Ko-Dabirɛnu 15:7 - ALLALA KUMƐ

⁷ Mari ya a fɔ a ye tun ko, “Ita Mari le nde la min nara i la ka bɔ Yuri soe burɔ Babilɔn nyamanɛ rɔ alako ka nyamanɛ kɛ ma itɛ la.”

Ko-Dabirɛnu 15:7 ပူးပေါင်းရင်းမြစ်များ

Ko-Dabirɛnu 12:1

Mari ya a fɔ Burama ye ko, “I fa anubɛ ala denbayɛnu boloka anubɛ i bɔnsɔn ka i bɔ ila nyamanɛ rɔ ka ta nyamani-gbɛrɛkɛ rɔ n si na min yira i la.

Ko-Dabirɛnu 12:7

Mari bɔra gbɛ rɔ Burama ye, a ko, “N bi nyamanɛ min dila i sibolenu ma, wo le kɛ la.” Woletɔ Burama ya saraka-mintan-tinɛ sɔ Mari ye nyɔ.

Ko-Dabirɛnu 28:4

Alamɛ ma fa Iburayimata duwɛ tora wobɛ i bɔnsɔnnu ye. Alla ya lanyiri kiri i benba Iburayima ye nyamanɛ kɛ minna ko la, alamɛ wo mara iletɛ la.”

Ko-Dabirɛnu 50:24

Yusufu ya a fɔ a na-kelen-nyɔgɛnu ye ko, “Nde fagamatoe le kɛ la. Alla si wo kandan yati, ka wo bɔ yan ka ta wo la lanyiri-nyamanɛ rɔ iko a ya lanyiri kiri ma benba-benbɛ Iburayima anubɛ ma benba Isiyaka anubɛ ma fa Yakoba ye minna ko la.

Yaburi 105:11

A ko a si Kenan nyamanɛ kɛ di ma ma. A ko nyɔ si ma matɛ la habadan!

Yaburi 105:42

Alla ya sarama-kan-sɛnimɛ min kiri ala wɔli-kɛla Iburayima ye, a ma nyina wonu ko.

Yaburi 105:44

A ya sibolo-gbɛrɛnuna dugi di ala mɔgɛnu ma. A ya a ma, anu ya anuna sɛni sa tinɛnu bi anu bolo.

Bɔ-Koe-Iyipiti 32:13

I miri ila wɔli-kɛlɛnu ma, Iburayima wo, Isiyaka wo, anubɛ Yakoba. I ma lanyiri kiri anu ye nun ko i si anu bɔnsɔn siyaya iko sanma-lolenu? I ma lanyiri kiri anu ye nun ko i si lanyiri-nyamanɛ wo di anu ma ka nyamanɛ wo ma anu halalɛ la?”

Yilan-Yilan Koe 33:53

Wo si ta nyamanɛ wo bi ka wo sigi nyɔ kamasɔrɔn n bara nyɔ di wo ma.

Romu 4:13

Alla ya lanyiri kiri Iburayima anubɛ a bɔnsɔn ye ko duninya si ma anutɛ la. Ka a fɔ ko a ya lanyiri kɛ kiri bawo Iburayima ya Allata tɔn-kitabu bira, wo ma. Kɔnɔ a kirita ala dɛnkɛninyɛla ko la. Woletɔ Alla ya a lɔn mɔgɔ-latelennɛ la,

Tɔn-Fɔɛ-Fila-Nyɔgɛ 3:18

“Wo wati nyɛrɛ rɔ, n ya a fɔ bɔnsɔn filɛ anubɛ a talɛ ye ko ma Mari Alla ya a ma, anu bara Yorodan-bɛ-kɔmɛ kɛ sɔrɔn tele-bɔɛ wara la. Anu ni a ma, anuna kɛlɛ-dannu ni anu tabɛn ka wuli. Yanni bɔnsɔn-toenu ni bɛ tɛgɛ, anu fɔlɔn ni bɛ tɛgɛ. N ko anu ni ta anu na-kelen-nyɔgɛnu dɛnbɛ kɛlɛ-kɛ-tinɛ.

Tɔn-Fɔɛ-Fila-Nyɔgɛ 9:5

Iko n ya a fɔ nya min, Mari ye nala nyamanɛ kɛ dila wo ma. A ma wo ma bawo wo mɔgɔ-nyimɛ le wo la, ado wo telenta. Wo ma de! Kɔnɔ a ya wo ma bawo Kenan mɔgɛnu wunduyogo, ado fanan, Mari Alla ya ata lanyiri min kiri wo benba Iburayima, Isiyaka anubɛ Yakoba ye, a ye wo kanbali-koe rɔ.