Ko-Dabirɛnu 19:38 - ALLALA KUMƐ

³⁸ A dɔgɔmɛ fanan ya den-kei sɔrɔn. A ya a tɔgɔ sa Bɛn-Ami. Amonnu benba le wo la.

Ko-Dabirɛnu 19:38 ပူးပေါင်းရင်းမြစ်များ

Ko-Dabirɛnu 20:1

Iburayima bɔra ala dagɛ rɔ Mamireta kɔlɔmanu kɔrɔ ka ta tagama rɔ Kenan nyamanɛ wo dugula wara la. A tara a sigi Kɛdɛsi soe anubɛ Sura wulɛ tɛma. Wo kɔma, a ya wati do kɛ Kirari soe burɔ.

Yaburi 83:9

I ni anu tɔrɔ iko i wara a ma Midiya kɛnu na nya min. I ni a ma anu na iko i wara a ma Sisara anubɛ Yebin na nya min Kisɔn bɛ dala.

Aiseya 11:14

Anu dama si ta anu nyɔgɔn fɛ ka bui Filisitinu ma tele-yigi wara la. Anu si ta anu yogenu bolo-fan toronde anu na tele-bɔɛ wara la. Idɔm kɛnu wo, Mohabu kɛnu wo, Amonnu wo, wonu damasi si to anuna sɛnbɛ kɔrɔ.

Sɛfanaya 2:8

Mohabunu anubɛ Amonnu bi Mari Sɛnbɛ-Bɛɛ-Tigita mɔgɛnu mayɛlan min kɛla, a ko a ara wo lamɔɛn. A ko anu bi anu nyɛrɛ matɔgɔla ko anu si ala mɔgɛnuna dugi bi anu bolo.

Sɛfanaya 2:9

Isirɛlata Mari Sɛnbɛ-Bɛɛ-Tigi ya a keli ko a si Mohabunu anubɛ Amonnu kasara iko a ya Sɔdɔm kɛnu anubɛ Kɔmɔra kɛnu kasara nya min. A ko a si a ma, dɔn-fen ti ma-a-la anuna nyamanɛ wo rɔ muk, fɔ wɔnɛ anubɛ kɔgɛ gbansan! A ko ata mɔgɛ minnu bi tola anu niyi la, wonu si ta bui Mohabunu anubɛ Amonnu ma ka anu bolo-fannu anubɛ anuna nyamanɛ bi anu bolo.

Tɔn-Fɔɛ-Fila-Nyɔgɛ 2:19

Wo wa tenbi nyɔ la, wo ara gbɛrɛn Amonnuna nyamanɛ ma. Lɔti bɔnsɔn le wonu na. Wo kana yakɔrɔ-mamɔɛ anubɛ nanparan sanba anu ma bawo Mari ti anuna nyamanɛ di wo ma. A ya nyɔ di anu denu ma pe.’ ”

Tɔn-Fɔɛ-Fila-Nyɔgɛ 2:9

Mari ya a fɔ n ye fanan ko, ‘Wo kana Mohabu mɔgɛnu yakɔrɔ-mamɔ. Lɔti kegeyɛ le wonu na. Wo kana anu kɛlɛ de! N bara Ari soe di anu ma. Hali anuna nyamanɛ sibiri-kunduni, wo ti a sɔrɔn.’ ”

Tɔn-Fɔɛ-Fila-Nyɔgɛ 23:3

“Amonnu wo, Mohabu mɔgɛnu wo, ka a bi anu denu ma ha ka a sigi anu bɔnsɔn tan ma, a ma bɛn wonu ni taran wole Isirɛla mɔgɛnu fɛ Mari madiya tinɛ

Kɛlɛ-Kurugbɛnu 10:6

Isirɛla mɔgɛnu ya hakɛ kɛ Mari la tun. Anu tara anuna bɛsɛnu Beyali anubɛ Asitɔra kɔ tinɛ. Wo kɔma, Siriyanuna bɛsɛnu wo, Saidon kɛnutɛ wo, Mohabu kɛnutɛ wo, Amon kɛnutɛ wo, Filisitinuna bɛsɛnu wo, anu ya wo bɛɛ kɔ. Anu ya anu kan-kɔ sɔ Mari la ka anu ban a bato-koe ma.

1 Samuwɛli 14:47

Mansa Sɔli ye mansayɛ la Isirɛla kun na tumɛ min, a kɛnɛna a yogenu kɛlɛla kan tinɛ bɛɛ rɔ. A ya Mohabu kɛnu kɛlɛ anubɛ Amonnu anubɛ Idɔm kɛnu anubɛ mansɛ minnu bɔra Soba nyamanɛ rɔ anubɛ Filisiti mɔgɛnu. A ya min bɛɛsi kɛlɛ, a ya wonu nɔ.