Ko-Dabirɛnu 17:5 - ALLALA KUMƐ

⁵ I tɔgɔ ma tun Burama. I tɔgɛ le gbɛ Iburayima kamasɔrɔn wo kɔrɛ le sibolo siyamɛnu benba,

Ko-Dabirɛnu 17:5 ပူးပေါင်းရင်းမြစ်များ

Ko-Dabirɛnu 17:15

Alla ya a fɔ Iburayima ye tun ko, “Ila musi Sirayi tɔgɔ ma tun Sirayi. A tɔgɛ le gbɛ Sira.

Ko-Dabirɛnu 32:28

Kei wo ya a fɔ a ye ko, “I tɔgɔ ma tun Yakoba. I tɔgɛ le gbɛ Isirɛla bawo wo kɔrɛ le iko mɔgɔ wa a fɔ ko ‘Minnubɛ Alla ya turunɛ kɛ.’ Wobɛ Alla ya turunɛ kɛ anubɛ mɔgɛnu, ado i wara anu nɔ.”

Ko-Dabirɛnu 32:29

Yakoba ya ale fanan manyinika ko, “Ile fanan tɔgɛ kama?” Kei wo ko, “I ye n tɔgɔ lɔn-koe rɔ kama?” A duwara Yakoba ye nyɔ ka a masara a la.

Ko-Dabirɛnu 35:10

Alla sɛgira a gbɛ ma tun, a ko, “I tɔgɔ ma tun Yakoba. I tɔgɛ le gbɛ Isirɛla.” Woletɔ anu ya a kele Isirɛla.

2 Samuwɛli 12:25

wo le ya a ma, a ya Nɛbi Netan lata dan wo tɔgɔ sa tinɛ ko a ni wo kele Mari Diyana-Mɔgɛ.

1 Ko-Kɔrɔta-Karan 1:27

Tɛra ya Burama sɔrɔn min tɔgɛ fanan ko Iburayima.

Nihɛmaya 9:7

Ile Mari Alla le ya Burama yabɔ ka a labɔ Yuri soe burɔ Babilɔn nyamanɛ rɔ. I ya a tɔgɛ yɛlɛma ko Iburayima.

Aiseya 65:15

Wole karagbɛlɛnu tɔgɔ-ratɛgɛ mani de ala wɔli-kɛlɛnu bolo iko mɔɛn, ado ale Mari Alla nyɛrɛ le ye wo fagala. Kɔnɔ ale si ata wɔli-kɛlɛnu kele tɔgɔ-gbɛrɛ la.

Yɛrɛmaya 20:3

Wo banda kɛ, Pasura ya n bɔ banban la. Nde, Yɛrɛmaya ya a fɔ a ye ko Mari ko a tɔgɛ ma tun Pasura. A tɔgɛ le gbɛ Kumakɔɛ Kan-Tinɛ Bɛɛ rɔ.

Yɛrɛmaya 23:6

A ko a tenbi nyamanɛ wo kun na, Yuda nyamanita-mɔgɛnu si taran anu diya. Isirɛla nyamanita-mɔgɛnu si taran lafɛrɛ rɔ. Anu si ale kele ko, “Mari Mata Kisila-Latelennɛ.”

Yilan-Yilan Koe 13:16

Musa ya Hosiya tɔgɛ yɛlɛma ka a kele ko Yasowa.

Yɔni 1:42

Wo kɔma, a nara Saimon la Yisa wara. Yisa ya a mafɛlɛn tumɛ min, a ko, “Saimon le ile la, Yɔnila dan. I tɔgɛ si kele Sifasi.” (Tɔgɛ kɛ anubɛ Pita, tɔgɔ kelen de! A kɔrɛ le, “Farɛ.”)

Romu 4:17

Iko a sɛbɛnɛ Allala kitabu rɔ nya min, Alla ya a fɔ Iburayima ye ko, “N bara i ma sibolo-siyaman benba la,” ado lanyiri wo kanbalita bawo Iburayima dɛnkɛninyara Alla ma. A lanɛ a la ko Alla si furinu nawuli, ado Allata kumɛ si a ma, fan minnu sa nyɔ nun, wonu ni taran nyɔ.

Lankɛnimayɛ 2:17

“ ‘Nba, ni min si ko nya-yen, Allata Ni-Sɛnimɛ ye min fɔla chɔchinu ye, wo ni wo tole masɔ wo la! “ ‘Minnu bara nɔlɛ kɛ, n si Allata biredi dogonnɛ do di wonu ma. N si kuru-gbɛ fanan di anu kelen-kelennamɛ-bɛɛ ma, tɔgɔ-kurɛ sɛbɛnɛ minnu ma, kɔni, ado mɔgɔ-wo-mɔgɔ ma tɔgɛ wo lɔn fɔ min bi a sɔrɔnna.’