Ko-Dabirɛnu 17:10 - ALLALA KUMƐ

¹⁰ Wobɛ i bɔnsɔnnu bi minnu birala mabɛ tɛma wona, lanyiri wo tamasere le kɛ la, kei bɛɛ ni kemininya.

Ko-Dabirɛnu 17:10 ပူးပေါင်းရင်းမြစ်များ

Ko-Dabirɛnu 17:11

Wo bɔnsɔnnu bi dan minnu sɔrɔnna wo tɛma, min sɔrɔn wa tele segin bɔ, wo ni wonu nakemininya. Hali yɔɔn minnu sɔrɔnta ila bɔn la anubɛ i ya minnu san sibolo-gbɛrɛnu ma, wonu fanan ni yigi. Anu ni kemininya ka ma lanyiri wo tamasere la min bi mabɛ ile tɛma.

Ko-Dabirɛnu 17:23

Iburayimala dan Sumanyila anubɛ kei min bɛɛsi ye a warɛ bɔn la, anubɛ ala yɔɔn-kei minnu sɔrɔnta ala bɔn la, anubɛ a ya yɔɔn-kei minnu san, Iburayima ya anu nayigi tele kelan wo kɔrɔ iko Alla ya a fɔ a ye nya min nun.

Ko-Dabirɛnu 21:4

A sɔrɔn-tele segin nyɔgɛ ma, Iburayima ya a lakemininya iko Mari ya a fɔ a ye nya min nun.

Ko-Dabirɛnu 34:15

Anu ko, “Ko kelen pe wo le si a ma, ma ni sɔn wola furu-koe kɛ ma, ni kei bɛɛ kemininyara iko male.

Ko-Dabirɛnu 34:22

Anu si sɔn ka ma ma sigi-nyɔgɔ la kɔnɔ fɔ ko kelen pe min si a ma, ma ni ma sigi ma nyɔgɔn fɛ anu na, ni male kei bɛɛ si sɔn ka kemininya iko anu denu bi nya min.

Bɔ-Koe-Iyipiti 12:48

“Sundan min siginɛ wo tɛma, ni a sɔgɛ ye a la ka kofu wo ma Kanan-Ko-Ladiyɛ kɛ tinɛ, fɔ wo tigi ni keinu nakemininya minnu bi ala bɔn la. Wo kɔma, wo si sundan wo bira iko wo na-kelen-nyɔgɛ. Kei min ma kemininya, wo kana a dɔn.

Bɔ-Koe-Iyipiti 4:25

Kɔnɔ ala musi Sipora ya kuru-kundi-lasulennɛ bi ka ala den-kei lakemininya ka a kundi wo sa ala keila kurusi ya le kɔrɔ. A ko, “Ka a tɛgɛ kemininyɛ kɛ yele ma, nna kei ara sɛgi n ma tun nna danla kemininyɛ fɛ.”

Yɛrɛmaya 4:4

Wo ni wo nyɛrɛ dantɛgɛ Marita wɔlɛ ma. Wo ni ala kumɛ bira wo yisi bɛɛ la. Wole Yerusalɛm kɛnu anubɛ Yuda nyamanta-mɔgɛ bɛɛ, Mari ko wo ni kɛnu ma. A ko ni wo tantanta kɛ do ma, a si wo halaki ata fondo-bɔɛ la min manɛ iko tɛ, ado mɔgɔ ti ke tɛ wo ladufenna ka a tɛgɛ wo sɔn-yogomɛla ko ma.

Yɔni 7:22

Kɔnɔ Nɛbi Musa le ya a fɔ wo ye ko wo ni wola dannu nakemininya, ado Musa ma nun, wo benbanu denu ya a dabira. Hali Sulen-Tele ma, wo si bilakorenu nakemininya.

Kɛwɔlɛnu 7:8

Nba, Alla ya kemininya-koe di Iburayima ma tamasereyɛ la ko a ara lanyiri wo bira. Woletɔ Isiyaka sɔrɔnta nya min wo, lɔgɔkun kelen kɔma, Iburayima ya a lakemininya. Isiyaka ya ala den Yakoba fanan nakemininya. Yakoba ya ala den mɔgɔ tan-ni-filɛ lakemininya, ma benba tɔgɔlamɛnu, kɔni.

Romu 2:28

Bagbuyita-kemininyɛ dɔrɔn ti mɔgɛ ma Yahudiya-bɛrɛ la bawo kemininya-bɛrɛ sa mɔgɛ fɛrɛ ma.

Romu 3:25

Alla ya ale Yisa ma hakɛ-sarakɛ la alako a ni mɔgɛnuna hakɛ makoto ata sayɛ fɛ. Min ba dɛnkɛninya wo ma, wo tigi la si telen Alla yala worɔ. Fɔlɔ-nun, Alla ya a mun mɔgɛnuna hakɛ kɔrɔ

Romu 3:28

ado ma ara a yen worɔ ko mɔgɛnu na ara telen Alla ye dɛnkɛninyɛ fɛ. Ma la ma telen tɔn-birɛ fɛ de!

Romu 3:30

Alla kelen de! A si ma bɛɛ latelen a nyɛrɛ ye dɛnkɛninyɛ fɛ, a Yahudiya wo, a sibolo-gbɛrɛ wo.

Kalesiya 3:28

Woletɔ dan-nafara mumɛ sa Yahudiyanu anubɛ sibolo-gbɛrɛnu tɛma worɔ. Hɔrɛ anubɛ yɔɔn wo, keinubɛ musinu wo, wo dama ara ma fen kelen na Yisa Kirasiti rɔ.

Kalesiya 6:12

Minnu bi a fɛ ka wo fɔrɔsɛ alako wo ni kemininya, wonu bi anu nyɛrɛ-matɔgɔ-koenu denu tɔ. Anu sa a fɛ, anu ni tɔrɔyɛ sɔrɔn Kirasiti-faga-kawandili dɔrɔn fɔɛla ko la.

Ɛfɛsa 2:11

Sibolo-gbɛrɛnu denu bi wonu na, Yahudiyanu ma de! Yahudiya minnu si kemininya ka a yira ko Allatɛ le anu denu na, wonu bi a fɔla wole ma ko, “Alla-lɔnbɛlɛ-bilakorenu.” (Ado nfan, kemininyɛ wo ye mala hadama-den-bole le la.)

Tɔn-Fɔɛ-Fila-Nyɔgɛ 10:16

Ka a dabira bi ma, wo ni Marita tɔnnu bira. Wo ni fara tolo-gbɛlɛyɛ la.

Tɔn-Fɔɛ-Fila-Nyɔgɛ 30:6

Wota Mari Alla si miriya-nyimɛ don wobɛ wo kegeyɛnu yisi rɔ ka ata kuman-kan bira. Wo si a keni wo yisi bɛɛ la. Wo siginɛ si to nyɔ lanyiri-nyamanɛ rɔ.

Filipai 3:3

ado male ara kemininya-bɛrɛ sɔrɔn. Anu denu ma de! N bi wo fɔla bawo male ye Alla batola ata Ni-Sɛnimɛ baraka rɔ. Male ara nyagalen ma tagama-nyala ko la Yisa Kirasiti rɔ. Mɔgɛnu bi min mala anu fɛrɛnu na, male ti ma yigi sa wo kuma hali doni!

Yasowa 5:2

Anu bi bɔla Iyipiti tumɛ min, kei bɛɛ kemininyanɛ le nun kɔnɔ anu ya dan minnu sɔrɔn wulɛ rɔ san bi-nani wo kɔrɔ, wonu ma kemininya wo wati rɔ. Kei min bɛɛ bɔra Iyipiti nyamanɛ rɔ, min bɛɛ si ke kɛlɛ kɛla, kɔni, wonu fagara wulɛ rɔ wo wati rɔ bawo anu ya Marila tɔnnu tinya. Mari ya a fɔ ko anu ti don Kenan nyamani-nyimɛ rɔ iko Mari ya lanyiri kiri anu benbanu ye nya min, fɔ kina minnu bɔra Iyipiti, wonu ba ban fagala wulɛ rɔ tumɛ min. Woletɔ Mari ya a fɔ Yasowa ye ko, “I ni kuri donu nadan muri la ka Isirɛla keinu nakemininya wonu na.” Yasowa ya a ma iko Mari ya a fɔ a ye nya min. A ya Isirɛla kei bɛɛsi lakemininya ka kan tinɛ wo tɔgɔ sa “Kemininya kɔnkɛ.”