Ko-Dabirɛnu 18:7 - ALLALA KUMƐ

⁷ Iburayima burimatoe tara ala wɔrɛ rɔ ka ninki-den-tɔlɔni kelen bi ka na wo don ala wɔli-kɛlɛ do bolo. Wo ya a lakaliya wo ladanna.

Ko-Dabirɛnu 18:7 ပူးပေါင်းရင်းမြစ်များ

Ko-Dabirɛnu 18:6

Iburayima donta fani-bɔn la tiriya! A ya a fɔ Sira ye ko, “I lakaliya ka dɛgɛ-munku-hakikɛ pani-kunbɛ-nya tan-ni-loli bi ka a ladan biredi la.”

Ko-Dabirɛnu 18:8

Iburayima ya kɛkɛ wo bi anubɛ ninki-tuli anubɛ nonɛ ka ta sundan wonu fanda wo la. Wo tumɛ anu bi fen-dɔn la, a sɔra anu dafɛ kɔlɔma kɔrɔ.

Ko-Dabirɛnu 19:3

Kɔnɔ Lɔti kirita anu ma kati! Woletɔ anu yiyara a kuma. Lɔti ya anu gbiliya ka anu fanda biredi anubɛ dɔn-fen-hakikɛ la.

Emɔsi 6:4

A si gbɛlɛya wole, nɔnfulu-tiginu kuma, wole min bi wo sala wola sa-fen-hakikɛnu kuma ka mɛ fen-diyamɛnu dɔn tinɛ.

Malakayi 1:14

Kensuntenu bi yili-madiyɛ kɛla ko anu si na saraka-hakikɛ la ka bɔ anuna wɔrɛnu tɔ kɔnɔ yaga, anu sa nala fenfen na fɔ saraka-manyimanɛnu. Alla ko a si wo danka wola ko la. Mari ko mansa-makawanɛ le ale la. Duninya mumɛ bɛɛ ye kilanna ale le la.

Matiyu 22:4

Woletɔ kɔnyɔ-masɔɛ sara minnu kɔrɔ, a ya a sara ala wɔli-kɛla-gbɛrɛnu na ko, ‘Wo ta a fɔ wonu ye ko koe bɛɛ ra ara bɛn. N bara turɛnu anubɛ ninki-den-tɔlɔnɛnu faga. Ma ara fan bɛɛ rabɛn. Anu ni na kɔnyɔ-masɔɛ rɔ!’

Luka 15:23

Wo ta ninki-den-tɔlɔnɛ faga. Ma ni ladiyɛ ladan ka sewa

Luka 15:27

Wɔli-kɛlɛ wo ya a yabi ko, ‘I dɔgɛ ara na. I fa ara ninki-den-tɔlɔnɛ faga bawo a ara ala dan yen tun, a kɛndɛ, a ye a niyi la.’

Luka 15:30

Kɔnɔ ila dan kɛ min bara ila nɔnfuli bɛɛ tinya yɛlannu fɛ, wo ara na min kɛ tun, i wara ninki-den-tɔlɔnɛ faga wo ye!’

1 Samuwɛli 28:24

Kɔnɔ musi wo ya ala ninki-den-tɔlɔnɛ faga. A ya dɛgɛ-munke do bi ka wo ma biredi la kɔnɔ isiti sa a rɔ.