Ko-Dabirɛnu 16:5 - ALLALA KUMƐ

⁵ Sirayi ya a fɔ Burama ye ko, “Hega wo ara yoo n ma min kɛ, i gbɛ le wo la. N bara yɔɔn-musi min natenbi i ma, wo ara a yen min kɛ ko a kolomɛ le, n bɔrɔ sa a ye tun. Alamɛ Mari ya kiti tɛgɛ malebɛ ile tɛma.”

Ko-Dabirɛnu 16:5 ပူးပေါင်းရင်းမြစ်များ

Ko-Dabirɛnu 16:4

Burama ya yɔɔn-musi wo latenbi a kɔma tumɛ min, wo ya buyi bi. Hega ya a yen tumɛ min ko a ara buyi bi, a tigi Sirayi wo bɔrɔ ma taran ale Hega ye tun.

Ko-Dabirɛnu 31:53

Alamɛ i benba Iburayima anubɛ n fa Nehorinuta Alla anubɛ wonu fanan fata Alla ya kiti tɛgɛ mabɛ ile tɛma.” Yakoba ya a keli a berin ye a fa Isiyakata Alla yala.

2 Ko-Kɔrɔta-Karan 24:22

Hali ka a miri Sakaraya fa Saraka-Masɔla Yɛhoyadala wɔli-nyimɛ ma, a ya min ma a ye, a ma wo ma. Sakaraya ye fagala tumɛ min, a ya a dɛ sa-a-rɔ, a ko, “Wo ye minnu mala n na kɛ la, alamɛ Mari ya wo yen. A ni wole fanan tɔrɔ.”

Yaburi 35:23

I lakɔɛnma, i ni na n nakisi tinɛ! Nta Alla, nta Mari, kuma nna ko la.

Yaburi 43:1

E, Alla, i yandi, n yo di n ma. I ni n fɛka Alla-lɔnbɛlɛnu ye. N nakanan foninya-fɔlɛnu anubɛ karagbɛlɛnu ma.

Yaburi 7:8

Mɔgɛ bɛɛta kiti-tɛgɛlɛ le ile la. E, Mari min bi fan bɛɛ kun na, i si yo di nde ma bawo i ya a lɔn ko fɛɛ sa nde la.

Bɔ-Koe-Iyipiti 5:21

Anu ya a fɔ Musa anubɛ Aruna ye ko, “Wo ara min ma, Mari ara wo yen. A si wo tɔrɔ kamasɔrɔn wo ara ma magboya mansɛ anubɛ ala mɔgɔ-banu bara la. Wo ara ma faga-kilɛ yira anu na.”

Yɛrɛmaya 51:35

Yerusalɛm kɛnu bi a fɔla ko, “Alamɛ Babilɔn birara a la ka a tɛgɛ anu ya karagbɛlɛyɛ min sigi ma ma. Anu bara ma tɔrɔ min kɛ, alamɛ wo yili sarata anu na.”

Kɛlɛ-Kurugbɛnu 11:27

Nde ma ko-yogoma ma wo la. A sɔgɛ ye wole la, wo ni ko-yogomɛ ma male la ka ma kɛlɛ? Mari min si kiti tɛgɛ, alamɛ wo ya kiti tɛgɛ wole Amonnu anubɛ male Isirɛla mɔgɛnu tɛma bi.”

1 Samuwɛli 24:16

Dawuda ban kɛ fɔla, Mansa Sɔli ya a fɔ a ye ko, “Nna den Dawuda le kumala kɛ la?” A donta di-kɛ rɔ.