Ko-Dabirɛnu 14:14 - ALLALA KUMƐ

¹⁴ Burama ya a lamɔɛn tumɛ min ko anu bara a kɔrɔla den-kei Lɔti bira, ala bonna-mɔgɔ kɛmɛ sawa, mɔgɔ tan-ni-segin (318) minnu kusan kɛlɛ kɛla, a ya kɛlɛ-kɛ-fannu don wonu bolo. Wonu tara mansɛ wonu sagaranna ha ka ke Dan soe burɔ.

Ko-Dabirɛnu 14:14 ပူးပေါင်းရင်းမြစ်များ

Ko-Dabirɛnu 12:16

A ya Burama rabira a kin na Sirayila ko la. Ale mansɛ ya yɔɔnnu di Burama ma anubɛ sagɛnu anubɛ ninkinu anubɛ sofɛlɛnu anubɛ nyomɛnu.

Ko-Dabirɛnu 13:8

Burama ya a fɔ Lɔti ye ko, “Kɛlɛ-nyɔgɔnyɛ ma bɛn mabɛ ile Lɔti tɛma kamasɔrɔn na-kelen-nyɔgɔma filɛ le mabɛ la.

Ko-Dabirɛnu 14:12

Anu ya Burama kɔrɔla den Lɔti bira anubɛ a bolo-fannu ka ta anu na bawo ale fanan siginɛ Sɔdɔm soe burɔ.

Ko-Dabirɛnu 14:16

Kɛlɛ tara mɔgɛnu bolo-fan minnu na, Burama ya wonu bi anu bolo. A nara a kɔrɔla den Lɔti la anubɛ ala denbayɛ anubɛ a bolo-fannu. Kɛlɛ ya mɔgɔ-gbɛrɛ anubɛ musi minnu bira, a nara wonu fanan na.

Ko-Dabirɛnu 15:3

Burama ya a fɔ tun ko, “I ma den di n ma. Woletɔ nna yɔɔn minnu sɔrɔnta nna bɔn la, wo do si ma n kɛɛ-bilɛ la.”

Ko-Dabirɛnu 17:23

Iburayimala dan Sumanyila anubɛ kei min bɛɛsi ye a warɛ bɔn la, anubɛ ala yɔɔn-kei minnu sɔrɔnta ala bɔn la, anubɛ a ya yɔɔn-kei minnu san, Iburayima ya anu nayigi tele kelan wo kɔrɔ iko Alla ya a fɔ a ye nya min nun.

Ko-Dabirɛnu 18:19

N bara Iburayima ma nta mɔgɔ-yabɔnɛ la woletɔ a si ala dannu anubɛ a bɔnsɔn-mɔgɛnu karan n bara-koe ma alako anu ni ko-latelennɛ kɛ ka nna kumɛnu bira. Ni anu ya wo ma, n bara nta lanyiri min kiri Iburayima ye, n si wo latɔnbagaya.”

Ko-Dabirɛnu 23:6

“I wɔlɔ matɔlɔ ma la bawo ma ya a lɔn ko Allata-mɔgɔ-yabɔnɛ le ile la ma tɛma. Kanba-hakikɛ minnu bi ma bolo yan tɔ, i ya lakalan. I ni wo kelen bi ka ila furi togon nyɔ. Ma fenfen ti ma ban kanba-sinnɛ dila i ma.”

1 Mansɛnu 15:20

Kilayɛ wonu kenɛ Siriya mansɛ wo ma, anu ya anu dantɛgɛ a ye. Mansa Esa ya mɔgɔ-ba wonu sɔ min na, ale fanan sɔnta wo ma. Wo le ya a ma, ale fanan ya ala kɛlɛ-den-kunyɛnu anubɛ ala kɛlɛ-dannu nata ka ta bui Isirɛla mɔgɛnuna so-kunbɛnu ma. Anu ya soe minnu bi Isirɛla nyamanɛ rɔ, wonu tɔgɛ le kɛnu na, Iyɔn wo, Dan wo, Ebɛli-Bɛti-Meyaka wo, anubɛ Kalili dalɛla foolɛ bɛɛ. Wo kɔma, anu tara Nafatali bɔnsɔn-mɔgɛnuna dugi bɛɛ bi anu bolo.

Yaburi 68:12

Anu bi tala a fɔla ko, “Mansɛnu anubɛ anuna kɛlɛ-dannu bi anu burila.” Mɔgɔ-burinɛ wonu ya miran minnu to, musinu bi wonu farala anu nyɔgɔn na.

Hɛnkilimaya-Kumɛnu 17:17

A bɛnta diyana-mɔgɔ filɛ ni to keninteyɛ yirala anu nyɔgɔn na. A fisa, mɔgɛ ni a na-kelen-nyɔgɛ dɛnbɛ tɔrɔyɛ rɔ.

Makawandili Kumɛnu 2:7

N ya yɔɔn-siyaman san, kei wo, musu wo. Yɔɔn wonu fanan ya dannu sɔrɔn nna bɔn la. Wo kɔma, nna kolo-fannu siya Yerusalɛm-sigila-kɔrɛ bɛɛtɛ ko.

Yɛrɛmaya 41:12

anubɛ anuna kɛlɛ-dannu ya ale Sumanyila sagaran ka ta a taran Kibiyon soe. Dala-kundi ye kan min, anu tara a taran nyɔ.

Tɔn-Fɔɛ-Fila-Nyɔgɛ 34:1

Musa bɔra Mohabu lɛɛ rɔ ka ta Nibɔ kɔnkɔ-yɛlɛ dabira. A tara ha Pisiga kɔnkɛ kun tɛma min bi Yɛrikɔ tele-bɔɛ wara la. Mari ya lanyiri-nyamanɛ bɛɛsi yira a la. A ya a yɛ layɛlɛ Yorodan bɛ kunyɛ wara la ka Kaliyadi nyamanɛ mafɛlɛn ha Dan soe ye kan min.

1 Yɔni 2:18

Nna dannu, tele-laban-lunyɛ ara gbɛrɛn! A fɔra wo ye ko Kirasiti-yogo-finma-wɛ wo si na. Nba, Kirasiti yogo siyaman bara ban bɔla gbɛ rɔ hali kaka. Woletɔ ma ya a lɔn ko tele-laban-lunyɛ ara gbɛrɛn.

Kɛlɛ-Kurugbɛnu 18:29

Anu ya Leyisa soe wo tɔgɛ yɛlɛma ka anu benba Yakobala den Dan tɔgɛ sa nyɔ kuma.

Kɛlɛ-Kurugbɛnu 20:1

Isirɛla bɔnsɔn tan-ni-kelan bɛɛsi ya anu kundɛn ka a dabira Dan soe ma kan tɔ, ha ka ke Biri-Siba soe ma dugu la, hali minnu bi Kaliyadi nyamanɛ rɔ tele-bɔɛ wara la. Anu damasi ya anu kundɛn Mari yakɔrɔ Misipa soe burɔ.

1 Samuwɛli 30:19

Anuna mɔgɛnu fenfen kunyɛ ma to-a-rɔ hali anu bolo-fannu.