Ko-Dabirɛnu 15:18 - ALLALA KUMƐ

^18-21 Tamasere le wo la Mari ya lanyiri min kiri anubɛ Burama tɛma tele wo nyɛrɛ rɔ ko, “N bara nyamanɛ kɛ di i bɔnsɔn ma. Kenanuna nyamanɛ anubɛ Kɛnasinuna nyamanɛ anubɛ Kadimɔnanuna nyamanɛ anubɛ Hɛtinuna nyamanɛ, anubɛ Perasanuna nyamanɛ anubɛ mɔgɔ-layan-bɛnuta nyamanɛ anubɛ Amoranuna nyamanɛ anubɛ Kenannuna nyamanɛ anubɛ Kagasanuna nyamanɛ anubɛ Yebusinuna nyamanɛ, ka a dabira Iyipiti bɛ ma ha ka ta ke Yufereti bɛ ma, n si wo bɛɛsi latenbi ile bɔnsɔnnu ma.”

Ko-Dabirɛnu 15:18 ပူးပေါင်းရင်းမြစ်များ

Ko-Dabirɛnu 12:7

Mari bɔra gbɛ rɔ Burama ye, a ko, “N bi nyamanɛ min dila i sibolenu ma, wo le kɛ la.” Woletɔ Burama ya saraka-mintan-tinɛ sɔ Mari ye nyɔ.

Ko-Dabirɛnu 13:15

I ye nyamanɛ min bɛɛsi yenna kɛ la, n si wo di wobɛ i bɔnsɔn ma habadan!

Ko-Dabirɛnu 2:14

Bɛ doi fanan tɔgɛ le Takarasi. Bɛ wo le tara ha Asiriya nyamanɛ tele-bɔɛ wara la. Bɛ doi fanan tɔgɛ le Yufereti.

Ko-Dabirɛnu 24:7

San-Kole-Mari-Alla min ya n nabɔ n fala bɔn la ka n nabɔ n sɔrɔn-nyamanɛ rɔ fanan, wo le ya lanyiri kɛ kiri n ye gben, ko a si nyamanɛ kɛ di n bɔnsɔn ma. Alla si ata melika sɔ i yarɔ alako i si musi sɔrɔn nna dan ye nyɔ nya min.

Ko-Dabirɛnu 28:4

Alamɛ ma fa Iburayimata duwɛ tora wobɛ i bɔnsɔnnu ye. Alla ya lanyiri kiri i benba Iburayima ye nyamanɛ kɛ minna ko la, alamɛ wo mara iletɛ la.”

Ko-Dabirɛnu 35:12

N ya lanyiri kiri nyamanɛ minna ko la i benba Iburayima anubɛ i fa Isiyaka ye, n si wo di ile anubɛ i kegeyɛnu ma.”

Ko-Dabirɛnu 50:24

Yusufu ya a fɔ a na-kelen-nyɔgɛnu ye ko, “Nde fagamatoe le kɛ la. Alla si wo kandan yati, ka wo bɔ yan ka ta wo la lanyiri-nyamanɛ rɔ iko a ya lanyiri kiri ma benba-benbɛ Iburayima anubɛ ma benba Isiyaka anubɛ ma fa Yakoba ye minna ko la.

2 Samuwɛli 23:5

“Alla ara ata duwɛ layigi n kegeyɛnu kuma ka le. A ya habadan-lanyiri kiri n ye. A ya a kiri gben, alako a ma kana na yɛlɛma. N bi nyinina lanyiri wo le dɔrɔn ma. Ni a ya wo latɔnbagaya n ye, wo si nɔlɛ di n ma, ado Alla si wo ma serr!

2 Samuwɛli 8:3

Rihobula den Mansa Hadadisa, min bi Soba soe wo kun na, wo tanɛ kɛlɛ-kɛ-tinɛ Yufereti bɛ dafɛ alako a ni nyɔ bi tun a yogenu bolo. Mansa Dawuda anubɛ ala kɛlɛ-dannu tara bui anu ma ka Soba soe bi anu bolo.

1 Mansɛnu 4:21

Wo wati rɔ, Mansa Silamɛni ya mansayɛ kɛ nyamanɛ wo bɛɛ kun na ka bɔ Yufereti bɛ ma ha ka ta a sigi Filisitinuna nyamanɛ la. Ala nyamanɛ wo le tara furr, ha ka ta ke Iyipiti nyamanɛ ma. Nyamanita-mɔgɛ wo damasi wɔlita Mansa Silamɛni ye ka duti di a ma. Anu tora wɔlila a ye a siyi-tele-bɛɛ kɔrɔ.

1 Mansɛnu 5:1

Mansa Hairam min siginɛ Taya soe burɔ, Mansa Dawuda diyana-mɔgɛ le wo la nun. Wo ya a lamɔɛn tumɛ min ko Mansa Silamɛni bara ma mansɛ la a fa Dawuda gbɛ rɔ, a ya ala mɔgɔ-ba donu nata Mansa Silamɛni kɔndɔn tinɛ.

1 Ko-Kɔrɔta-Karan 5:9

Kolo-fen-siyaman taranta anu bolo Kaliyadi nyamanɛ rɔ. Anu ya dugi min sɔrɔn, wo le tara tele-bɔɛ wara la fɔɔ wulɛ rɔ min bi a kala Yufereti bɛ la.

2 Ko-Kɔrɔta-Karan 7:8

Mansa Silamɛni anubɛ ala nyamanita-mɔgɛ minnu bɔra Isirɛla nyamanɛ-tonko-nanɛ bɛɛ rɔ ka bi Hamati kɔnkɔ-gbɛran ma kantɔ-wara la ha Isirɛla anubɛ Iyipiti dan wara la, wonu ya Lele-Sɔɛ-Ladɛn kɛ Bato-Bɔn dafɛ a nyɔgɔn tele wɔrɔnfila kɔrɔ tun.

2 Ko-Kɔrɔta-Karan 8:7

Mansa Silamɛni ya minnu sɔ wɔlɛ kɛ la, Kenan kegeyɛ le wonu na. Isirɛla mɔgɛnu nanɛ nyamanɛ wo rɔ, anu ma anu denu faga. Amoranu bi kɛnu denu tɛma. Hɛtinu fanan basannɛ anu na. Pɛrasanu anubɛ Yɛbusinu fanan kofunɛ anu ma. Ha bi, wonu donu bi yɔɔnyɛ rɔ Isirɛla mɔgɛnu bolo.

2 Ko-Kɔrɔta-Karan 9:26

Ka a bi Yufereti bɛ ma ka ta a sigi Filisitinuna nyamanɛ la ha ka ta ke Isirɛla anubɛ Iyipiti dan ma, ale le ye tɛngbɛnya wo mansɛ bɛɛ kun na.

Ɛsira 4:20

Tonyɛ le, mansa-makawanɛ donu bi nyɔ nun. Sɛnbɛ ye anu na Yufereti bɛ tele-yigi damasi kun na nun. Anu taranta duti makelela nyɔ-mɔgɛnu bolo.

Nihɛmaya 9:8

I ya a yisi-telennɛ yen i wara la. Wobɛ ya sarama-kan kiri wo nyɔgɔn tɛma. Kenannu siginɛ kan min wo, Hɛtinu anubɛ Amoranu siginɛ kan min wo, Perasanu anubɛ Yebusinu anubɛ Kagasanu siginɛ kan min wo, i ya ale Iburayima yili-madiya ko wonuna nyamanɛ si ma a kegeyɛnutɛ la, ado i wara ila sarama-kan wo latɔnbagaya bawo i telenta.

Yaburi 105:11

A ko a si Kenan nyamanɛ kɛ di ma ma. A ko nyɔ si ma matɛ la habadan!

Bɔ-Koe-Iyipiti 13:11

“Mari ya Kenan kɛnuna nyamanɛ min di wo ma iko a ya lanyiri kiri wobɛ wo benbanu ye nya min, wo wa ke nyɔ tumɛ min,

Bɔ-Koe-Iyipiti 2:24

Alla ya anu di-kɛ-kan lamɔɛn. A ya lanyiri min kiri Iburayima anubɛ Isiyaka anubɛ Yakoba ye, a ya a fonde to wo ko

Bɔ-Koe-Iyipiti 23:23

Nta melika si ta wo yarɔ ka wo ladon nyamanɛ wo rɔ Amoranu anubɛ Hɛtinu anubɛ Pɛrasanu anubɛ Kenannu anubɛ Hefanu anubɛ Yebusinu bi kan min. Nde, Mari si ta wonu kasara.

Bɔ-Koe-Iyipiti 3:8

N bara na anu kunyɛ bɔ tinɛ yɔɔnyɛ rɔ ka anu bɔ Iyipiti kɛnu bolo. N si ta anu na Kenan nyamani-hakikɛ rɔ, Kenannu anubɛ Hɛtinu anubɛ Amoranu anubɛ Pɛrasanu anubɛ Hefanu anubɛ Yebusinu siginɛ kan min. Nyamani-diyamɛ le Kenan nyamanɛ wo la.

Bɔ-Koe-Iyipiti 32:13

I miri ila wɔli-kɛlɛnu ma, Iburayima wo, Isiyaka wo, anubɛ Yakoba. I ma lanyiri kiri anu ye nun ko i si anu bɔnsɔn siyaya iko sanma-lolenu? I ma lanyiri kiri anu ye nun ko i si lanyiri-nyamanɛ wo di anu ma ka nyamanɛ wo ma anu halalɛ la?”

Bɔ-Koe-Iyipiti 34:11

N bi min bɛɛsi fɔla wo ye bi, wo ni wonu ma. N si Amoranu anubɛ Kenannu anubɛ Hɛtinu anubɛ Perasanu anubɛ Hefanu anubɛ Yebusinu gben wo yarɔ.

Bɔ-Koe-Iyipiti 6:4

N bara nta sarama-kan kiri anu ye ko n si Kenan nyamanɛ di anu ma anu benbanu bi sundanyɛ la nyamanɛ min tɔ nun.

Bɔ-Koe-Iyipiti 6:8

N ya lanyiri kiri nyamanɛ min di-koe rɔ Iburayima anubɛ Isiyaka anubɛ Yakoba ma, n si a ma, anu ni ta anu sigi nyamanɛ wo rɔ. N si nyamanɛ wo ma anu halalɛ la.”

Aiseya 27:12

Wo tele-nyɛrɛ rɔ, ka a bi Yufereti bɛ ma ha ka ta a sigi Iyipiti dan la, Mari ko a si ala mɔgɛnu tɔnbɔn kelen-kelenyɛ ma iko mɔgɛ ye dɔn-fan tɔnbɔnna a fofe ya la nya min.

Aiseya 55:3

A ko wole, ata mɔgɛnu, wo ni wo tole masɔ a la ka wo gbɛrɛn a ma. Wo ni wo tole masɔ a la. A si niyi di wo ma. A ko a si habadan-lanyiri kiri wo ye iko a ya Dawuda yili-madiya nya min ata keninteya-dan-natɛgɛbɛlɛ la.

Yɛrɛmaya 32:22

I ya nyamani-hakikɛ kɛ di anu ma iko i ya anu benbanu yili-madiya nya min.

Yɛrɛmaya 32:40

A ko a si habadan-sarama-kan kiri anu ye wo le, ko a ti a fara ko-nyima-kɛ la anu ye, ado a ko a si a ma, anu ni to a gbiliyala anu yisi bɛɛ la. Wo si a ma, anu ti anu kan-kɔ sɔ a la tun.

Saraka-Masɔlɛnuta Tɔnnu 26:42

Ni anu ya wo ma, n si n miri nta lanyiri ma n ya min kiri Iburayima, anubɛ Isiyaka anubɛ Yakoba ye. N si nta lanyiri kɛ ma a kurɛ la wo kegeyɛnu ye ka wola nyamanɛ lasɛgi anu ma tun.

Saraka-Masɔlɛnuta Tɔnnu 26:45

N ya lanyiri kɛ kiri wo ye, wole min bɔra Iyipiti ka nta fanka yira duninya la wati wo. N ya wo damasi ma alako nde ni ma wota Alla la. N si wo lanyiri kiri wo kegeyɛnu ye ka a ma a kurɛ la tun.”

Kɛwɔlɛnu 7:5

Alla ma dugu-wo-dugu di Iburayima ma nyamanɛ kɛ rɔ, hali a sɔnɛ kan tinɛ min tɔ kɔnɔ Alla ya a yili-madiya ko nyɔ si ma anubɛ a bɔnsɔntɛ la a kɔma, ado Alla ye lanyiri kɛ kirila Iburayima ye tumɛ min, den-wo-den sa a bolo nun.

Tɔn-Fɔɛ-Fila-Nyɔgɛ 11:24

Wo tagamanta nyamanɛ wo kan-tina wo kan-tina rɔ, wo si ma wotɛ la. Wola nyamanɛ min ya a dabira dugula wara la wulɛ rɔ ha ka ta ke Lɛbanan kɔnkɛnu ma, wo dugi si ma wotɛ la. Ka a fɔlɔ Yufereti bɛ ma tele-bɔɛ wara la ha ka ta a sigi Mɛdetereniyan kɔgɔ-yi la tele-yigi wara la, wo dugi fanan si ma wotɛ la.

Tɔn-Fɔɛ-Fila-Nyɔgɛ 12:20

“Tumado wati do si na, wota Mari Alla si do sa wota nyamanɛ kuma iko a ya lanyiri kiri wo ye nya min nun. Wo wati wa ke, ni mɛyɛ ya wo bira, wo si soge dɔn wo rɔ iko a di wo ye nya min.

Tɔn-Fɔɛ-Fila-Nyɔgɛ 19:8

“Ni wota Mari Alla ya a ma, wo ni nyamanɛ do sɔrɔn wola nyamanɛ wo kuma iko a ya a fɔ wo benbanu ye nya min,

Tɔn-Fɔɛ-Fila-Nyɔgɛ 34:4

Mari ya a fɔ Musa ye nyɔ ko, “N ya nyamanɛ kɛ le lanyiri kiri Iburayima, Isiyaka anubɛ Yakoba ye ko n si a di anu kegeyɛnu ma. N bara sɔn ko ile ni nyamanɛ kɛ yen kɔnɔ nde, Mari ma nyɔ-ta-fɛrɛ di ile Musa ma.”

Tɔn-Fɔɛ-Fila-Nyɔgɛ 7:1

Musa ya a fɔ Isirɛla mɔgɛnu ye tun ko, “Wota Mari Alla si ta wo la nyamanɛ wo rɔ, wo ye nala sigila kan min. Wo tamatoe, wo si sibolo wɔrɔnfila gben wo yarɔ. Wonu fanka kolo wotɛ ko, ado anu siya wo ko. Sibole wonu tɔgɛ le kɛnu na. Hɛtinu wo, Kagasanu wo, Amoranu wo, Kenannu wo, Perasanu wo, Hefanu wo, anubɛ Yebusinu.

Hiburunu 13:20

Yisa mara saga-fɛ-birala-wɛ la ata saya le fɛ, habadan-sarama-kan kirita ata yele min fɛ. Alla ara ma Mari Yisa lawuli ka a bɔ furinu tɛma. Alla kelan min bi yisi-kimɛ dila wo ma,

Yasowa 15:4

ha ka ke Asimon soe ma. Ka bɔ nyɔ, a bilara yi-dɔgɔmɛ do fɛ min bi Iyipiti dan la ka ke kɔgɔ-yi ma. Isirɛla mɔgɛnuta dan le kɛ la dugula.

Lankɛnimayɛ 9:14

Kuman-kan wo kumara melika wɔrɔ nyɔgɛ wo ye, buri ye min bolo tɔ, kɔni. A ko, “Melika nanɛ minnu kirinɛ Yufereti-ba-kinamɛ dafɛ, wonu fulen!”