Ko-Dabirɛnu 14:13 - ALLALA KUMƐ

¹³ Mɔgɛ do ya a buri kɛlɛ rɔ ka ta wo bɛɛsi rakaran Burama ye. (Burama wo bɔra Iburu kegeyɛ le tɔ.) Wo wati rɔ, Burama daga makɛnɛ Mamirela kɔlɔma-kuri-latankanɛnu dafɛ. Amora do le Mamire kɛ la. Mamire anubɛ a na-kelen-nyɔgɛnu Esikoli anubɛ Aneri, wonubɛ Burama bara diyanaya lanyiri kiri anu nyɔgɔn tɛma nun.

Ko-Dabirɛnu 14:13 ပူးပေါင်းရင်းမြစ်များ

Ko-Dabirɛnu 10:16

Kenanla den filɛ Sadon anubɛ Hɛti, wonu kegeyɛ le Yebusinu wo, Amoranu wo, Kagasanu wo,

Ko-Dabirɛnu 13:18

Burama ya ala dagɛ wayan ka ta a daga makɛ Mamirela kɔlɔma-kuru-latankanɛ donu kɔrɔ minnu bi Hiburɔn soe dafɛ. A ya saraka-mintan-tinɛ do sɔ Mari ye nyɔ.

Ko-Dabirɛnu 18:1

Tele latelan wati, Iburayima siginɛ ala fani-bɔn dɛ la Mamireta kɔlɔma-latankanɛnu kɔrɔ, Mari bɔra a ye gbɛ rɔ. A mara nya min, wo le kɛ la.

Ko-Dabirɛnu 21:24

Iburayima ya a fɔ a ye ko, “A ye mabɛ Alla tɛma.”

Ko-Dabirɛnu 21:27

Wo kɔma, Iburayima ya sagɛ anubɛ ninki do bi ka wonu di mansɛ wo ma. Anu mɔgɔ filɛ bɛɛ ya lanyiri kiri anu nyɔgɔn tɛma.

Ko-Dabirɛnu 21:32

Anu ban lanyiri kirila anu nyɔgɔn tɛma, mansɛ wo anubɛ ala kɛlɛ-kurugbɛ Fikoli ya anu nasɔ ka sɛgi anu barɛ Kirari soe burɔ Filisitinu bi kan min.

Ko-Dabirɛnu 39:14

a worondora ka wɔli-kɛlɛnu takele. Wɔli-kɛlɛ wonu nanɛ, a ya a fɔ wonu ye ko, “Wo ni duruki kɛ mafɛlɛn. Nna kei ara na Hiburu keminɛ min na kɛ la, wo le wara na n nafɛya tinɛ kɛ la. A ara don n kuma. A ko a ni digin nde ma. Woletɔ n fanan gbele-gbelenta ha wo ara na.

Ko-Dabirɛnu 40:15

Anu ya n kankan de ka bɔ n barɛ Hiburu nyamanɛ rɔ. Hali yan fanan, n ma ko-wo-ko ma mɔgɔ la. Anu bara n bira ka n nadon yele la pinpi-bɔn kɛ la.”

Ko-Dabirɛnu 41:12

Hiburu-keminɛ do ye ma fɛ nyɔ nun yele la. Pɔtifala yɔɔn le ale la nun. Ma ya mala kiyo wonu takaran a ye. A ya mala kiyo wonu kɔrɛ fɔ ma ye.

Ko-Dabirɛnu 43:32

Anu ya Yusufuta dɔn-fan sigi a dan na ka a yɛ lamunun a na-kelen-nyɔgɛnu na. Yusufu ya a kɔrɔnu sigi tala anu dan na iko anu kina tala anu nyɔgɔn ko nya min. A kɔrɔnu ya wo yen min kɛ, anu kawara. Iyipiti kɛnu fanan sigira anu dan na. Ni i ya a yen anu sigira anu dan na bawo Iyipiti kɛnu ti sɔn anubɛ Hiburunu ni anu bolo layigi miran kelen tɔ fen dɔn tinɛ.

Yobu 1:15

Sabiyanu nara bui ma ma ka ta kolo-fan wonu na. Anu ya ila wɔli-kɛlɛ dama faga tɛrr, fɔ nde min kelan kunyɛ bɔra a rɔ!”

Bɔ-Koe-Iyipiti 2:11

Musa koloyara tumɛ min, a tara a na-kelen-nyɔgɛ Hiburunu taran wɔli-kɛ-tinɛ. A ya a yen anu bi wɔli-gbɛlɛmɛ kɛla nya min. A ya Iyipiti kɛ do yen a na-kelen-nyɔgɛ Hiburu do gbesila.

Bɔ-Koe-Iyipiti 2:6

A ya digi laka ka dan wo yen dila. A kinikinita a ma. A ko, “Isirɛla mɔgɛnuna dan do le kɛ la.”

Bɔ-Koe-Iyipiti 3:18

Alla ya a fɔ tun ko, “Isirɛla mɔgɔ-banu si i kuman-kan bira yɔ! Wobɛ wonu ni ta ke Iyipiti mansɛ ma. Wo ni a fɔ a ye ko nde, Hiburunuta Mari Alla ko n nara n nyɛrɛ yira wo la. Wo ni a madiya ko a ni wo boloka alako wo ni tele sawa tagama kɛ wulɛ rɔ woletɔ wo si ke ka sarakɛnu bɔ nde, Mari ye.

Yona 1:9

Nɛbi Yona ko, “Hiburu le nde la. Mari Alla min bi san-kole rɔ pon, nde si wo le kelan madiya. Ale le ya dugu-kole anubɛ kɔgɔ-yi kɛ dan.”

Yilan-Yilan Koe 21:21

Isirɛla mɔgɛnu ya kilayɛ lata Amora mansɛ Saihɔn ma ko,

2 Kɔrɛnti 11:22

Hiburunu le anu na, wa? Wo le nde fanan na. Anu bi Yahudiyanuna dina rɔ, wa? Nde fanan bi a rɔ. Iburayima bɔnsɔn le anu na, wa? Wo le nde bɛrɛni na.

Filipai 2:5

Kɛ-nya min bi Kirasiti Yisa bolo, wo ni wo le bi.

1 Samuwɛli 29:3

Filisitinuna kɛlɛ-kurugbɛnu ya Dawuda anubɛ ala keminɛnu yen tumɛ min, anu ya a fɔ ko, “Hiburu kɛnu damasi ye nfen mala yan tɔ?” Mansa Akisi ya a fɔ anu ye ko, “Dawuda le kɛ la min bi kun-tigiyɛ la nun Isirɛla mɔgɛnu na Mansa Sɔli kɔrɔ. A ara mɛ n fɛ kosɛbɛ! Ka a bi a na-wati ma ha ka a sigi kaka la, n ma fɛɛ-wo-fɛɛ yen a la.”

1 Samuwɛli 4:12

Bɛnyamɛ bɔnsɔn-mɔgɛ do burimatoe bɔra kɛlɛ rɔ ka ta fɔɔ Sailo. A kera nyɔ wulɔn-tele kɔrɔ. A ya ala duruki wo rafara ka gbangban kɛ a kunyɛ rɔ ka a yira mɔgɛnu na ko a yisi tinyanɛ.