Ko-Dabirɛnu 14:10 - ALLALA KUMƐ

¹⁰ Sidin lɛɛ wo lafanɛ denkɛnu na, kolota pindipandinu bi minnu tɔ. Sɔdɔm anubɛ Kɔmɔra so-tigi wonu burimatoe buira denkɛ wonu tɔ. So-tigi sawɛ minnu tora, wonu burimatoe tara anu dogon kɔnkɛnu tɔ.

Ko-Dabirɛnu 14:10 ပူးပေါင်းရင်းမြစ်များ

Ko-Dabirɛnu 11:3

Anu ya a fɔ anu nyɔgɔn ye ko, “Wo na, ma ni bulɔku gbesi ka a mintan a kin na!” Anu ya bulɔku-mintannɛ wonu sigi iko mɔgɛ si kuri sigi nya min bɔn sɔ tinɛ. Anu ya kolota borolamɛ bi ka wo ma bulɔku wonu sigi-fan la.

Ko-Dabirɛnu 14:11

Mansa nanɛ wonu tara bui Sɔdɔm anubɛ Kɔmɔra soenu ma ka anuna nɔnfuli anubɛ anuna dɔn-fannu bi anu bolo. Anu tara anu ye.

Ko-Dabirɛnu 14:17

Burama sɛgira tumɛ min ka bɔ Mansa Kɛdolama anubɛ a ta-nyɔgɛ mansɛnu nɔ tinɛ, Sɔdɔm so-tigi-kurɛ tara anu nabɛn tinɛ Safɛ lɛɛ rɔ. (Anu bi lɛɛ wo kelela fanan ko Mansa lɛɛ.)

Ko-Dabirɛnu 14:21

Sɔdɔm so-tigi ya a fɔ Burama ye ko, “Nna mɔgɛnu nasɛgi n ma, nɔnfuli wo ni to ile ye.”

Ko-Dabirɛnu 14:3

So-tigi loli kɛnu bi Mansa Kɛdolama wo kɔrɔ san tan-ni-fila kɔrɔ. A san tan-ni-sawa nyɔgɛ ma, anu murutiyara Mansa Kɛdolama kɛ ma. So-tigi loli kɛnu ya anu kundɛn Sidin lɛɛ rɔ min tɔgɛ fanan Dalɛ Faganɛ.

Ko-Dabirɛnu 19:17

Melika wonu tara anu nabɔ soe kɔma tumɛ min, melika doi ya a fɔ anu ye ko, “Wo ni wo buri yɛlɛla kɔnkɛ kuma alako wo ni kisi. Kɔnɔ wo kana wo yɛ lasɛgi wo kɔma ka mɛ lɛɛ rɔ.”

Ko-Dabirɛnu 19:30

Lɔti anubɛ ala dunmusu filɛ wonu bɔra so-nɛ wo rɔ ka ta anu sigi anu dan na faran la kɔnkɛ kuma kamasɔrɔn anu kilannɛ ka sigi so-nɛ wo rɔ.

Yaburi 83:10

I ya anu nɔ Ɛndɔ soe burɔ. Anu furi tulunta dugi ma nyɔ.

Aiseya 24:18

Min tenbi a burila ko-makilannɛ do kɔrɔ, wo ye tala buila denkɛ rɔ. Min tenbi bɔla denkɛ rɔ, wo ye tala birala gbɛrɛ la. San-kole si a dɛ bɔ bandɛ kɔrɔ, ado dugu-kurukɛ-tinɛ nyɛrɛ si yɛrɛyɛrɛn.

Yɛrɛmaya 48:44

Min tenbi a burila kumakɔɛ bolo, wo ye buila denkɛ rɔ. Ni min bɔra denkɛ rɔ, wo si bira gbɛrɛ la bawo ale Mari ara ban Mohabu kasara-wati latɛgɛla.

Yasowa 8:24

Isirɛla mɔgɛnu ya anu yogenu bɛɛ faga min bi wulɛ rɔ. Wo kɔma, anu sɛgira Eyai ka a toe wonu faga.