Ko-Dabirɛnu 13:8 - ALLALA KUMƐ

⁸ Burama ya a fɔ Lɔti ye ko, “Kɛlɛ-nyɔgɔnyɛ ma bɛn mabɛ ile Lɔti tɛma kamasɔrɔn na-kelen-nyɔgɔma filɛ le mabɛ la.

Ko-Dabirɛnu 13:8 ပူးပေါင်းရင်းမြစ်များ

Ko-Dabirɛnu 13:9

Nba, Lɔti, nyamanɛ kɛ bɛɛ mafɛlɛn. N bi i madiyala, a fisa, ma ni fara. Ni i ya bolo maran waralɛ bi ila kolo-fannu ye, nde si ta bolo nyimɛ rɔ. Ni i ya bolo nyimɛ waralɛ bi, nde si ta bolo maran rɔ.”

Ko-Dabirɛnu 14:14

Burama ya a lamɔɛn tumɛ min ko anu bara a kɔrɔla den-kei Lɔti bira, ala bonna-mɔgɔ kɛmɛ sawa, mɔgɔ tan-ni-segin (318) minnu kusan kɛlɛ kɛla, a ya kɛlɛ-kɛ-fannu don wonu bolo. Wonu tara mansɛ wonu sagaranna ha ka ke Dan soe burɔ.

Ko-Dabirɛnu 45:24

Yusufu ya a na-kelen-nyɔgɛnu masara. A ya a fɔ anu ye ko, “Wo ni a ma wo fɛrɛma. Wo kana kɛlɛ kilɛ la de!”

Ko-Dabirɛnu 46:34

wo ni a fɔ a ye ko ka a bi wo benbanu ma ha ka a sigi kaka la, kolo-fen-makandannɛ le wole la. Woletɔ mansɛ si sɔn wo sigi-koe ma Kosɛn sigisɔn rɔ kamasɔrɔn kolo-fen-makandannɛnu ma di Iyipiti kɛnu ye mumɛ!”

Yaburi 133:1

Allata mɔgɛnu ba sigi anu nyɔgɔn fɛ kan kelen tɔ, wo kin dɔgɔma-ma-de!

Bɔ-Koe-Iyipiti 2:13

Wo banda kɛ, a ya a taran fanan, Hiburu kemini mɔgɔ fila ye kɛlɛla. Min yo sa kumɛ rɔ, a ya a fɔ wo ye ko, “I ye i na-kelen-nyɔgɛ Hiburu kɛ gbesila nfenna?”

Hɛnkilimaya-Kumɛnu 15:1

Kuma-makimani-fɔɛ si mɔgɔ-yisi-bɔnɛ kimɛ kɔnɔ kuma-yogoma-fɔɛ si tɛ tugu mɔgɔ-yisi-bɔnɛ la.

Hɛnkilimaya-Kumɛnu 15:18

Mɔgɛ min yisi lakala, a si a ma, kɛlɛ ni ta yarɔ tiriya kɔnɔ min si a munyu, wo si kɛlɛ-wuyan bɔ a la.

Hɛnkilimaya-Kumɛnu 20:3

Kun-takolɔn si sɔnkɛ tɛgɛ tiriya kɔnɔ ni i ko i ni gbiliyɛ sɔrɔn, fɔ i ni i masɛgi wo ko-sufanu na.

Matiyu 5:9

Mɔgɔ-sewanɛ le wo mɔgɛ la min bi yisi-kimɛ lanala mɔgɛnu tɛma bawo Alla si ale kele ko ata mɔgɛ!

Kɛwɔlɛnu 7:26

Wo banda kɛ, a ya Isirɛla mɔgɔ fila yen kɛlɛla. A ya a raya ka kɛlɛ ban anu tɛma. A ko, ‘N bɔnu, wo ni wo tole masɔ. Na-kelen-nyɔgɛ le wole la. Nfenna wo ye ko-yogomɛ kɛla wo nyɔgɔn na?’

Romu 12:10

Wo ni wo nyɔgɔn keni a kilɛ fɛ iko na kelannu Kirasiti rɔ. Bɛɛ ni anu nyɔgɔn gbiliya ka tenbi a nyɛrɛ la.

Filipai 2:14

Wo tenbi ko-wo-ko kɛla, wo kana a kɛ gbunyɛ rɔ. Wo kana sɔsɔli sa wo nyɔgɔn tɛma.

1 Tɛsalonaika 4:9

Wo ni wo nyɔgɔn keni nya min, wo nyɛrɛ ara wo karan Alla bolo. Hali ma ma kɛdi sɛbɛ ka wo ta-nyɔgɛ dɛnkɛninya-mɔgɛnu keni-koe fɔ wo ye.

Hiburunu 12:14

Wo ni wo raya ka to yisi-kimɛ rɔ mɔgɛ bɛɛ fɛ. Wo ni wo raya ka ma mɔgɔ-sɛninyanɛnu na bawo mɔgɔ-wo-mɔgɔ ti Mari yen sɛninyɛ kɔma.

Hiburunu 13:1

Wo ni to wo nyɔgɔn kenina iko a bɛnta na-kelen-nyɔgɛnu ni anu nyɔgɔn keni nya min Kirasiti rɔ.

1 Pita 1:22

Nba, wo nyɛrɛta sɛninyɛ kɛra tonya-birɛ le fɛ. Keninteya-bɛrɛ ye wo yisi rɔ wo ta-nyɔgɛ dɛnkɛninya-mɔgɛnu ye. Wo ni to wo nyɔgɔn kenina bɛrɛkɛ wo yisi bɛɛ la.

1 Pita 2:17

Wo ni mɔgɛ bɛɛ gbiliya. Wo ni wo ta-nyɔgɛ dɛnkɛninya-mɔgɛnu keni. Wo ni kilan Alla la ka nyamani-tigi gbiliya.

1 Pita 3:8

Ala ban, wo dama miri-nya anubɛ wo kɛ-nya ni ma kelen na. Wo ni wo nyɔgɔn keni iko na-kelen-nyɔgɛnu. Wo ni ko-nyimɛ kɛ ka wo famayigi wo nyɔgɔn ye.

1 Pita 4:8

Min tenbira wo bɛɛ la, wo ni wo nyɔgɔn keni bɛrɛkɛ, bawo keninteyɛ ye hakɛ siyaman yamatogonna.

2 Pita 1:7

Wo ni diyanayɛ sa wota Alla-yala-kilan kuma. Wo ni keninteyɛ sa wola diyanayɛ kuma.

1 Yɔni 4:7

N diyana-mɔgɛnu, ma ni ma nyɔgɔn keni bawo keninteyɛ bɔnɛ Alla le bolo. Keninteyɛ ye min bolo, Allala dan le wo tigi la. A ya Alla lɔn.

Kɛlɛ-Kurugbɛnu 9:26

Ibɛdila den-kei Keyali anubɛ a na-kelen-nyɔgɛnu yirindira Sɛkɛm soe burɔ. Sɛkɛm so-burɔ-mɔgɛnu wulita lala Keyali la.