Ko-Dabirɛnu 14:20 - ALLALA KUMƐ

²⁰ Alla Min Bi Fan Bɛɛ Kun Na min bara i yogenu don i bolo, tantolɛ ni ke wo ye.” Burama ya minnu sɔrɔn kɛlɛ rɔ, a ya wonu yaka bɔ ka wonu di Mɛlikisidaki ma.

Ko-Dabirɛnu 14:20 ပူးပေါင်းရင်းမြစ်များ

Ko-Dabirɛnu 14:21

Sɔdɔm so-tigi ya a fɔ Burama ye ko, “Nna mɔgɛnu nasɛgi n ma, nɔnfuli wo ni to ile ye.”

Ko-Dabirɛnu 24:27

A ko, “Alla tanto, n tigi Iburayimata Mari min bara ata lanyiri latɔnbagaya n tigi ye, wo ara n telen n tigita mɔgɛnu na.”

Ko-Dabirɛnu 28:22

N bara kuri kɛ latelen kan min kɛ la, nyɔ si ma Alla madiya tinɛ la. Ni Mari ya fan minnu di n ma, n si wonu yaka bɔ wo rɔ ka a di a ma.”

Ko-Dabirɛnu 47:24

Wo wa ban anu tɛgɛla tumɛ min, wo wa fenfen sɔrɔn wola sɛnɛnu tɔ, wo ni wo dan nani, a loli nyɔgɔn, mansatɛ le wo la. A toe min bi tola, wo si wo ma wola sugi anubɛ wola dɔn-fan la.”

Ko-Dabirɛnu 47:26

Min bɛɛ ya fen-sɔrɔn-kɛ anuna sɛnɛnu tɔ, anu ya wonu dan nani, a loli nyɔgɛ mara mansɛtɛ la. Ha bi, wo tɔn ye Iyipiti nyamanɛ rɔ nyɔ. Fɔ saraka-masɔlɛ minnu bi sarakɛnu bɔla bɛsɛnu ye nyɔ, wonu denu dɔrɔnna dugi ma ma mansɛtɛ la.

Ko-Dabirɛnu 9:26

“Ma ni baraka bira Sɛmata Mari Alla ye. Alamɛ Kenan bɔnsɔn mara yɔɔnnu na Sɛma bɔnsɔn kɔrɔ.”

2 Samuwɛli 18:28

Ahimahasi kenɛ tarɛ wo ma, a ya mansɛ rakele ka a kɔndɔn. A ya a laburun a ma mansɛ kɔrɔ. A ko, “N tigi, ita Mari Alla tanto. Bawo mɔgɛ minnu bara murutiya i ma, ita Mari Alla ara a ma, i wara nɔ-ko sɔrɔn wonu ma.”

2 Ko-Kɔrɔta-Karan 31:12

Anu ya kɔ-fan anubɛ yaka minnu di Mari ma, anu ya wonu namara nyɔ. Lifayi mɔgɛ do ye nyɔ min tɔgɛ Konanaya. Anu ya wo sigi fen namara tinɛ wo kun na. A na-kelen-nyɔgɛ min tɔgɛ Simayi, wo tugunta a la. Lifayi mɔgɔ tan bi nyɔ fanan minnu bi wɔlila mɔgɔ filɛ kɛnu kɔrɔ.

Nihɛmaya 10:37

Ma si na mala dɔn-fen kun-fɔlɛ dɛgɛ-munkenu na saraka-masɔlɛnu bara. Wo kɔma, ma si ta minni-fen-sarakɛnu anubɛ tuli anubɛ kɔn-gbɔ-su bɛɛ la saraka-masɔlɛnu bara. Ma si mala yakanu bi mala togodɛnu na ka ta anu to Lifayinu ma minnu si yaka makele mala sɛnɛnu tɔ.

Nihɛmaya 13:12

Wo kɔma, mɔgɛnu donta nɛ rɔ fui-fen-yakanu anubɛ minni-fen-yakanu anubɛ tulu-yakanu na Bato-Bon-fen-namara-tinɛ burɔ.

Yaburi 144:1

Ma ni Mari tanto, nna kisilɛ, kɔni. A ye n karanna kɛlɛ ma ka n tabɛn kɛlɛ-kɛ-koe la.

Yaburi 44:3

Kɛlɛ ma a ma, ita mɔgɛnu ya nyamanɛ wo sɔrɔn. Anu ma a sɔrɔn anuta sɛnbɛ dɔrɔn na. Ita sɛnbɛ anubɛ ita fanka, wo le ya a ma, anu ya a sɔrɔn. Anu ya a lɔn min kɛ ko ile ye anu fɛ, wo le ya a yira anu na ko anu di i ye.

Yaburi 68:19

Ma ni ma tigi tanto min bi mala tɔrɔyɛ bila tuma-wo-tuma. Alla le wo la min si ma kisi.

Bɔ-Koe-Iyipiti 18:10

A ko, “Tabarakala Mari ma min bara wo kisi ka wo labɔ yɔɔnyɛ rɔ Iyipiti mansɛ anubɛ ala mɔgɛnu bolo.

Emɔsi 4:4

Allatala ko wole Isirɛla mɔgɛnu, ni a di wo ye, wo ni ta wola kan-tina-sɛnimɛ Bɛtɛli ka hakɛ kɛ iko a di wo ye nya min. A ko wo ni ta Kiligali fanan ka murutiya iko a di wo ye nya min. Wo si na wola sarakɛ minnu na san la, ni a di wo ye, wo ni to nala wonu na sɔgɔma-wo-sɔgɔma. Wo si na wola yaka min na san kɔrɔ iko sawa, ni a di wo ye fanan, wo ni na wonu na tele-sawa wo tele-sawa kɔrɔ.

Malakayi 3:10

A bɛnta, a ni yaka min nyɔgɔn sɔrɔn wo bolo, a ko wo ni na wo dama la Bato-Bɔn la woletɔ dɔn-fan ra si boroko-baraka nyɔ rɔ. Mari ko wo ni a rasuma. A ko wo si a yen ni a ti san-kolo-dɛnu naka ka fen-nyima-siyaman nayigi wo ma biribiri!

Malakayi 3:8

Kɔnɔ Alla ye wo manyinikala ko a bɛnnɛ mɔgɛ ni ale Alla kensun, wa? Wo ma telen kɔnɔ a ko wo ye a kensunna. Wole ye a fɔla ko, “Ma ye a kensunyala kama?” A ko wo ye a kensunna yakanu anubɛ kɔ-fannu tɔ.

Yilan-Yilan Koe 28:26

“Wo wa Dɔn-Fen-Kurɛ-Ladɛn tɛgɛ kɛ, wo si wola dɔn-fen-kun-fɔlɛnu ma kɔ-fan la Mari ye. Wo ni wo fara wo nyɛrɛta wɔlɛ la ka Mari bato wo tele nyɛrɛ rɔ.

Luka 18:12

Lɔgɔkun-wo-lɔgɔkun, n bi sunyɛ donna tele fila. N bi min bɛɛ sɔrɔnna, n bi wo yaka dila i ma.’

Ɛfɛsa 1:3

Ma ni baraka bira ma Mari Yisa Kirasiti, wo Fa Alla ye dɛɛ bawo duwɛ min bɛɛsi ye Arinyɛni tɔ, Alla ara wonu di ma ma. Ma ya wonu sɔrɔn Kirasiti baraka le tɔ.

Tɔn-Fɔɛ-Fila-Nyɔgɛ 12:17

Ni mɔgɛ ye fenfen mala kɔ-fan la Mari ye, a kana wo dɔn a sigi-tinɛ rɔ, fɔ a ni ta a la kan-tina-kelan wo rɔ min yabɔnɛ Mari bolo. Wo ye yaka min sɔrɔnna wola fui-fannu tɔ anubɛ wola ki-fannu tɔ, fɔ ka ta wonu na Mari ye. Wola kolo-fannu den fɔlɔtɛ wo, wola dato-kɔ-fannu wo, wola hɛniki-sarakɛnu wo, wola kɔ-fen-toenu wo si min di Mari ma wo, wo si ta wonu damasi la kan-tina-kelan wo rɔ.

Tɔn-Fɔɛ-Fila-Nyɔgɛ 14:23

Mari ya kan-tina-kelan min yabɔ wo ye wo si a bato kan min, wo tenbi tala nyɔ rɔ, wo ni ta wola fui-fannu na anubɛ wola nako-fannu anubɛ wola kolo-fannu den fɔlɔtɛnu na ka ta wonu ma yaka la nyɔ. Wo tenbi nyɔ rɔ gbɛ, wobɛ Lifayi bɔnsɔn-mɔgɛnu si wola yaka wo dɔn Marita kan-tina-yabɔnɛ wo rɔ. Wo si to kɛ le mala ka Alla gbiliya tuma-wo-tuma.

Tɔn-Fɔɛ-Fila-Nyɔgɛ 14:28

San sawa sawɛ wa ban, wo ni to wola yakanu nadɛnna wola soenu tɔ.

Yasowa 10:42

Yasowa anubɛ ala kɛlɛ-dannu ya sɛnbɛ sɔrɔn kɛlɛ-wa-kelan wo rɔ bawo Isirɛlata Mari Alla ya kɛlɛ wo kɛ anu ye.