Ko-Dabirɛnu 15:17 - ALLALA KUMƐ

¹⁷ Fitiri ma, pinpi ara don gbɛ, ta-kɔ-miran, ta-sisi ye bɔla min tɔ, anubɛ kala-mɛlan tenbira sogo-kundu gbaranda filɛ wonu tɛma.

Ko-Dabirɛnu 15:17 ပူးပေါင်းရင်းမြစ်များ

Ko-Dabirɛnu 15:10

Burama nara kolo-fan kɛnu na ka anu tatɛgɛtɛgɛ kundu fila-fila la. A ya a kundi wonu tala ka anu ma gbaranda fila la. Kɔnɔ a ma koni filɛ wonu tatɛgɛ.

2 Samuwɛli 22:9

Bawo a fonde bɔnɛ, a mara iko ta-sisi le ye bɔla a sunyɛ rɔ. A mara fanan iko ta-mɛlan le ye bɔla a karɛ rɔ. Wo damasi mara bawo a fonde bɔnɛ.

1 Mansɛnu 18:38

Mari ya tɛ layigi ka bɔ san-kole rɔ. A saraka-sogo wo, a sɔgɔ-ladɛnni wo, a kuru wo, a bɔnku wo, anubɛ yi min bi denkɛ rɔ wo, wo bɛɛ mintanta gburr!

1 Ko-Kɔrɔta-Karan 21:26

A ya saraka-mintan-tinɛ sɔ nyɔ Mari ye. A ya Mari matara ka saraka-mintantɛ anubɛ yisi-kima-sarakɛnu bɔ. Mari sɔnta ala sarakɛnu na ka sarakɛ wonu mintan-tɛ labɔ Arinyɛnɛ rɔ ka a layigi a ye.

Bɔ-Koe-Iyipiti 19:18

Ta-sisi bɔra Sinayi kɔnkɛ kuma bawo Mari le wara yigi kɔnkɛ wo kuma iko tɛ. Ta-sisi wo yɛlɛta kulakula! Kɔnkɛ wo kan tinɛ bɛɛsi yɛrɛyɛrɛnta.

Bɔ-Koe-Iyipiti 20:18

Mɔgɛnu ya banda-nyin-masɔgɛ yen ka san-sɛran anubɛ buru-fɛ-kan lamɔɛn ta-sisi-fin-bɛ rɔ kɔnkɛ kuma tumɛ min, anu yɛrɛyɛrɛnta ka anu masɛgi anu kɔma.

Aiseya 62:1

Yerusalɛm di n ye min kɛ, n ti fara a wara-ko-fɔɛ la. N si to a matɔgɔla ha ale Marita nyimaya-silɛɛ ni to tiila a ma iko tele. N si to a tantola ha ata kisi-koe ni malan iko tɛ.

Yɛrɛmaya 11:4

A ko a ye kumala sarama-kan wara-koe la ale Mari anubɛ ma benbanu ya min kiri. Anu bɔɛ Iyipiti, anubɛ Alla nara to sarama-kan kirila anu nyɔgɔn tɛma. A ko Iyipiti manɛ wo ye iko sulubondɔn. A ya a fɔ Isirɛla mɔgɛnu ye ko ni anu ya a kan to a gbɛ rɔ, ale si ma anuta Alla la, anu denu fanan si ma ata mɔgɛnu na.

Tɔn-Fɔɛ-Fila-Nyɔgɛ 4:20

Wo mɔgɛ le wole la Mari ya minnu nabɔ tɔrɔya-fafanɛ rɔ Iyipiti nyamanɛ rɔ min manɛ iko wɔnkɔrɔ-tɛ. A ya wo labɔ nyɔ alako wo ni ma aletɛ la. Wo ye wo nya na le ha bi.

Kɛlɛ-Kurugbɛnu 13:20

Ta-mɛlan ye yɛlɛla san ma tumɛ min, melika wo, Mari, kɔni, wo yɛlɛta ta-mɛlan wo rɔ san-kole rɔ. Manowa anubɛ ala musi ya anu naburun a ma dugi ma.

Kɛlɛ-Kurugbɛnu 6:21

Mari ya ala sewuri tugu soge wonubɛ biredi wo la. Tɛ bɔra farɛ wo rɔ ka biredi anubɛ soge wo mintan gburr! Wo kɔma, Mari tununta a ma yen!