Ko-Dabirɛnu 15:5 - ALLALA KUMƐ

⁵ Mari ya a fɔ Burama ye tun ko, “Bɔ luyi ma. I ni lolenu mafɛlɛn san-kole ma. Anu siya nya min, i bɔnsɔn ye siyayala wo nya na le.”

Ko-Dabirɛnu 15:5 ပူးပေါင်းရင်းမြစ်များ

Ko-Dabirɛnu 12:2

N si i sibole lasiyaya ka wonu bɔnsɔn fanan nasiyaya. N si nta duwɛ layigi i kuma ka i ma tɔgɔ-tigi-wɛ anubɛ duwa-tigi la.

Ko-Dabirɛnu 13:16

N si i bɔnsɔn siyaya iko gbangban. Woletɔ ni mɔgɛ si ke gbangban danna, nba, mani i bɔnsɔn si ke danna worɔ.

Ko-Dabirɛnu 16:10

Melika wo ya Hega yili-madiya ko, “I sibole si siyaya ha a dan ti ban lɔnna.

Ko-Dabirɛnu 17:2

N si nta lanyiri kiri mabɛ ile tɛma ka i bɔnsɔn siyaya bɛrɛkɛ!”

Ko-Dabirɛnu 22:17

ko nta duwɛ si to yigila i kuma serr! N si i bɔnsɔn lasiyaya iko lolenu anubɛ ba-kɛnkɛn siyayanɛ nya min. I bɔnsɔn-mɔgɛnu si anu kɛlɛ-nyɔgɛnu nɔ.

Ko-Dabirɛnu 28:14

I bɔnsɔn si siyaya iko dugi kɛ gbangban ye nya min. I bɔnsɔn si siyaya fanan ka taran duninya-tonko-nanɛ bɛɛ rɔ. Duninya-mɔgɛnu si duwɛ sɔrɔn i bɔnsɔn fɛ.

Ko-Dabirɛnu 32:13

Wo banda kɛ, nɔnfuli minnu bi Yakoba bolo, a ya a kɔrɔ Isɔ sanba wonu tɔ. A ya baa-musu kɛmɛ fila bi anubɛ baa-kɔrɔn mogan. Wo kɔma, a ya saga-musu kɛmɛ fila bi anubɛ saga-yigi mogan. Wo kɔma fanan, a ya ninki-musu bi-nani bi anubɛ tura tan. Wo kɔma fanan, a ya sofɛli-musuma mogan bi anubɛ a keima tan. A laban, a ya nyomɛ bi-sawa bi minnuna dannu bi anu fɛ. A ya wonu bɔ a rɔ ka wonu ma a kɔrɔ Isɔ sanbɛ la.

1 Mansɛnu 3:8

Nba, i wara n sigi ila mɔgɔ-yabɔnɛnu kun na, ado wonu siya ha ka a dan-natenbi.

1 Ko-Kɔrɔta-Karan 27:23

Minnu sɔrɔn ma ke wɛ san mogan rɔ, Mansa Dawuda ma wonu dan bawo Mari ara lanyiri kiri ko Isirɛla mɔgɛnu si siyaya iko lolenu.

Nihɛmaya 9:23

I ya a ma, anu yirita bui, ka siyaya iko lolenu. I ya anu benbanu yili-madiya nyamanɛ minna ko la, anu ya anu yogenu nɔ ka anu sigi wonuta nyamanɛ rɔ.

Yobu 35:5

I yɛ layɛlɛ san-kole ma. I ni a yen banda-finyɛ fɛ-yan ma la nya min.

Yaburi 147:4

Alla le ya lole bɛɛ yatɛ yirika latɛgɛ ka anu kelen-kelennamɛ-bɛɛ kele anu tɔgɛ la.

Bɔ-Koe-Iyipiti 32:13

I miri ila wɔli-kɛlɛnu ma, Iburayima wo, Isiyaka wo, anubɛ Yakoba. I ma lanyiri kiri anu ye nun ko i si anu bɔnsɔn siyaya iko sanma-lolenu? I ma lanyiri kiri anu ye nun ko i si lanyiri-nyamanɛ wo di anu ma ka nyamanɛ wo ma anu halalɛ la?”

Aiseya 51:2

Wo ni wo miri wo benba Iburayima bɔnsɔn ma, anubɛ ala musi, Sira min ya wo sɔrɔn. A ye Iburayima kelela tumɛ min, den-wo-den sa a bolo nun kɔnɔ a ko a duwara a ye ka a bɔnsɔnnu nasiyaya duk! A ya a ma, a kebilɛnu siyayara.

Yɛrɛmaya 33:22

A ko a si Mansa Dawuda bɔnsɔn anubɛ Lifayi bɔnsɔnnu nasiyaya duk! Ni mɔgɛ si ke lole anubɛ kɛnkɛn danna, nba mani, mɔgɛ si ke anu bɔnsɔnnu danna.

Romu 4:18

Yigi-wo-yigi sa Iburayima ma wati min den-sɔrɔn-koe rɔ, a dɛnkɛninyara, ado a ya a yigi sa Allata lanyiri-kirinɛ kuma. Woletɔ a mara “sibolo-siyaman benba la.” Iko a sɛbɛnɛ Allala kitabu rɔ nya min, a ko, “I kegeyɛ si siyaya iko lolenu.”

Tɔn-Fɔɛ-Fila-Nyɔgɛ 10:22

Nba, wo ni wo miri kɛ ma de! Wo benbanu bi tala Iyipiti tumɛ min, anu mɔgɔ bi-wɔrɔnfila pe! Kɔnɔ kaka, wota Mari Alla ara a ma, wo ara siyaya iko lolenu.”

Hiburunu 11:12

Hali a ra ma gbɛlɛ nun kɔnɔ bɔnsɔn siyaman bɔra ale kei kelan wo le tɔ. A bɔnsɔn siya iko lolenu siya nya min. Anu siya iko kɔgɔ-yi-kɛnkɛn siya nya min mɔgɛ ti ke min dan lɔnna.

Yasowa 24:3

Kɔnɔ Mari ya wo benba Iburayima labɔ nyamanɛ wo rɔ ka Yufereti bɛ tɛgɛ ka na a la Kenan nyamanɛ kɛ rɔ. A ya kegeya-siyaman di a ma. A ya den kelen di a ma min tɔgɛ Isiyaka.