Ko-Dabirɛnu 18:15 - ALLALA KUMƐ

¹⁵ Sira ya sɔsɔli sa kamasɔrɔn a kilannɛ. A ko, “N ma yɛlɛn kɔɔ!” Kɔnɔ Mari ko, “Ade, i yɛlɛnta le serr!”

Ko-Dabirɛnu 18:15 ပူးပေါင်းရင်းမြစ်များ

Ko-Dabirɛnu 12:13

I ni a fɔ anu ye ko nde tirisan-musi le ile la. I ni a ma, n ni kisi i fɛ. I ni a ma, anu ni n tabira a kin na!”

Ko-Dabirɛnu 18:14

Koe do ye nyɔ min gbɛlɛ Mari yala, wa? N si sɛgi i warɛ yan a wati-latɛgɛnɛ rɔ yari. Sira kɛ si den-kei sɔrɔn, yɔ.”

Ko-Dabirɛnu 18:16

Mɔgɔ sawɛ wonu wulita ka bɔ nyɔ ka ta anu yɛ layigi Sɔdɔm soe waralɛ ma. Iburayima ya anu bila-sila.

Ko-Dabirɛnu 4:9

Mari ya Ken manyinika ko, “I dɔgɛ Ebɛli ye mintɔ?” Ken ko, “Nde ye wo kalama? Ile ya n lɔn n dɔgɔ-makandannɛ le la, wa?”

Yobu 2:10

Yobu ya a fɔ a ye ko, “Ile ye Alla-lɔnbɛliya-kumɛ fɔla. Alla wa ko-nyimɛ kɛ ma ye, ma sewamatoe si wo bira. Nfenna a wa tɔrɔyɛ lana ma ma, ma si gbunyɛ wo kɔrɔ?” Yobula tɔrɔyɛ wo damasi kɔrɔ, a ma kuma-wo-kuma fɔ min si Alla fonde tɔrɔ.

Yaburi 44:21

fɔ i wa a lɔn nun bawo i ya dogontɔ-koe bɛɛ lɔn.

Yaburi 44:22

Kɔnɔ anu bi ma fagala ile lela ko la tuma-wo-tuma, anu bi ma bira boloko-yogomɛ-kɛla iko saga-kan-natɛgɛtɛ.

Hɛnkilimaya-Kumɛnu 12:19

Siyi ye tonyɛ la burubukai kɔnɔ siyi sa foninyɛ la feu!

Hɛnkilimaya-Kumɛnu 28:13

Mɔgɛ min si a hakɛ dogon, wo tigi ti ta yarɔ. Kɔnɔ mɔgɛ min bi a hakɛ bɛɛ labɔla gbɛ ma ka anu boloka, Mari si kinikini wo tigi ma.

Maraka 2:8

Yisa ya anu miriyanu lɔn nkɛkuna, a ya a fɔ anu ye ko, “Wo ye wo mirila wo nya na kama?

Yɔni 18:17

Yɔɔn-musi min bi don-dɛ kandanna, wo ya a fɔ Pita ye ko, “Kei kɛla karan-dan do ma ile la?” Pita ya a yabi ko, “Ade, wo ma nde la de!”

Yɔni 2:25

Mɔgɔ ti mɔgɔla ko rakaran Yisa ye bawo a ya mɔgɛ bɛɛ sɔndɔmɛ lɔn bɛrɛkɛ!

Romu 3:19

Nba, ma ya a lɔn ko minnu bi Allata tɔn wara-koe kɔrɔ, tɔn-kitabu kɛ sɛbɛra wonu denu ye. Wo sɛbɛnɛ alako mɔgɛna masigima-fɔɛ ni ban ka duninya-mɔgɛ bɛɛ lana Allala kiti kɔrɔ,

Ɛfɛsa 4:23

A fɛrɛ sa fɔ wo yisi anubɛ wo hɛnkili ni kuraya tun feu!

Kɔlɔsi 3:9

Wo kana foninyɛ fɔ wo nyɔgɔn ye bawo wo ara mɔgɔya-kɔrɛ boloka anubɛ wo kɛ-nyanu.

1 Yɔni 1:8

Ni ma ko ma ma hakɛ kɛ, ma ye ma nyɛrɛ yanfala. Tonya sa ma yisi rɔ hali!