Ko-Dabirɛnu 16:2 - ALLALA KUMƐ

^2-3 Burama san tan nyɔgɛ ma Kenan nyamanɛ rɔ, Sirayi ya a fɔ a ye ko, “Nba, Mari ma den di n ma nkɛkuna, i yandi, i ni nna yɔɔn-musi kɛ latenbi i kɔma. Tumado yɔɔn-musi kɛ si ma nna bon-sɔlɛ la.” Burama ya Sirayi kuman-kan bira. Sirayi ya ala yɔɔn-musi Hega bi ka a latenbi ala kei ma.

Ko-Dabirɛnu 16:2 ပူးပေါင်းရင်းမြစ်များ

Ko-Dabirɛnu 11:30

Kɔnɔ Sirayi, gbandɛ le nun. Den sa a bolo.

Ko-Dabirɛnu 17:16

Nta duwɛ si to a kuma. A si den-kei sɔrɔn i ye. A si ma bɔnsɔn siyaman na la. Mansɛnu si bɔ a bɔnsɔn rɔ.”

Ko-Dabirɛnu 18:10

Mari ya a fɔ Iburayima ye ko, “Kɛ nyɔgɔn wati yari, n si sɛgi i warɛ yan tɔ. Ila musi Sira si den-kei sɔrɔn.” Sira tole masɔnɛ fani-bɔn dɛ la anu kɔma kilɛ la.

Ko-Dabirɛnu 19:31

Ala dunmusu fɔlɔtɛ ya a fɔ a dɔgɛ ye ko, “Ma fa ara kɔrɔya. Ma furu-nyɔgɔn sa nyɔ tun ma si dan sɔrɔn minnu ma.

Ko-Dabirɛnu 25:21

Isiyaka ya Mari madiya ala musi ye kamasɔrɔn gbandɛ le. Mari ya ala madiyali-kan yabi. Ala musi ya buyi bi fɛrannu na.

Ko-Dabirɛnu 3:12

Kei wo ko, “I ya musi min di n ma, wo le ya kɔlɔma-gbɔɛ wo di n ma. N ya a dɔn.”

Ko-Dabirɛnu 3:17

Alla ya a fɔ kei fanan ye ko, “N ya a fɔ i ye ko i kana kɔlɔma-gbɔɛ wo dɔn kɔnɔ i wara ila musita kumɛ bira min kɛ ka a dɔn, woletɔ n si tɔrɔyɛ layigi dugi ma ilela ko la. I si i beli-fan sɔrɔn tɔrɔyɛ rɔ i siyi-tele-bɛɛ rɔ.

Ko-Dabirɛnu 30:22

Alla ya a fonde lamiri Resɛli ma ka ala madiyali-kan lamɔɛn. Alla ya tɔn bɔ a la

Ko-Dabirɛnu 30:6

Resɛli ko, “Alla ara nna kiti tɛgɛ ka ko-latelennɛ kɛ n ye. A ara n kuman-kan fanan namɔɛn ka den-kei di n ma.” Woletɔ a ya wo tɔgɔ sa Dan bawo tɔgɛ wo kɔrɛ le iko mɔgɔ wa a fɔ ko, “Ko-latelennɛ.”

Yaburi 127:3

Mari le si dannu di mɔgɛnu ma, ado duwa-bɛrɛbɛrɛ le wonu na.

Bɔ-Koe-Iyipiti 21:4

Kɔnɔ ni tuluma-tigi wo ya musi do di a ma, ni wo ya dannu sɔrɔn a ye, musi wonubɛ ala dannu si to tuluma-tigi wo bolo. A si a bolo bɔ a kelan rɔ.

Ruti 4:11

Mɔgɔ-ba wonu ya a fɔ ko, “Male ara ma i sereyɛ la.” Mɔgɔ-ba wonu ya duwɛ dabira Bowasi ye, anu ko, “Alamɛ ila musi Ruti yirita iko ma benba Yakobata musinu Resɛli anubɛ Liya yirita nya min. Alamɛ ile mara bana la Ɛfarati kebilɛ la ka ma tɔgɔ-tigi la Bɛtalehɛm soe kɛ rɔ.