔ-pɛrɛ, a sa anu yɛ la. Hali anu bara hakɛ-siyaman kɛ, mɔgɔ ti miliyɛ bira anu yakɔrɛ ma lefan! Wo le si a ma, anu fanan bi buila iko doinu. Mari ko mɔgɛnu-tɔrɔ-tele wa ke, wonu denu si fɛrɛn dugu la.

Isikiyɛli 16:49

Nba, Sɔdɔm soe wonubɛ a so-mɛsɛnɛnu wasinɛ bawo dɔn-fen-siyaman bi anu bolo, ado anu siginɛ yisi-kimɛ rɔ poi! Kɔnɔ bolo-kolɔnnu bɔrɔ sa anu ye.

Matiyu 7:6

“Wo kana fen-sɛnimɛ di wulinu ma bawo ala ban, anu si sɛgi wo kan ma ka wo kin. Wo kana kuru-da-gbɛlɛnu nakɛ kɔsɛnu kɔrɔ bawo anu si wonu tatɛntɛn anu kian kɔrɔ.

1 Samuwɛli 17:44

A ya a kɔgɔ raka Dawuda telen tɔ. A ko, “Na tun. N si i suyi di konanu anubɛ sogenu ma kaka!”

1 Samuwɛli 25:17

Ile nyɛrɛ-nyɛrɛ ni i miri ko sufa kɛ ma. I ni a lɔn i si min ma. Kɛ si ma kasarɛ la mala kun-tigi anubɛ ala denbayɛ ye. A yisi gbɛlɛ. Mɔgɔ ti kuma a ye, ado a ti ko lamɔɛn.”