Ko-Dabirɛnu 17:8 - ALLALA KUMƐ

⁸ I ye sundanyɛ la Kenan nyamanɛ min tɔ kɛ la, n si wo di wobɛ i bɔnsɔnnu ma ka a ma wotɛ la habadan! N si ma wota Alla la.”

Ko-Dabirɛnu 17:8 ပူးပေါင်းရင်းမြစ်များ

Ko-Dabirɛnu 12:7

Mari bɔra gbɛ rɔ Burama ye, a ko, “N bi nyamanɛ min dila i sibolenu ma, wo le kɛ la.” Woletɔ Burama ya saraka-mintan-tinɛ sɔ Mari ye nyɔ.

Ko-Dabirɛnu 13:15

I ye nyamanɛ min bɛɛsi yenna kɛ la, n si wo di wobɛ i bɔnsɔn ma habadan!

Ko-Dabirɛnu 13:17

I lasɔ ka nyamanɛ kɛ tonko nanɛ bɛɛ ratagama kamasɔrɔn n bi nala a dila i ma.”

Ko-Dabirɛnu 23:4

“Sundan le nde la min siginɛ wole Hɛtinu tɛma. Wo ni dugu-kundu-nɛ di n ma alako n ni nna furi togon nyɔ.”

Ko-Dabirɛnu 26:24

A ke nyɔ wo suyi rɔ, Mari bɔra a ye gbɛ rɔ. A ko, “I fa Iburayimata Alla le nde la. I kana kilan kamasɔrɔn n bi i fɛ. N si nta duwɛ layigi i kuma ka i bɔnsɔn lasiyaya nta wɔli-kɛlɛ Iburayimala ko la.”

Ko-Dabirɛnu 28:4

Alamɛ ma fa Iburayimata duwɛ tora wobɛ i bɔnsɔnnu ye. Alla ya lanyiri kiri i benba Iburayima ye nyamanɛ kɛ minna ko la, alamɛ wo mara iletɛ la.”

Ko-Dabirɛnu 35:27

Yakoba tara a fa Isiyaka wara Mamireta kɔlɔmanu kɔrɔ Hiburɔn soe dafɛ. Iburayima anubɛ Isiyaka sigi tina kɔrɛ le nyɔ la.

Ko-Dabirɛnu 36:7

kamasɔrɔn anuna kolo-fannu siya. Anu ti ke sigila anu nyɔgɔn fɛ bawo anu siginɛ nyamanɛ kan tinɛ min tɔ, anu ti kun nyɔ rɔ.

Ko-Dabirɛnu 37:1

Yakoba sigira Kenan nyamanɛ rɔ a fa sigira kan min nun.

Ko-Dabirɛnu 48:4

A ya a fɔ n ye ko a si a ma, n ni sabati ka n bɔnsɔn lasiyaya ka Kenan nyamanɛ wo ma mabɛ n bɔnsɔntɛ la habadan!”

2 Samuwɛli 23:5

“Alla ara ata duwɛ layigi n kegeyɛnu kuma ka le. A ya habadan-lanyiri kiri n ye. A ya a kiri gben, alako a ma kana na yɛlɛma. N bi nyinina lanyiri wo le dɔrɔn ma. Ni a ya wo latɔnbagaya n ye, wo si nɔlɛ di n ma, ado Alla si wo ma serr!

1 Ko-Kɔrɔta-Karan 16:18

A ko a si Kenan nyamanɛ kɛ di ma ma. A ko nyɔ si ma matɛ la habadan!

Yaburi 103:17

Kɔnɔ minnu bi Mari gbiliyala, ala keninteyɛ ti ban wonu ye mumɛ! Ata nyimayɛ dan sa wonubɛ anu kegeyɛnu bara la.

Yaburi 105:11

A ko a si Kenan nyamanɛ kɛ di ma ma. A ko nyɔ si ma matɛ la habadan!

Bɔ-Koe-Iyipiti 13:11

“Mari ya Kenan kɛnuna nyamanɛ min di wo ma iko a ya lanyiri kiri wobɛ wo benbanu ye nya min, wo wa ke nyɔ tumɛ min,

Bɔ-Koe-Iyipiti 21:6

A tigi wo si ta a la nde, Mari bato tinɛ ka a tole sɔgɔ bɛn la bonda-dɛ la nyɔ. Min bi tulumɛ rɔ, wo si to wɔlila a tigi ye a siyi-tele-bɛɛ kɔrɔ.

Bɔ-Koe-Iyipiti 29:45

N si sigi wole Isirɛla mɔgɛnu tɛma ka ma wota Alla la.

Bɔ-Koe-Iyipiti 32:13

I miri ila wɔli-kɛlɛnu ma, Iburayima wo, Isiyaka wo, anubɛ Yakoba. I ma lanyiri kiri anu ye nun ko i si anu bɔnsɔn siyaya iko sanma-lolenu? I ma lanyiri kiri anu ye nun ko i si lanyiri-nyamanɛ wo di anu ma ka nyamanɛ wo ma anu halalɛ la?”

Bɔ-Koe-Iyipiti 40:15

ka tuli kɛ anu fanan kunyɛ rɔ iko i ya a ma anu fa la nya min. Anu fanan si nta saraka-masɔ-wɔlɛ kɛ. I wara tuli min kɛ anu kunyɛ rɔ kɛ la, wo si a ma, anu si to saraka-masɔ-wɔlɛnu kɛla n ye ha tumɛ min di nde, Alla ye.”

Bɔ-Koe-Iyipiti 6:4

N bara nta sarama-kan kiri anu ye ko n si Kenan nyamanɛ di anu ma anu benbanu bi sundanyɛ la nyamanɛ min tɔ nun.

Bɔ-Koe-Iyipiti 6:7

N si Isirɛla mɔgɛ wonu ma nta mɔgɛnu na. Nde si ma anuta Alla la. N ba anu nabɔ yɔɔnyɛ rɔ Iyipiti kɛnu kɔrɔ tumɛ min, anu si n lɔn anuta Mari Alla la.

Yɛrɛmaya 25:5

Anu ko wo ni fara wola ko-yogomɛnu na. Wo ni tɔn sigi wola karagbɛlɛyɛnu na alako wo siginɛ ni to wo halala-nyamanɛ rɔ Mari ya min di wobɛ wo benbanu ma.

Yɛrɛmaya 31:1

Mari ko wati ye nala, ale si ma wole, Isirɛla bɔnsɔn bɛɛta Alla la. Wo si ma ata mɔgɛnu na.

Isikiyɛli 11:20

Wo kɔma, anu si anu telen ka nna tɔnnu bira. Anu si ma nta mɔgɛnu na. Nde fanan si ma anuta Alla la.

Isikiyɛli 33:24

“Ile hadama-dan, mɔgɛ minnu siginɛ Isirɛla so kasaranɛnu tɔ, wonu bi a fɔla ko Iburayima, mɔgɔ kelen de wo la, ado nyamanɛ bɛɛ dira ale le kelan ma. Anu ko anu denu min siya, anu halala-nyamanɛ le kɛ la gbɛ!

Saraka-Masɔlɛnuta Tɔnnu 14:34

fundannu bɔ-koe bɔnnu ma. (Kɔnɔ tɔn kɛnu sa Isirɛla mɔgɛnuna ko la anu bi kan min kaka. Kɔnɔ anu ba ta Kenan nyamanɛ rɔ tumɛ min, anu si tɔn kɛnu bira.)

Saraka-Masɔlɛnuta Tɔnnu 16:34

Wo si tɔn kɛnu bira ka to sarakɛ kɛnu bɔla san la iko kelen ka a fɔlɔ bi ma ha tumɛ min fanan di Alla ye. Wo ye kɛ le mala alako wo hakɛnu yama si togon nya min.” Anu ya a ma iko Mari ya a fɔ Musa ye nya min.

Saraka-Masɔlɛnuta Tɔnnu 26:12

N si ma wota Alla la, wole si ma nta mɔgɛnu na.

Sakaraya 8:8

a ko a si wo kundɛn Yerusalɛm soe burɔ. Wo si ma ata mɔgɛnu na. Ale fanan si ma wota Alla la. A ko a si mansayɛ kɛ wo kun na lanayɛ anubɛ latelan rɔ.

Yilan-Yilan Koe 10:29

Kɔnɔ yanni anu ni wuli ka bɔ Sinayi wulɛ rɔ, Musa ya a fɔ ala musi, wo kɔrɔ-keminɛ Hobabu ye ko, “A ara to doni ma ni ta kan tinɛ wo rɔ Mari ya min di ma ma. Mari ya lanyiri kiri ma ye ko ma si nɔnfuli siyaman sɔrɔn nyɔ. Ni ile nara kofu ma ma, ma si a ma, ile fanan ni do sɔrɔn.”

Yilan-Yilan Koe 27:12

Mari ya a fɔ Musa ye tun ko, “Ta Abarim kɔnkɛ kuma. N bi nala nyamanɛ min dila Isirɛla mɔgɛnu ma, i ni wo bɛɛ mafɛlɛn.

Kɛwɔlɛnu 7:5

Alla ma dugu-wo-dugu di Iburayima ma nyamanɛ kɛ rɔ, hali a sɔnɛ kan tinɛ min tɔ kɔnɔ Alla ya a yili-madiya ko nyɔ si ma anubɛ a bɔnsɔntɛ la a kɔma, ado Alla ye lanyiri kɛ kirila Iburayima ye tumɛ min, den-wo-den sa a bolo nun.

Tɔn-Fɔɛ-Fila-Nyɔgɛ 14:2

Mari Allatɛ le wole la. A ya wole yabɔ ka wo ma ata mɔgɛnu na duninya-mɔgɛnu tɛma.

Tɔn-Fɔɛ-Fila-Nyɔgɛ 26:18

Bi, Mari Alla fanan bara wo rabira iko ata mɔgɛnu iko a ya lanyiri kiri wo ye nya min. A ya a fɔ wo ye ko wo ni ala tɔn damasi bira.

Tɔn-Fɔɛ-Fila-Nyɔgɛ 29:13

Ni wo ya wo ma, Mari si wo bira iko ata mɔgɛnu. Ale si sɔn ka ma wota Alla la iko a mara wo benba Iburayima anubɛ Isiyaka anubɛ Yakobata Alla la nya min.

Tɔn-Fɔɛ-Fila-Nyɔgɛ 32:49

“Mohabu nyamanɛ kɛ rayen Yɛrikɔ soe ya-telen tɔ Abarim kɔnkɛnu bi kan min. Ta, i ni yɛlɛ Nibɔ kɔnkɛ kuma nyɔ rɔ. I ni Kenan nyamanɛ mafɛlɛn n bi nala min dila Isirɛla mɔgɛnu ma.

Tɔn-Fɔɛ-Fila-Nyɔgɛ 32:8

Alla Min Bi Fan Bɛɛ Kun Na, wo ya sibolenu sigi belenna anuta nyamanɛnu tɔ. A ya bɛɛ sigi a sigi tinɛ rɔ iko a ya a latɛgɛ nya min. A ya melika kelen-kelen sigi sibole bɛɛ kun na.

Tɔn-Fɔɛ-Fila-Nyɔgɛ 34:4

Mari ya a fɔ Musa ye nyɔ ko, “N ya nyamanɛ kɛ le lanyiri kiri Iburayima, Isiyaka anubɛ Yakoba ye ko n si a di anu kegeyɛnu ma. N bara sɔn ko ile ni nyamanɛ kɛ yen kɔnɔ nde, Mari ma nyɔ-ta-fɛrɛ di ile Musa ma.”

Tɔn-Fɔɛ-Fila-Nyɔgɛ 4:37

Bawo wo benba benbɛnu di a ye min kɛ, woletɔ a ya wole yabɔ Iyipiti ka na wo la yan ata sɛnbɛ fɛ.

Tɔn-Fɔɛ-Fila-Nyɔgɛ 9:5

Iko n ya a fɔ nya min, Mari ye nala nyamanɛ kɛ dila wo ma. A ma wo ma bawo wo mɔgɔ-nyimɛ le wo la, ado wo telenta. Wo ma de! Kɔnɔ a ya wo ma bawo Kenan mɔgɛnu wunduyogo, ado fanan, Mari Alla ya ata lanyiri min kiri wo benba Iburayima, Isiyaka anubɛ Yakoba ye, a ye wo kanbali-koe rɔ.

Hiburunu 9:15

Kirasiti ye sarama-kan-kurɛ rabɛnna Alla anubɛ ata mɔgɛnu tɛma. Kirasiti ya wo ma alako minnu kelenɛ Alla bolo, Alla ya lanyiri kiri habadan-duwɛ minna ko la, wonu si wo sɔrɔn. Minnu bara sarama-kan-kɔrɔmɛ tinya hakɛ fɛ, Kirasiti fagara alako wonu ni hɔrɔya nya min.

Yasowa 1:2

“Nna wɔli-kɛla Musa ara so-sɛgi-kɛ nyina. Wobɛ Isirɛla mɔgɛnu ni wo rabɛn kaka ka Yorodan bɛ kɛ tɛgɛ. N bi nala nyamanɛ min dila wo ma, wo ni ta wo rɔ.

Lankɛnimayɛ 21:7

Mɔgɔ-wo-mɔgɔ wa nɔlɛ kɛ, a si fan kɛnu sɔrɔn nde bolo. N si ma ata Alla la. Ale si ma nna dan la.