Ko-Dabirɛnu 18:25 - ALLALA KUMƐ

²⁵ Mari, ile lara a la, i si mɔgɔ-telennɛnu faga mɔgɔ-yogomɛnu fɛ? I yandi Mari, i kana mɔgɔ-telennɛnu kofu mɔgɔ-yogomɛnu ma. Ile min bi duninya-mɔgɛ bɛɛ kiti tɛgɛla, a bɛnta, i ni ko-latelennɛ kɛ.”

Ko-Dabirɛnu 18:25 ပူးပေါင်းရင်းမြစ်များ

Ko-Dabirɛnu 18:24

Ni mɔgɔ-telennɛ bi-loli si taran soe wo burɔ, i si soe wo halaki, wa? Mɔgɔ-telennɛ bi-loli minnu bi nyɔ, i ti kan tinɛ wo to nyɔ wonuna ko la, wa?

1 Ko-Kɔrɔta-Karan 16:33

Mari wa na kiti tɛgɛ tinɛ lunyɛ min, wole gbɔngbɔn-kɔlɔmanu, wo ni a lawɔyɔ sewɛ la.

2 Ko-Kɔrɔta-Karan 19:7

Wo ni Mari gbiliya ka kitinu tɛgɛ a kilɛ fɛ. Mata Mari Alla ti sɔn ko-radunɛ ma, lafisayali, anubɛ nɔnfulu-birɛ kiti tɛgɛ tinɛ.”

Nihɛmaya 9:33

Ma tɔrɛ i bolo, wo bɛnta le, yɔ! Hali male ara hakɛ kɛ duk, ile telennɛ ma ye.

Yobu 34:10

Wole min ya ko-kɔrɛ lɔn, wo ni wo tole masɔ. Alla Sɛnbɛ-Bɛɛ-Tigi si ko-radunɛ ma, wa?

Yobu 34:12

Tonyɛ le, Alla Sɛnbɛ-Bɛɛ-Tigi ti ko-yogomɛ ma. A ti ko-latelennɛ yɛlɛma ko-radunɛ la.

Yobu 8:20

Mɔgɛ minnu telennɛ Alla ye, a ti wonu boloka, ado minnu telenni ma a ye, a ti wonu dɛnbɛ.

Yobu 8:3

Koe min telennɛ, Alla ti wo radu mumɛ! Koe min bɛnnɛ, fɔ Alla Sɛnbɛ-Bɛɛ-Tigi wa wo ma le serr!

Yaburi 50:6

San-kole si a yira ma la ko kiti-tɛgɛla-latelennɛ le Alla la.

Yaburi 58:11

Tɔ-a-la, mɔgɛnu si a fɔ ko, “Telenbagɛnu si barayi sɔrɔn yati!” Wo kɔma, anu si a fɔ ko, “Tonyɛ le wo la, yɔ! Alla ye nyɔ min bi duninya kitila.”

Yaburi 7:12

Ni mɔgɔ ma fara hakɛ kɛla, ile Alla ye ila faan dɛ lasala wo tigi tɔgɔ rɔ. I ye ila kalɛ rasaganna ka a bɛn wo tigi ma.

Yaburi 75:3

Hali duninya-nima-fan bɛɛ yɛrɛyɛrɛnta, hali dugu-kole nyɛrɛ yɛrɛyɛrɛnta, hali wo, a ko a si dugu-kolo kurukɛ-tinɛ bira mɔrɔtɔ!

Yaburi 94:2

Duninya-mɔgɛ bɛɛ kiti-tɛgɛlɛ le ile la. I lakɔɛnma ka wasintenu sara iko anuta wasinteyɛ ye nya min.

Yaburi 98:9

bawo a nara duninya mumɛ bɛɛ le mara tinɛ. A si duninya-mɔgɛ bɛɛ mara telenbagayɛ anubɛ lafisayabɛlitayɛ la.

Makawandili Kumɛnu 3:17

N ya n miri n nyɛrɛ ma ko Alla si telenbɛlɛnu anubɛ telenbagɛnu kiti bawo koe bɛɛ ani a wati le.

Makawandili Kumɛnu 7:15

Hali duninya ragbɛlɛ, n bara koe bɛɛ rayen n yɛ la. Lunyɛ do, mɔgɔ-nyimɛ si faga, hali a telennɛ, karagbɛlɛ ni to a niyi la, hali a wunduyogo.

Yɛrɛmaya 11:20

N ya Mari madiya ko, “Kɔnɔ Mari Sɛnbɛ-Bɛɛ-Tigi, i telenta. I kusan mɔgɔ-yisi anubɛ a miriya rasumanna. N si anu yasere-masa i ye. I tenbi n tayili sarala anu na, n si n yɛ sɔ i la.”

Yɛrɛmaya 12:1

Mari, ile min telennɛ, a bɛnta, n ni n yasere-masa ile le ye. Fɔ n ba i manyinika telenbagayɛ wara-koe ma. Nfenna karagbɛlɛnu bara-koe ye tala yarɔ? Nfenna telenbɛlɛnu nafɛrɛnɛ?

Isikiyɛli 18:25

“Isirɛla mɔgɛnu kɛnɛna a fɔla ko, ‘Mari sa ko-telennɛ kun na.’ Kɔnɔ Isirɛla mɔgɛnu ni anu tole masɔ n na. Anu miri ko n bi koenu nadanna nya min, wo ma kin, nyɛ? Anu denuta kilɛ ma telen.

Malakayi 3:18

A ko mɔgɛnu si dan-nafarɛ yen ata mɔgɔ-telennɛnu anubɛ karagbɛlɛnu tɛma. A ko dan-nafarɛ si yen fanan a gbiliyalɛ anubɛ a lafɛyalɛnu tɛma.

Yilan-Yilan Koe 16:22

Kɔnɔ Musa anubɛ Aruna ya anu maburun dugi ma ka Mari madiya ko, “E, Mari, ma ya a lɔn ko Allatala le ile la. Ile le ya mɔgɔ niyi dan. I si ke ka mɔgɔ niyi bi. Kɔnɔ i si na mɔgɛ kɛ bɛɛ niyi tinya mɔgɔ kelen peta hakɛla ko la, wa?”

2 Kɔrɛnti 5:10

Ma ye a fɛ ka a hɛnɛ bawo a fɛrɛ sa fɔ ma dama ni ma sɔ gbɛ rɔ Kirasitila kiti tɛgɛ tinɛ yarɔma. Ma kelen-kelennamɛ-bɛɛ si kiti ka wo sɔrɔn iko a bɛnta ma ma nya min. Ma tenbi fɛrɛ-bɔnkɛ kɛnu tɔ, ni ma ya min ma, a mara a nyima la wo, a mara ko-fuyi la wo, ma ye wo sarɛ sɔrɔnna le, yɔ!

Tɔn-Fɔɛ-Fila-Nyɔgɛ 1:16

“Wati wo rɔ, n ya kun-tigi wonu makawandi ko wo si kɛlɛ-kumɛnu namɔɛn minnu bi wulila wola mɔgɛnu tɛma. Wo ni kiti wonu bɛɛsi sa a kila-yɔnyɔn fɛ. Wo ni a fɔ a kila-bɛrɛbɛrɛ fɛ, ni wo gbansan le, anubɛ ni a ye wobɛ sundan denu tɛma.

Tɔn-Fɔɛ-Fila-Nyɔgɛ 1:17

N ko wo ni bolo-kolɔnnu anubɛ fen-tiginuna kiti sa a kilɛ fɛ. Wo kana lafisayalɛ kɛ kiti sa tinɛ. Wo kana kilan mɔgɔ-wo-mɔgɔ la bawo wola kiti-sa-bole bɔra Alla le bolo. Ni wo ma ke kumɛ minnu fɔla, wo si wonu natenbi nde, Musa ma. Nde si yi-kimɛ sa wo rɔ.

Tɔn-Fɔɛ-Fila-Nyɔgɛ 32:4

“Wota farɛ le Mari la min ti bɔ a gbɛ rɔ. Fɛɛ sa ala ko-ladan-nya fenfen na. Latelen-mansɛ le ale la. A si ko-latelennɛ kɛ. A ti lafisayalɛ kɛ.

Hiburunu 12:23

Wo ara na bɛn Allata den-fɔlɔtɛnuna ladiyɛ ma. Wonu damasi tɔgɛ sɛbɛnɛ Arinyɛni tɔ. Alla siginɛ soe wo le burɔ, mɔgɛ bɛɛ Kitilɛ, kɔni. Mɔgɔ-nyimɛ minnu kanbalinɛ Alla yala, wonu bi a fɛ nyɔ.

Kɛlɛ-Kurugbɛnu 11:27

Nde ma ko-yogoma ma wo la. A sɔgɛ ye wole la, wo ni ko-yogomɛ ma male la ka ma kɛlɛ? Mari min si kiti tɛgɛ, alamɛ wo ya kiti tɛgɛ wole Amonnu anubɛ male Isirɛla mɔgɛnu tɛma bi.”