Ko-Dabirɛnu 15:1 - ALLALA KUMƐ

¹ Kɛlɛ kɛnu kanɛ a la, Mari ya a yiraka Burama la. A ya Mari kuman-kan lamɔɛn ko, “Burama, i kana kilan. Nde si i latanka ka i barayi boi!”

Ko-Dabirɛnu 15:1 ပူးပေါင်းရင်းမြစ်များ

Ko-Dabirɛnu 15:2

Kɔnɔ Burama ko, “E, n tigi Mari Alla, i ye n barayila nfenna ko la? Den sa n bolo. N kɛɛ-bila sa, fɔ nna wɔli-kɛlɛ Ɛliyesa Damasika kɛ, wo le ye n kɛɛ bila.”

Ko-Dabirɛnu 15:4

Mari ya a fɔ Burama ye tun ko, “Wo ti ma. Ɛliyesa ti ma i kɛɛ-bilɛ la muk! I nyɛrɛ-nyɛrɛta dan, i kɛɛ ye tola wo le ye.”

Ko-Dabirɛnu 21:17

Alla ya Sumanyila fanan di-kɛ-kan lamɔɛn. Allata melika kuman-kan bɔra san-kole rɔ ka Hega rakele ko, “Hega, i yisi tɔrɔnɛ i ma nfenna? I kana kilan kamasɔrɔn i ya ila dan to sanɛ kan min, Alla ye a di-kɛ-kan lamɔɛnna nyɔ.

Ko-Dabirɛnu 22:1

Wati tenbinɛ, Alla ya Iburayima kele alako a ni a kɔrɔbɔ. A ya a fɔ a ye ko, “Iburayima.” Iburayima ya a labira, a ko, “O-o.”

Ko-Dabirɛnu 22:20

Wati tenbinɛ, Iburayima ya a lamɔɛn ko a na-kelen-nyɔgɛ Nehorila musi Milaka ara den siyaman sɔrɔn.

Ko-Dabirɛnu 26:24

A ke nyɔ wo suyi rɔ, Mari bɔra a ye gbɛ rɔ. A ko, “I fa Iburayimata Alla le nde la. I kana kilan kamasɔrɔn n bi i fɛ. N si nta duwɛ layigi i kuma ka i bɔnsɔn lasiyaya nta wɔli-kɛlɛ Iburayimala ko la.”

Ko-Dabirɛnu 31:7

Wo fa ara n yanfa ka to n sarɛ mayigi-ni-yɛlɛ kɛla iko siyaman. Kɔnɔ Alla ma sɔn wo fa ni ko ma n na.

2 Samuwɛli 22:3

Nta farɛ le Alla la n si n dogon min kɔma. A si n nakanan iko nɛgɛ-walan. Nna kɛlɛ-kɛlɛ le ale la min si n kisi.

2 Mansɛnu 1:15

Anu tora wo le la, Marita melika ya a fɔ Nɛbi Ilaya ye ko, “Hali i ma kilan. Bila a fɛ. I ni ta.” Nɛbi Ilaya bilara a fɛ. Anu tara mansɛ taran.

1 Ko-Kɔrɔta-Karan 28:20

Mansa Dawuda ya a fɔ ala den Silamɛni ye ko, “I kerinteya ka i yisi gbɛlɛya. I ni wɔlɛ dabira. Fenfen kana ila wɔlɛ tinya. Nde ye nta Mari Alla min sako kɛla, wo si to i fɛ, ado a ti i boloka muk! Ka tenbi wo la, a ti bɔ i fɛ Bato-Bɔn sɔ-ko-wɔlɛ kɛ rɔ.”

Yaburi 115:10

Wole minnu bi sarakɛnu masɔla Alla ye, wo ni la Mari la. Ale le ye wo dɛnbɛna ka wo lakanan.

Yaburi 119:114

Nna kandannɛ anubɛ n kumafunfannɛ le ile la. N yigi sanɛ ita yili-madiyɛ rɔ.

Yaburi 142:5

N bi ile Mari rakelela n dɛnbɛn-koe rɔ. N natankalɛ le ile la. Ile le n sigi-kunya bɛɛ la, ado n mako ti taran fenfen na.

Yaburi 18:2

Mari le n natankalɛ la. Nna tarɛ le ale la, n si kisi ale le tɔ. Ale le si n tanka ko-yogomɛ ma. Nta farɛ le Alla la, n si n dogon min kɔma. A si n nakanan iko nɛgɛ-walan. Nna kɛlɛ-kɛlɛ le ale la min si n kisi.

Yaburi 27:1

Mari le si waan raka n ye ka n kisi. N ti kilan mɔgɔ-wo-mɔgɔ la. Mari le ye n natankala masiba-koe bɛɛ ma woletɔ n ti kilan fenfen na.

Yaburi 3:3

Kɔnɔ Mari, ile le si n matanka gbalo ma, ado ile le ye a mala fanan, n ni nɔ-ko sɔrɔn ha n kun na ni yiri.

Yaburi 3:4

N ya ile Mari rakele n dɛnbɛn-koe la. I ya a labira i bato-bɔn la kɔnkɔ-sɛnimɛ kuma.

Yaburi 5:12

Mari, minnu bi ita kumɛ birala anu bolo filɛ la, wonu si ita duwɛ sɔrɔn. Keninteyɛ min bi i bolo anuna ko la, wo mani de iko nɛgɛ-walan min bi anu natankala kɛlɛ rɔ.

Yaburi 58:11

Tɔ-a-la, mɔgɛnu si a fɔ ko, “Telenbagɛnu si barayi sɔrɔn yati!” Wo kɔma, anu si a fɔ ko, “Tonyɛ le wo la, yɔ! Alla ye nyɔ min bi duninya kitila.”

Yaburi 84:11

Ma latankalɛ le Mari la, ado mala gbiliya-mansɛ le. Ala duwɛ ye ma fɛ ka kinikinɛ anubɛ gbiliyɛ di ma ma. A ti ko-nyimɛ bɔ mɔgɔ-telennɛ telen tɔ.

Yaburi 84:9

E, Alla, ita duwɛ layigi mala mansɛ kuma min si ma lakanan. Duwɛ layigi ale mansɛ kuma, ile nyɛrɛ ya min yabɔ.

Yaburi 91:4

A si a kanbannu burun i kuma. A kanbannu si i lakanan. Ata lanayɛ, wo le ye i lakisila.

Bɔ-Koe-Iyipiti 14:13

Musa ya a fɔ mɔgɛnu ye ko, “Wo kana kilan. Mari si na wo tanka nya min bi, wo ni wo sɔ ka wo ragbɛ. Wo si ma sereyɛ la wo ye. Wo ara Iyipiti kɛ minnu yen kɛ la, wo ti wonu yen kɛ kɔma tun.

Hɛnkilimaya-Kumɛnu 11:18

Karagbɛlɛnu si sarɛ min sɔrɔn, wo si a baya kɔnɔ mɔgɔ-telennɛta barayi bɛnta a ma.

Hɛnkilimaya-Kumɛnu 30:5

“Allata kumɛ bɛɛsi sɛninyani de! Fɛɛ sa anu na. A si ma tanka iko nɛgɛ-walan si kɛlɛ-kurugbɛ latanka nya min.

Aiseya 35:4

Min bɛɛ yisi tinyanɛ, a fɔ wonu ye ko anu ni anu sɛnbɛ don ka anu kerinteya. Alla ye nala anu nakananna. A ye nala anu yogenu tɔrɔla.

Aiseya 40:10

Ma Tigi Mari ye nala maralɛ-kɛla sɛnbɛ la. A ara mɔgɛ min kunyɛ bɔ birɛ rɔ, a si na wonu na.

Aiseya 41:10

Wo kana kilan bawo a ye wo fɛ. Bawo wota Alla le ale la, wo kana kilan fenfen na. A si wo ragbɛlɛya ka wo dɛnbɛ. A si wo latanka ka wo kisi.

Aiseya 41:14

Mari ko wole a Isirɛla mɔgɛ toenu, hali wo ma siya, wo rafaganɛ. Wo kana kilan bawo a ye wo dɛnbɛna.

Aiseya 43:1

Isirɛla mɔgɛnuna Mari ko ma kana kilan bawo a ye nala ma lakananna. A ko a ara a sereka-tɔgɛ sa ma kuma. A halalɛ le male la.

Aiseya 43:5

Ma kana kilan bawo a ye ma fɛ. A ko a si na mala mɔgɛnu na ka bɔ tele-bɔɛ anubɛ tele-yigi pon!

Aiseya 44:2

A ko ale le ya ma dan kebi ma ye ma na burɔ. Ale le ye ma dɛnbɛna tolon! A ko ma kana kilan bawo ata wɔli-kɛlɛ le male la. Ata mɔgɔ-yabɔnɛ le male la. Ma di a ye kosɛbɛ!

Aiseya 44:8

A ko ma kana kilan! Ma kana hɔn! Min bi nala mala ma la, a ye wonu fɔla ma ye tolon! A sere le male la kɛnuna ko la. Alla-gbɛrɛ ye nyɔ, wa? Alla-makawani-gbɛrɛ do ye nyɔ, a ma min wara-koe lamɔɛn bɛ?

Aiseya 51:12

Mari ko ale le si wo sɛnbɛ don. Hadama-dan min siyi-fɛ wuru iko binyɛ, wole kilannɛ wo la nfenna gbɛ?

Yɛrɛmaya 39:17

A ko a kilannɛ mɔgɛ minnu na, a ti a don wonu bolo.

Nimisa Koe 3:24

Mari kelen pe le nde bolo. N mako-nyinyalɛ le ale la. N si n yigi sa ale rɔ.

Isikiyɛli 1:1

Nde, Busila den Saraka-Masɔla Isikiyɛli siginɛ Yahudiya-biranɛnu tɛma Babilɔn nyamanɛ rɔ Kiba bɛ fɛ. N sɔrɔn-san bi-sawɛ, karɛ nani nyɔgɛ, tele loli nyɔgɛ ma, ko-rayirɛ kɛra n ye. San-kole dɛ lakara, n ya Allata ko-rayirɛ yen. (Mansa Yɛhoyasin, wo birɛ san loli nyɔgɛ ma, kɛ mara wulɔn le!) N bi Kiba bɛ fɛ Babilɔn nyamanɛ rɔ tumɛ min, Mari kumara n ye, ado n ya ata Sɛnbɛ sɔrɔn.

Isikiyɛli 11:24

Ko-rayirɛ wo rɔ, Marita Sɛnbɛ ya n kɔrɔbi ka n nayɛlɛ san ma. A sɛgira n na mɔgɔ-biranɛ wonu bara Babilɔn nyamanɛ rɔ. N ke nyɔ, nna ko-rayirɛ wo banta.

Isikiyɛli 3:4

A ko, “Ile hadama-dan, ta Isirɛla mɔgɛnu bara. N ba fenfen fɔ i ye, i si wo latenbi anu ma.

Yilan-Yilan Koe 12:6

Mari ya a fɔ anu ye ko, “Wo ni wo tole masɔ. Nɛbinu bi wo tɛma tumɛ min, n si ko-rayirɛ kɛ anu ye kiyo rɔ.

Yilan-Yilan Koe 18:20

Mari ya a fɔ Aruna ye ko, “Wo wa ke kan tinɛ wo rɔ wo ye nala tala kan min, wobɛ ila denbayɛ ti dugu mumɛ sɔrɔn wo nyɛrɛ ye. Woleta kan tinɛ le nde nyɛrɛ la.”

Yilan-Yilan Koe 24:4

N bara Alla kuman-kan nya-yen. Alla Sɛnbɛ-Bɛɛ-Tigi ara ko-rayirɛ kɛ n ye. N bara n sa dugi ma Alla kɔrɔ, n yɛ la ara ka. Nde le nyɛrɛ ye kɛ fɔla wo ye yati!

Matiyu 28:5

Melika wo kumara musi wonu ye. A ko, “Wo kana kilan. N ya a lɔn ko wo ye Yisa le nyinina min gbangbanta kɔlɔma ma nun.

Matiyu 8:26

Yisa ya a fɔ anu ye ko, “Wo kilannɛ nfenna? Wola dɛnkɛninyɛ ma kolo mumɛ!” Wo kɔma, a ya a lasɔ ka fɔnyɔ anubɛ yi makuma. Fɔnyɔ anubɛ yi wo sigira-a-la don!

Luka 1:13

Kɔnɔ melika ya a fɔ a ye ko, “Sakaraya, i kana kilan! Alla ara ila madiyalɛ lamɔɛn. Ila musi, Ilisabɛti si den-kei sɔrɔn i ye. I ni a tɔgɔ sa Yɔni.

Luka 1:30

Wo kɔma, melika wo ya a fɔ a ye ko, “Mariyama, i kana kilan bawo i wara Alla hɛnɛ.

Luka 12:32

“Wole, nna saga-kurun-nɛ, wo kana kilan bawo wo Fa fonde ara sa ka mansayɛ di wo ma.

Kɛwɔlɛnu 10:22

Anu ya a yabi ko, “Romu kɛlɛ-den-kun-tigi Kɔniliyasi le ya ma sɔ i wara. Mɔgɔ-nyimɛ le min bi Alla batola. Yahudiya bɛɛ ye a gbiliyala bɛrɛkɛ! Allala melika do le ya a fɔ a ye ko a ni ile kele ala bɔn la. I ye nala min fɔla, a ye a fɛ ka wo lamɔɛn i bolo.”

1 Kɔrɛnti 3:22

Nde, Pɔli wo, Apalasi wo, Pita wo, duninya kɛ wo, niyi wo, sayɛ wo, fan minnu bi nyɔ kaka wo, fan minnu bi sina wo, wotɛ le wo bɛɛ la,

Tɔn-Fɔɛ-Fila-Nyɔgɛ 18:2

Anu ti anu halala-dugi sɔrɔn iko bɔnsɔn-toenu si anutɛ sɔrɔn nya min. Anu denu baralɛ, anu ya gbiliyɛ sɔrɔn ka ma saraka-masɔlɛnu na Mari ye iko a ya lanyiri kiri anu ye nya min.

Tɔn-Fɔɛ-Fila-Nyɔgɛ 31:6

Wo si wo yisi gbɛlɛya ka wo kerinteya. Wo kana kilan anu na bawo wo tigi Mari Alla si to wo fɛ. A ti wo baya, ado a ti wo boloka mumɛ!”

Hiburunu 1:1

Fɔlɔ-nun, Alla kumara ma benbanu ye wati siyaman anubɛ nya-siyaman ma nɛbinu baraka rɔ

Lankɛnimayɛ 1:17

N ya a ragbɛ min kɛ, n buira a kin kɔrɔ iko mɔgɔ-faganɛ. A ya a kɔɛn-nyimɛ sa n ma. A ko, “I kana kilan! A fɔlɔtɛ anubɛ a laban le nde la.

Ruti 2:12

Alamɛ Mari ya i sara wo la. I wara na Isirɛla mɔgɛnuta Mari Alla wara ka don a kanban kɔrɔ i kisi-koe la. Alamɛ Alla ya i sara boi!”

1 Samuwɛli 15:10

Wati tenbinɛ, Mari ya a fɔ Samuwɛli ye ko,

1 Samuwɛli 9:9

Sɔli ya a fɔ a ye ko, “Tonyɛ le wo la. Ma ta.” Anu tara soe burɔ, nɛbi wo ye kan min. Anu bi so-kɔnkɛ yɛlɛla tumɛ min, anu bɛnta sunkurunnɛ donu na minnu bi tala yi-bi-tinɛ. Anu ya sunkurunnɛ wonu manyinika ko, “Ko-rayennɛ wo ye soe burɔ, wa?” (Wo wati rɔ, anu si nɛbinu kele ko, “Ko-rayennɛ.” Ni Alla-manyinika-sɔgɛ ye mɔgɛ do la, a si a fɔ ko, “Ma ni ta ko-rayennɛ wara.”)