Ko-Dabirɛnu 19:3 - ALLALA KUMƐ

³ Kɔnɔ Lɔti kirita anu ma kati! Woletɔ anu yiyara a kuma. Lɔti ya anu gbiliya ka anu fanda biredi anubɛ dɔn-fen-hakikɛ la.

Ko-Dabirɛnu 19:3 ပူးပေါင်းရင်းမြစ်များ

Ko-Dabirɛnu 19:2

Lɔti ya a fɔ anu ye ko, “N tiginu, n bi wo madiyala. Wo yandi, wo ni yiya n barɛ bi. Wo si wo kian maku ka ki nyɔ. Wo wa wo lasɔ sɔgɔma, ni wo ye tala kan min, wo si ta nyɔ.” Anu ko, “Ade, ma si ki luyi tɛma barɛ rɔ.”

Ko-Dabirɛnu 21:8

Isiyaka koloyara. Dennɛ wo da-ka tumɛ, Iburayima ya ladiyɛ kɛ a ye.

Ko-Dabirɛnu 24:31

A ya a fɔ a ye ko, “I sɔnɛ soe kɔma nfenna? Ile duwa-dan, na, ma ni ta bɔn la. N bara i yiya tinɛ rabɛn anubɛ ila nyomɛnu sa tinɛ.”

Ko-Dabirɛnu 26:30

Woletɔ Isiyaka ya ladiyɛ ladan anu ye. Anu ya fen-dɔn-kɛ ka anu min.

2 Mansɛnu 4:8

Lunyɛ do, Nɛbi Ilaisa tara Sunam soe burɔ. Musu-nɔnfulu-tigi do siginɛ soe wo burɔ. Musi wo ya Nɛbi Ilaisa kele fen dɔn tinɛ. Ka a bi wulɔn ma ha a mɛra gbɛ, a wa ta nyɔ tuma-wo-tuma, a si fen-dɔn-kɛ musi wo warɛ.

Bɔ-Koe-Iyipiti 12:15

Mari ko tun, “San-bo-san, wo ni to biredi-yɛlɛbɛlɛ dɔnna tele wɔrɔnfila kɔrɔ. Wo ni isiti labɔ wola bɔnnu na a tele fɔlɛ ma. Ka a bɔ tele fɔlɛ wo ma ha ka ke a tele wɔrɔnfila nyɔgɛ ma, min ba biredi-yɛlɛnɛ dɔn, wo tigi si bɔ Isirɛla mɔgɛnu kurun tɔ.

Bɔ-Koe-Iyipiti 12:39

Anu tenbi anuna kila-fandɛnu tela kan min, anu si anuna dɛgɛ wonu mintan nyɔ isiti sa min tɔ. Anu burimatoe bɔra Iyipiti nyamanɛ rɔ min kɛ, woletɔ anu ma fɛrɛ sɔrɔn ka isiti kɛ anuna dɛgɛ lamunnɛ wo rɔ hali ka dɔn-fen-gbɛrɛkɛ rabɛn anu nyɛrɛ ye.

Luka 11:8

N bi a fɔla wo ye, hali a ma a lasɔ ka biredi di i ma ka a tɛgɛ wola diyanayɛ ma, i ma miliya ka to a manyinikala min kɛ, i makoe ye fan min na, a si a lasɔ ka wo bɛɛ di i ma.

Luka 14:23

Woletɔ kun-tigi ya a fɔ ala wɔli-kɛlɛ ye ko, ‘Ta kila-wɛnu anubɛ sɛnita-kilɛnu fɛ ka mɔgɛnu kele fɔrɔsɛ la, woletɔ nna bɔn la si fa.

Luka 5:29

Wo kɔma, Lifayi ya ladiya-wɛ ladan ala bɔn la Yisa ye. Duti-makelela siyaman anubɛ mɔgɔ-gbɛrɛ siyaman fanan sigira anu fɛ.

Yɔni 12:2

Anu ya kima te a ye nyɔ. Marata ya anu dɛnbɛ ka kima wo rafara anu tɛma. Yisa anubɛ minnu bi fen dɔnna tebulu dafɛ, Lasarasi ye wonu tɛma nun.

1 Kɔrɛnti 5:8

Ma ni mala ladiyɛ wo kɛ a kilɛ fɛ. Ma kana a kɛ hakɛ anubɛ wunduyogoyɛ la ma bolo min manɛ iko biredi-yɛlɛ-fan. Ma ni a kɛ sɛninyɛ anubɛ tonyɛ la min manɛ iko biredi-yɛlɛ-fen sa dɛgɛ min tɔ.

2 Kɔrɛnti 5:14

Kirasitita keninteyɛ ye ma marala bawo ma ara a lɔn ko mɔgɔ kelen fagara mɔgɛ bɛɛ ye, woletɔ mɔgɛ bɛɛ fagara a fɛ ka bɔ anuna hakɛnu tɔ.

Hiburunu 13:2

Wo ni wo hɛnkili to sundannu ko ka anu yiya wola bɔnnu na. Mɔgɛ donu ya wo ma tumɛ min, anu ya melikanu yiya, anu ma taran a kalama.

Kɛlɛ-Kurugbɛnu 6:19

Kidiyɔn burimatoe tara bɔn la. A ya baa-den kelen faga ka a lakaliya wo tela. A ya dɛgɛ-munku-gbɛngbɛnnɛ pani-kunbɛ-nya tan bi ka wo ma biredi-dɛnfɛnɛ la. A ya kɛkɛ-tenɛ wo sa sende rɔ ka manfen-yi wo to dagɛ rɔ. A tara wonu to Mari ma kɔlɔma-kuri wo kɔrɔ.

1 Samuwɛli 28:24

Kɔnɔ musi wo ya ala ninki-den-tɔlɔnɛ faga. A ya dɛgɛ-munke do bi ka wo ma biredi la kɔnɔ isiti sa a rɔ.