Ko-Dabirɛnu 19:28 - ALLALA KUMƐ

²⁸ A ya a yɛ lata Sɔdɔm anubɛ Kɔmɔra wara la anubɛ anuna ba-lɛɛ. A ya ta-sisi yen yɛlɛla iko sulubondɔn ta-sisi.

Ko-Dabirɛnu 19:28 ပူးပေါင်းရင်းမြစ်များ

Bɔ-Koe-Iyipiti 19:18

Ta-sisi bɔra Sinayi kɔnkɛ kuma bawo Mari le wara yigi kɔnkɛ wo kuma iko tɛ. Ta-sisi wo yɛlɛta kulakula! Kɔnkɛ wo kan tinɛ bɛɛsi yɛrɛyɛrɛnta.

Malakayi 3:2

Mari kɛ wa na wati min, yon si ke tola a niyi la a kɔrɔ? Ale wa bɔ gbɛ rɔ, yon si kanan? A wa bɔ gbɛ rɔ wati min, a si ma iko sefini-diyamɛ min si nɔgɛ bɛɛ toronde kura-nɔgɔnɛ la. A si ma fanan iko numɛnuna tɛ min si nɛgɛ lalee bandin, ka a kɛndɛ bɔ a boe yala.

2 Pita 2:7

Mɔgɔ-nyimɛ do siginɛ anu tɛma min tɔgɛ Lɔti. Wo ye anu kɛ-nya-yogomɛ wonu tayenna ka a lamɔɛn tele-wo-tele. A sɔndɔmɛ tɔrɔta anuna tɔn-tinyɛla ko la kati! Woletɔ Alla ya a kisi.

Yude 1:7

Wo ni wo hɛnkili to Sɔdɔm anubɛ Kɔmɔra anubɛ anu dafɛ-soenu ko. Nyɔ-mɔgɛnu ya a ma iko melikanu ya a ma nya min. Anu ya yɛlɛnya-su kɛ min ma daga mumɛ! Anu bi tɔrɔla habadan-tɛ le tɔ alako anu ni ma misali-bɛrɛ la mɔgɛ bɛɛ ye.

Lankɛnimayɛ 18:18

Anu ya soe wo mintan-sisi yen yɛlɛla tumɛ min, anu gbele-gbelenta ko, “So-karantan wo nyɔgɔn sa nun mumɛ!”

Lankɛnimayɛ 18:9

Mansɛ minnu ya yɛlɛnyɛ anubɛ fɛrɛ-bɔnku-nata kɛ a fɛ, wonu ba soe wo mintan-sisi yen tumɛ min, anu si gbele-gbelen ka di ala ko la biribiri!

Lankɛnimayɛ 19:3

Anu ya anu kan nabɔ tun ko, “Alla tanto! Babilɔn-so-wɛ wo mintan-sisi ye yɛlɛla lugbu-lugbu!”

Lankɛnimayɛ 21:8

Kɔnɔ a kilandɔgɔ wo, a lanayabɛlɛ wo, a haramu-ko-kɛla wo, a mɔgɔ-fagala wo, a yɛlan wo, minnu bi duriyɛ kɛla wo, minnu bi bɛsɛnu kɔla wo, anubɛ foninya-fɔlɛ bɛɛ, wonu barɛ le ta-dalɛ wo la. Dalɛ wo ye mintanna tɛ anubɛ munku-gbɛ le la. Sayɛ fila nyɔgɛ le wo la.”

Lankɛnimayɛ 9:2

Lole wo ya denka-dan-yenbɛlɛ laka. Ta-sisi ye bɔla a rɔ iko sulubondon-ta-sisi-wɛ. Tele anubɛ fɔnyɔ finta ta-sisi wo bolo min bɔra denka-dan-yenbɛlɛ wo rɔ.