Ko-Dabirɛnu 18:6 - ALLALA KUMƐ

⁶ Iburayima donta fani-bɔn la tiriya! A ya a fɔ Sira ye ko, “I lakaliya ka dɛgɛ-munku-hakikɛ pani-kunbɛ-nya tan-ni-loli bi ka a ladan biredi la.”

Ko-Dabirɛnu 18:6 ပူးပေါင်းရင်းမြစ်များ

Ko-Dabirɛnu 18:5

N si na dɔn-fen-ni na wo ye alako wo si sɛnbɛ sɔrɔn nya min. Wo kɔma, wo si tenbi kamasɔrɔn wo ara nde gbiliya ka na n barɛ.” Woletɔ anu sɔnta anu sulen-koe ma nyɔ.

Ko-Dabirɛnu 18:7

Iburayima burimatoe tara ala wɔrɛ rɔ ka ninki-den-tɔlɔni kelen bi ka na wo don ala wɔli-kɛlɛ do bolo. Wo ya a lakaliya wo ladanna.

Ko-Dabirɛnu 19:3

Kɔnɔ Lɔti kirita anu ma kati! Woletɔ anu yiyara a kuma. Lɔti ya anu gbiliya ka anu fanda biredi anubɛ dɔn-fen-hakikɛ la.

2 Samuwɛli 13:6

Wo le ya a ma, Aminɔ tara a sa yiri, ka a nyɛrɛ lakiraya. A fa Mansa Dawuda tara a mafɛlɛn tinɛ tumɛ min, ale Aminɔ ya a fɔ a fa ye ko, “I yandi, a ma, n dɔgɔ Tema ni na ka dɛgɛ yilan n ye yan tɔ. Ale nyɛrɛ ni to a dila n ma.”

Yaburi 119:60

N gbaranta n nyɛrɛ la, n ko, “Fɔ n ba ila tɔnnu bira le serr!”

Aiseya 32:8

Kɔnɔ gbiliya-mɔgɛ si ko-telennɛ ladan. A si a sɔ gben, ko-telennɛla ko la.

Matiyu 13:33

Yisa ya tili-dogbɛrɛ tɛgɛ anu ye, a ko, “Alla min bi Arinyɛni tɔ, ata mansayɛ mani de iko biredi-yɛlɛ-fan. Musi ya doni bi ka a basan dɛgɛ-munke ku-musu kelen na ha a bɛɛ yɛlɛta.”

Kɛwɔlɛnu 16:15

Wobɛ ala bonna-mɔgɛ bɛɛ batasira. Wo kɔma, a nɔrɔta a fɔla ma ye ko, “Ni wo lara a la ko n bara dɛnkɛninya Mari Yisa ma, wo na yiya n barɛ.” A kirita ma ma ha ma sɔnta.

Romu 12:13

Dɛnkɛninya-mɔgɔ bolo-kolɔn minnu bi wo tɛma, wo ni hɔn wonu na. Wo ni sundannu tabira.

Kalesiya 5:13

N na-kelen-nyɔgɛnu, wo keleta hɔrɔyɛ le ma kɔnɔ wola hɔrɔyɛ kana ma masigima-koe la wo fɛrɛ-natanu ma-tinɛ. Min fisa, wo ni to wo nyɔgɔn dɛnbɛna keninteyɛ rɔ,

Hiburunu 13:2

Wo ni wo hɛnkili to sundannu ko ka anu yiya wola bɔnnu na. Mɔgɛ donu ya wo ma tumɛ min, anu ya melikanu yiya, anu ma taran a kalama.

1 Pita 4:9

Wo ni wo nyɔgɔn yiya, ado yisi-magboyɛ kana taran a rɔ.

Kɛlɛ-Kurugbɛnu 6:19

Kidiyɔn burimatoe tara bɔn la. A ya baa-den kelen faga ka a lakaliya wo tela. A ya dɛgɛ-munku-gbɛngbɛnnɛ pani-kunbɛ-nya tan bi ka wo ma biredi-dɛnfɛnɛ la. A ya kɛkɛ-tenɛ wo sa sende rɔ ka manfen-yi wo to dagɛ rɔ. A tara wonu to Mari ma kɔlɔma-kuri wo kɔrɔ.

1 Samuwɛli 28:24

Kɔnɔ musi wo ya ala ninki-den-tɔlɔnɛ faga. A ya dɛgɛ-munke do bi ka wo ma biredi la kɔnɔ isiti sa a rɔ.