Ko-Dabirɛnu 18:10 - ALLALA KUMƐ

¹⁰ Mari ya a fɔ Iburayima ye ko, “Kɛ nyɔgɔn wati yari, n si sɛgi i warɛ yan tɔ. Ila musi Sira si den-kei sɔrɔn.” Sira tole masɔnɛ fani-bɔn dɛ la anu kɔma kilɛ la.

Ko-Dabirɛnu 18:10 ပူးပေါင်းရင်းမြစ်များ

Ko-Dabirɛnu 16:10

Melika wo ya Hega yili-madiya ko, “I sibole si siyaya ha a dan ti ban lɔnna.

Ko-Dabirɛnu 17:16

Nta duwɛ si to a kuma. A si den-kei sɔrɔn i ye. A si ma bɔnsɔn siyaman na la. Mansɛnu si bɔ a bɔnsɔn rɔ.”

Ko-Dabirɛnu 17:19

Alla ya a yabi ko, “N bara i kan lamɔɛn Sumanyilala ko la. Nta duwɛ si to ale kuma. Bɔnsɔn tan-ni-fila si bɔ ale rɔ. N si a bɔnsɔn wonu nasiyaya bɛrɛkɛ! Kɔnɔ ila musi Sira si den-kei sɔrɔn yati! I si a tɔgɔ sa Isiyaka. N si nta lanyiri latɔnbagaya ala dan wo ye ka a ma habadan-lanyiri la ale anubɛ a bɔnsɔnnu ye. Kɛ nyɔgɔn tumɛ yari, Sira si dan kɛ sɔrɔn i ye.”

Ko-Dabirɛnu 18:9

Anu ya a manyinika ko, “Ila musi Sira wo ye mintɔ?” A ko, “A ye fani-bɔn la.”

Ko-Dabirɛnu 21:1

Mari duwara Sira ye iko a ya lanyiri kiri a ye nya min nun.

Ko-Dabirɛnu 21:2

Hali Iburayima kɔrɔyanɛ, Sira ya buyi bi a ma ka den-kei sɔrɔn a ye a wati-latɛgɛnɛ rɔ iko Alla ya lanyiri kiri anu ye nya min nun.

Luka 1:13

Kɔnɔ melika ya a fɔ a ye ko, “Sakaraya, i kana kilan! Alla ara ila madiyalɛ lamɔɛn. Ila musi, Ilisabɛti si den-kei sɔrɔn i ye. I ni a tɔgɔ sa Yɔni.

Kalesiya 4:23

Ala yɔɔn-musi ya dan sɔrɔn hadama-danta kilɛ fɛ. Wo ma sɔrɔn iko Allata lanyiri-latɛgɛnɛ kɔnɔ ala hɔrɔ-musi ya dan min sɔrɔn, wo sɔrɔnta iko Allata lanyiri-latɛgɛnɛ.

Kalesiya 4:28

Nba, n na-kelen-nyɔgɛnu, iko Sirata den Isiyaka ya Allata sarama-kan dafa nya min, wole mara Allata dan la ka ata sarama-kan wo dafa wo nya na le.