Ko-Dabirɛnu 17:17 - ALLALA KUMƐ

¹⁷ Iburayima ya a laburun a ma dugi ma. A yɛlɛnta ka a miri a yisi rɔ ko, “Kei min bara san kɛmɛ bɔ, wo si ke dan sɔrɔnna tun? Sira min bara san bi-kɔnɔntɔ bɔ, wo si ke dan sɔrɔnna tun?”

Ko-Dabirɛnu 17:17 ပူးပေါင်းရင်းမြစ်များ

Ko-Dabirɛnu 17:18

Iburayima ya Alla manyinika ko, “Nfen bi a tola, Sumanyila ti ma n kɛɛ-bilɛ la?”

Ko-Dabirɛnu 17:3

Burama ya a laburun a ma dugi ma ka Mari bato. Alla ya a fɔ a ye ko,

Ko-Dabirɛnu 18:11

Nba, Iburayima anubɛ Sira ara kɔrɔya nun. Anu bara san siyaman bɔ. Sirala den-sɔrɔn-wati ara tenbi.

Ko-Dabirɛnu 18:12

Woletɔ Sira yɛlɛnta a yisi rɔ ka a miri a ma ko, “Nde min mafɔsɔnɛ kɛ la, nde si ke sɛgila fonikeyɛ rɔ tun ka dan sɔrɔn, ado n tigi fanan bara kɔrɔya?”

Ko-Dabirɛnu 21:5

Isiyaka ye sɔrɔnna tumɛ min, wo ya a taran, Iburayima sɔrɔn ara san kɛmɛ bɔ.

Ko-Dabirɛnu 21:6

Sira ko, “Alla ara yɛlɛn di n ma ka n nasewa, woletɔ min bɛɛ wa kɛ lamɔɛn, wonu si sewa n fɛ.”

Ko-Dabirɛnu 21:7

A ko, “Yon si a miri a ma lefan ko nde, Sira, si kin-yi di le dan ma nun Iburayima warɛ bɔn la? Hali wo, n kɔrɔyanɛ ara den-kei sɔrɔn a ye.”

1 Ko-Kɔrɔta-Karan 21:16

Mansa Dawuda ya ale niyi-bɔ-melika yen sɔnɛ san anubɛ dugu tɛma. Faan ye a bole la. A ye Yerusalɛm kasara-koe rɔ. Mansɛ anubɛ ala mɔgɔ-banu ya kasa-duruki don anu kan na. Anu damasi ya anu madu ka anu kunyɛ gbangban dugu ma.

Yobu 1:20

Yobu ya wonu namɔɛn tumɛ min, a ya ala duruki rafara yisi-tinya bolo. A ya a kunyɛ sii. A ya a laburun dugu ma ka Alla bato.

Isikiyɛli 1:28

ado a yabasannɛ iko san-yili, bandɛ wa ka tumɛ min. Wan-belebele kɛ su ti taran kan-bo-kan fɔ Alla ye kan min ka a tɛgɛ Marita gbiliyɛ ma. Kɛ yen n bolo, n ya n naburun a ma dugu ma. Wo kɔma, n ya kuman-kan lamɔɛn.

Daniyɛli 8:17

Yibirila nara sɔ n dafɛ min kɛ, n kilanta dɔgɔma-ma-de ka n gbesi dugi la a kɔrɔ. Ale Yibirila ya a fɔ n ye ko, “Hali hadama dan le ile la, a sɔgɛ ye n na, i ni ko-rayen kɛ kɔrɛ lɔn. Ko-rayen kɛ kolomɛ le duninyala ban-koe la.”

Saraka-Masɔlɛnuta Tɔnnu 9:24

Tiriya-tiriyɛ wo rɔ, Mari nyɛrɛ ya ta-belebele layigi ka bɔ san-kole rɔ. Tɛ wo ya a saraka-toenu mintan gburr! Mɔgɛnu ya tɛ yen tumɛ min, anu kilanta ka gbele-gbelen ka anu naburun a ma dugi ma Mari kɔrɔ.

Yilan-Yilan Koe 14:5

Musa anubɛ Aruna ya anu maburun dugi ma mɔgɛ bɛɛ yakɔrɔ.

Yilan-Yilan Koe 16:22

Kɔnɔ Musa anubɛ Aruna ya anu maburun dugi ma ka Mari madiya ko, “E, Mari, ma ya a lɔn ko Allatala le ile la. Ile le ya mɔgɔ niyi dan. I si ke ka mɔgɔ niyi bi. Kɔnɔ i si na mɔgɛ kɛ bɛɛ niyi tinya mɔgɔ kelen peta hakɛla ko la, wa?”

Yilan-Yilan Koe 16:45

“Wo ni wo masɛgi mɔgɛ kɛnu na. N si anu halaki tiriya!” Musa anubɛ Aruna ya anu maburun dugi ma Mari kɔrɔ.

Matiyu 2:11

Anu donta bɔn la dennɛ anubɛ a na Mariyama ye kan min. Anu ya dennɛ yen min kɛ, anu ya anu nyɛnkin ka a bato. Wo kɔma, anu ya anuna bɔrɛnu naka ka a sanbɛnu di a ma. Anu ya a sanba sɛnɛ la, anubɛ isɛnti min tɔgɛ farankinsɛnsɛ, anubɛ tulu-suma-diyamɛ min tɔgɛ mira.

Luka 1:18

Sakaraya ya a fɔ melika ye ko, “N si la kɛ la kama? Nde ara kɔrɔya. Nna musi fanan bara kɔrɔya.”

Yɔni 8:56

Wo benba Iburayima sewara bɛrɛkɛ, bawo Alla ya a yira a la n bi nala wati min. A ya a yen min kɛ, a sewara dɔgɔma-ma-de!”

Tɔn-Fɔɛ-Fila-Nyɔgɛ 9:18

“Yisi-tinyɛ le ya a ma, n ya n maburun dugi ma ka Mari madiya su bi-nani tele bi-nani kɔrɔ. N ma fen dɔn hali ka n min bawo wola hakɛ ya a ma, Mari fonde bɔra wo kuma.

Tɔn-Fɔɛ-Fila-Nyɔgɛ 9:25

“N ya a yen min kɛ, Mari ye a sɛbɛ le la wo faga-koe la, n ya n maburun dugi ma Mari kɔrɔ su bi-nani tele bi-nani ka ale madiya.

Yasowa 5:14

Kei wo ya a yabi ko, “Marila kɛlɛ-den-kun-tigi le nde la.” Yasowa ya a sa dugi ma a kɔrɔ ka a bato. A ya a fɔ kei wo ye ko, “Ila wɔli-kɛlɛ le nde la. I ye a fɛ, n ni nfen ma?”

Yasowa 7:6

Yasowa anubɛ Isirɛla mɔgɔ-banu ya anuna durukinu tafara yisi-tinyɛ bolo. Anu ya anu nyɛrɛ fɛrɛn dugu la Marila tɔn-kenkirɛ yakɔrɔ. Anu ya gbangban kɛ anu kunyɛ rɔ ka a yira ko anu bara nimisa. Anu telenta sani dugu ma gbɛn!

Lankɛnimayɛ 11:16

Wo kɔma, kɛmɔgɔ mogan-ni-nanɛ minnu mayiginɛ anuna mansaya-sigi-fannu tɔ Alla yakɔrɔ, wonu ya anu naburun-a-ma Alla bato tinɛ.

Lankɛnimayɛ 5:8

A ya wo ma tumɛ min, dali-fen nani anubɛ kɛmɔgɔ mogan-ni-nanɛ wonu ya anu sa saga-dan kɔrɔ. Sɔrɔn ye anu kelen-kelennamɛ-bɛɛ bolo anubɛ sɛnɛ-pani-kunbɛ minnu nafanɛ isɛnti la. Fen-suma-diyamɛ wo, Allata mɔgɛnuna madiyalɛnu denu bi wonu na.

Kɛlɛ-Kurugbɛnu 13:20

Ta-mɛlan ye yɛlɛla san ma tumɛ min, melika wo, Mari, kɔni, wo yɛlɛta ta-mɛlan wo rɔ san-kole rɔ. Manowa anubɛ ala musi ya anu naburun a ma dugi ma.