Ko-Dabirɛnu 19:30 - ALLALA KUMƐ

³⁰ Lɔti anubɛ ala dunmusu filɛ wonu bɔra so-nɛ wo rɔ ka ta anu sigi anu dan na faran la kɔnkɛ kuma kamasɔrɔn anu kilannɛ ka sigi so-nɛ wo rɔ.

Ko-Dabirɛnu 19:30 ပူးပေါင်းရင်းမြစ်များ

Ko-Dabirɛnu 13:10

Lɔti ya a yɛ lata ka Yorodan-ba-lɛɛ mafɛlɛn tala ha ka ke Sowa soe ma. A ya yi yen nyɔ iko yi ye Marita nakɔɛ rɔ nya min nun anubɛ Iyipiti nyamanɛ rɔ. (Wo wati rɔ, Mari ma Sɔdɔm anubɛ Kɔmɔra soenu halaki bɛ.)

Ko-Dabirɛnu 14:22

Kɔnɔ Burama ya a fɔ Sɔdɔm so-tigi wo ye ko, “Fɔ kɛlɛ-dannu ya minnu dɔn kilɛ la, n kan sa wonu ma. Wo kɔma, i ni n diyana-mɔgɛnutɛ bɔ nɔnfuli la minnu tara n fɛ kɛlɛ rɔ, Mamire anubɛ Aneri anubɛ Esikoli, kɔni. Kɔnɔ n bara lanyiri kiri Mari Alla ye min bi fan bɛɛ kun na, min ya san-kole anubɛ dugu-kole dan ko ile so-tigitɛ ye fan minnu na, hali wo sanbara-yili anubɛ yesekara-kolo kelan, n ti wonu bi i bolo. N bi wo tɛgɛla min ma, alako i kana a fɔ n kɔma ko i wara nde ma nɔnfulu-tigi la.”

Ko-Dabirɛnu 19:17

Melika wonu tara anu nabɔ soe kɔma tumɛ min, melika doi ya a fɔ anu ye ko, “Wo ni wo buri yɛlɛla kɔnkɛ kuma alako wo ni kisi. Kɔnɔ wo kana wo yɛ lasɛgi wo kɔma ka mɛ lɛɛ rɔ.”

Ko-Dabirɛnu 19:19

Hala a dan, i wara n niyi lakisi nya min, wo fɔlɔn ya ko bɔ. Kɔnɔ n ti ke n burila ha kɔnkɛ wo kuma. Kɔnkɛ wo fɛ-yan. Yanni n ni ke nyɔ tumɛ min, n ti halaki, wa?”

Ko-Dabirɛnu 49:4

Kɔnɔ ni gboron-gboronna-yi si ke a nyɛrɛ marala, mani, ile si ke i nyɛrɛ marala. I ti ma kun-tigi la tun bawo i ya n namiliya ka i sa nna musi do fɛ.

Aiseya 15:5

Nde, Aiseya yisi tinyanɛ Mohabu kɛnuna ko la. Minnu ya anu buri, wonu tara fɔɔ Sohari soe anubɛ Igilati-Sɛlisiya soe burɔ. Donu bi yɛlɛla dila Lohati soe kilɛ la. Donu bi tala anu dɛ sala-a-rɔ Hɔrɔnayim soe burɔ.

Yɛrɛmaya 48:34

Hɛsibɔn kɛnu anubɛ Ɛlɛyela kɛnu si anu dɛ sa-a-rɔ di-kɛ-tinɛ. Anu di-kɛ-kan si ta ha Yehasi soe burɔ. A si ta ha Sowa soe. A si ta fanan Hɔrɔnayim anubɛ Igilati-Sɛlisiya soe burɔ. Hali Nimirim yi-nɛ si gbala a dagɛ rɔ todo!

Tɔn-Fɔɛ-Fila-Nyɔgɛ 34:3

A ya a yɛ layigi ka Yuda bɔnsɔn-mɔgɛnuna dugu-doi mafɛlɛn. A ya lɛɛ wo mafɛlɛn ka a fɔlɔ Sowa soe ma ha ka ta ke Yɛrikɔ soe ma tin-kurinu bi kan min.

Yemesi 1:8

bawo a ye koe min bɛɛ kɛla, a kunyɛ rabasannɛ, a ti ko-wo-ko latɛgɛ a nyɛrɛ wara-koe rɔ.