Ko-Dabirɛnu 18:17 - ALLALA KUMƐ

¹⁷ Mari ya a miri a yisi rɔ ko, “N ba wuli koe min mala, n ti wo dogon Iburayima ma

Ko-Dabirɛnu 18:17 ပူးပေါင်းရင်းမြစ်များ

Ko-Dabirɛnu 18:21

N si ta nyɔ kaka ka anu mafɛlɛn ni anu bi ko-yogomɛ mala iko mɔgɛnu bi a fɔla nya min.”

Ko-Dabirɛnu 18:22

Melika filɛ wonu bɔra nyɔ ka ta Sɔdɔm soe burɔ kɔnɔ Mari tora sɔni Iburayima dafɛ.

Ko-Dabirɛnu 18:26

Mari ya a fɔ a ye ko, “Ni n ya mɔgɔ-telennɛ bi-loli yen Sɔdɔm soe burɔ, n si anu bɛɛsi to nyɔ wonuna ko la.”

Ko-Dabirɛnu 19:24

Mari ya munku-gbɛ anubɛ tɛ layigi iko bandɛ ka bɔ san-kole rɔ Sɔdɔm anubɛ Kɔmɔra kuma.

2 Mansɛnu 4:27

Kɔnɔ ale musi kenɛ Nɛbi Ilaisa ma, a ya a gbesi dugi la ka Nɛbi Ilaisa kian bira. Kɛhasi ko a ni ale musi bɔ nyɔ kɔnɔ Nɛbi Ilaisa ma sɔn. A ko, “A to nyɔ. I ma a lɔn kɛ yisi tɔrɔnɛ le a ma kɛ la, ado Mari ma fenfen fɔ n ye ala ko rɔ, wa.”

2 Ko-Kɔrɔta-Karan 20:7

Mata Alla le ile la. I ya ila Isirɛla mɔgɛnu nana nyamanɛ kɛ rɔ tumɛ min, yanni ma ni na mɔgɛ minnu bi yan nun, i wara anu gben ma yarɔ nun, ado i ya Isirɛla nyamanɛ kɛ di i diyana-mɔgɛ Iburayima bɔnsɔn ma ka ma anu halala-nyamanɛ la burubukai!

Yaburi 25:14

Ile Mari diyana-mɔgɛ le tɔn-biralɛnu na. I ye ita sarama-kan yirala anu na.

Emɔsi 3:7

Ni yarɛ wɔrɔndɔra, mɔgɔ kuma ti kɔ, wa? Allatala ti ko-wo-ko ladan a ti min kɔrɛ fɔ male nɛbinu ye. Woletɔ ni Allatala kumara, male nɛbinu ti a kuman-kan latenbi, wa?

Yɔni 15:15

N ti wo kele tun ko wɔli-kɛlɛnu bawo wɔli-kɛlɛ ma a lɔn ala kun-tigi ye min kun na. N si wo kele n diyana-mɔgɛnu bawo n bara min bɛɛ lamɔɛn n Fa Alla bolo, n bara wonu fɔ wo ye.

Yemesi 2:23

Allala kitabu ya min fɔ, wo mara tonyɛ la worɔ. A ko, “Iburayima dɛnkɛninyara Alla ma, ado ala dɛnkɛninyɛ wo fɛ, Alla ya a rabira iko mɔgɔ-latelennɛ.” Alla ya a kele ko, “N diyana-mɔgɛ, Iburayima.”