Ko-Dabirɛnu 18:2 - ALLALA KUMƐ

² A ya a yɛ lata ka kei sawa sɔnɛ yen wulɛ la. A ya anu tagbɛ tumɛ min, a burimatoe bɔra fani-bɔn la ka anu nabɛn. A ya a laburun a ma dugi ma anu kɔrɔ.

Ko-Dabirɛnu 18:2 ပူးပေါင်းရင်းမြစ်များ

Ko-Dabirɛnu 17:3

Burama ya a laburun a ma dugi ma ka Mari bato. Alla ya a fɔ a ye ko,

Ko-Dabirɛnu 18:16

Mɔgɔ sawɛ wonu wulita ka bɔ nyɔ ka ta anu yɛ layigi Sɔdɔm soe waralɛ ma. Iburayima ya anu bila-sila.

Ko-Dabirɛnu 18:22

Melika filɛ wonu bɔra nyɔ ka ta Sɔdɔm soe burɔ kɔnɔ Mari tora sɔni Iburayima dafɛ.

Ko-Dabirɛnu 18:3

A ya a fɔ anu ye ko, “N fanu, wo yandi, wo belen wo sulenna n barɛ yan tɔ. Wola wɔli-kɛlɛ le nde la.

Ko-Dabirɛnu 19:1

Melika filɛ wonu ke Sɔdɔm soe burɔ wurala-tumɛ le la, anu ya Lɔti siginɛ taran Sɔdɔm tarɛ dɛ la. Lɔti ya anu yen tumɛ min, a ya a lasɔ ka anu nabɛn. A ya a laburun a ma dugi ma anu kɔrɔ.

Ko-Dabirɛnu 23:12

Iburayima ya a madu Hɛti mɔgɔ-ba wonu kɔrɔ.

Ko-Dabirɛnu 23:7

Iburayima ya a madu duguran wonu kɔrɔ.

Ko-Dabirɛnu 24:63

A ye a matagama-tagamana gbɛkole ma wurala-tumɛ la tumɛ min, a ya a yɛ lata ka nyomɛnu kun-nabɔɛ yen.

Ko-Dabirɛnu 32:24

Kɔnɔ ale Yakoba tora yi kɔgɔma. Su kelan wo rɔ, a ma mɛ, kei do nara a wara. Anubɛ wo ya turuni-kɛ dabira. Anu kira turunɛ kɛla kudu ha banda-ka-dɛ ma.

Ko-Dabirɛnu 42:6

Wo wati rɔ, Yusufu le kandayɛ la Iyipiti nyamanɛ rɔ. Ale le ye dɔn-fan mayirala mɔgɛnu ma. Yusufu-kɔrɔnu tara ka anu naburun a ma dugi ma a kɔrɔ.

Ko-Dabirɛnu 43:26

Yusufu nara anu bara bɔn la tumɛ min, anu ya anu madu a kɔrɔ dugi ma ka a sanbɛ wonu don a bolo.

Ko-Dabirɛnu 43:28

Anu ko, “Ila wɔli-kɛlɛ, ma fa, a kɛndɛ ken!” Anu ya anu madu a kɔrɔ tun ka anu nyɛnkin.

Ko-Dabirɛnu 44:14

Yuda anubɛ a na-kelen-nyɔgɛnu tara Yusufu wara bɔn la tumɛ min, anu ya anu sa dugi ma Yusufu kɔrɔ.

Ko-Dabirɛnu 48:12

Yusufu ya ala dan wonu bɔ a fa kian kuma ka a laburun a ma dugi ma a fa kin kɔrɔ.

2 Mansɛnu 2:15

Yɛrikɔ nɛbi-karan-dan minnu yɛ bɛnnɛ anu ma nun, wonu ko, “Nɛbi Ilayata sɛnbɛ ye Nɛbi Ilaisa fɛ!” Anu tara a labɛn ka anu madu dugu ma a kɔrɔ.

Romu 12:13

Dɛnkɛninya-mɔgɔ bolo-kolɔn minnu bi wo tɛma, wo ni hɔn wonu na. Wo ni sundannu tabira.

Hiburunu 13:2

Wo ni wo hɛnkili to sundannu ko ka anu yiya wola bɔnnu na. Mɔgɛ donu ya wo ma tumɛ min, anu ya melikanu yiya, anu ma taran a kalama.

Yasowa 5:13

Yasowa gbɛrɛnta Yɛrikɔ ma tumɛ min, a ya mɔgɛ do yen sɔnɛ a yakɔrɔ, faan ye a bole tɔ. Yasowa tara a wara la ka a fɔ a ye ko, “I ye male le fɛ, ka, ma kɛlɛ-nyɔgɛ le ile la?”

1 Pita 4:9

Wo ni wo nyɔgɔn yiya, ado yisi-magboyɛ kana taran a rɔ.

Kɛlɛ-Kurugbɛnu 13:3

Mari bɔra gbɛ rɔ melikala muninyɛ rɔ musi wo ye. A ko, “Gbandɛ le ile la kɔnɔ a ti mɛ tun, i si buyi bi ka den-kei sɔrɔn.

Ruti 2:10

Ruti ya a nyɛnkin ka a madu Bowasi kɔrɔ. A ya a fɔ a ye ko, “Nfen bi nna kinikinɛ donna i yisi rɔ? Nfen bi a mala, i ye ko-nyimɛ mala nde sibolo-gbɛrɛ ye?”