Ko-Dabirɛnu 13:16 - ALLALA KUMƐ

¹⁶ N si i bɔnsɔn siyaya iko gbangban. Woletɔ ni mɔgɛ si ke gbangban danna, nba, mani i bɔnsɔn si ke danna worɔ.

Ko-Dabirɛnu 13:16 ပူးပေါင်းရင်းမြစ်များ

Ko-Dabirɛnu 15:5

Mari ya a fɔ Burama ye tun ko, “Bɔ luyi ma. I ni lolenu mafɛlɛn san-kole ma. Anu siya nya min, i bɔnsɔn ye siyayala wo nya na le.”

Ko-Dabirɛnu 16:10

Melika wo ya Hega yili-madiya ko, “I sibole si siyaya ha a dan ti ban lɔnna.

Ko-Dabirɛnu 17:16

Nta duwɛ si to a kuma. A si den-kei sɔrɔn i ye. A si ma bɔnsɔn siyaman na la. Mansɛnu si bɔ a bɔnsɔn rɔ.”

Ko-Dabirɛnu 17:2

N si nta lanyiri kiri mabɛ ile tɛma ka i bɔnsɔn siyaya bɛrɛkɛ!”

Ko-Dabirɛnu 17:6

ado nde le ye a mala, i bɔnsɔnnu ni siyaya. N si sibolenu bɔ i bɔnsɔn wonu tɔ. Sibolenu anubɛ mansɛnu si bɔ i bɔnsɔn rɔ.

Ko-Dabirɛnu 18:18

kamasɔrɔn Iburayima bɔnsɔn si sɛnbɛ sɔrɔn. Duninya-mɔgɛ bɛɛ si duwɛ sɔrɔn ale fɛ.

Ko-Dabirɛnu 21:13

N si yɔɔn-musi wola dan bɔnsɔn fanan nasiyaya bawo ile Iburayimala dan le ale la fanan.”

Ko-Dabirɛnu 22:17

ko nta duwɛ si to yigila i kuma serr! N si i bɔnsɔn lasiyaya iko lolenu anubɛ ba-kɛnkɛn siyayanɛ nya min. I bɔnsɔn-mɔgɛnu si anu kɛlɛ-nyɔgɛnu nɔ.

Ko-Dabirɛnu 28:14

I bɔnsɔn si siyaya iko dugi kɛ gbangban ye nya min. I bɔnsɔn si siyaya fanan ka taran duninya-tonko-nanɛ bɛɛ rɔ. Duninya-mɔgɛnu si duwɛ sɔrɔn i bɔnsɔn fɛ.

Ko-Dabirɛnu 28:3

Alamɛ Alla Sɛnbɛ-Bɛɛ-Tigita duwɛ tora i kuma alako i ni yiri boi! Alamɛ i mara bɔnsɔn-kunyɛ la.

Ko-Dabirɛnu 32:12

Kɔnɔ i ya a fɔ ko i si ko-nyimɛ kɛ n ye serr, ka n bɔnsɔn siyaya iko ba-kɛnkɛn ye nya min.”

Ko-Dabirɛnu 32:13

Wo banda kɛ, nɔnfuli minnu bi Yakoba bolo, a ya a kɔrɔ Isɔ sanba wonu tɔ. A ya baa-musu kɛmɛ fila bi anubɛ baa-kɔrɔn mogan. Wo kɔma, a ya saga-musu kɛmɛ fila bi anubɛ saga-yigi mogan. Wo kɔma fanan, a ya ninki-musu bi-nani bi anubɛ tura tan. Wo kɔma fanan, a ya sofɛli-musuma mogan bi anubɛ a keima tan. A laban, a ya nyomɛ bi-sawa bi minnuna dannu bi anu fɛ. A ya wonu bɔ a rɔ ka wonu ma a kɔrɔ Isɔ sanbɛ la.

Ko-Dabirɛnu 35:11

Alla ya a fɔ a ye tun ko, “Alla Sɛnbɛ-Bɛɛ-Tigi le nde la. I ni yiri ka siyaya. Bɔnsɔn siyaman si bɔ ile rɔ. Mansɛnu si bɔ i bɔnsɔn wonu tɔ.

Ko-Dabirɛnu 46:3

Alla ko, “Alla le nde la, i fata Alla, kɔni. I kana kilan ka ta Iyipiti nyamanɛ rɔ kamasɔrɔn n si i bɔnsɔn lasiyaya nyɔ.

1 Mansɛnu 3:8

Nba, i wara n sigi ila mɔgɔ-yabɔnɛnu kun na, ado wonu siya ha ka a dan-natenbi.

1 Mansɛnu 4:20

Kɛ wati rɔ, Yuda nyamanita-mɔgɛnu anubɛ Isirɛla nyamanita-mɔgɛnu siya iko ba-kɛnkɛn. Anu sewanɛ bɛrɛkɛ! Anu bi fen-dɔn anubɛ tolɔn kun na.

2 Mansɛnu 13:23

Kɔnɔ hinɛ anubɛ kinikinɛ ye Mari rɔ. A ma sɔn Isirɛla mɔgɛnu nato-koe ma. A ya anu dɛnbɛ bawo a ara sarama-kan kiri Iburayima anubɛ ala den Isiyaka anubɛ wola den Yakoba ye nun, ado ha kaka, a ma nyina ala mɔgɛnu ko.

1 Ko-Kɔrɔta-Karan 21:5

Mɔgɛ min nyɔgɔn yirika si ke kɛlɛ kɛla nyamanɛ rɔ, Yohabu ya wo yatɛ fɔ Mansa Dawuda ye. A ko mɔgɔ miliyɔn kelen, mɔgɔ waga kɛmɛ (1,100,000), wo le Isirɛla nyamanɛ rɔ. Mɔgɔ waga kɛmɛ nani, mɔgɔ waga bi-wɔrɔnfila (470,000), wo le Yuda nyamanɛ rɔ.

1 Ko-Kɔrɔta-Karan 27:23

Minnu sɔrɔn ma ke wɛ san mogan rɔ, Mansa Dawuda ma wonu dan bawo Mari ara lanyiri kiri ko Isirɛla mɔgɛnu si siyaya iko lolenu.

2 Ko-Kɔrɔta-Karan 1:9

E, Mari Alla, i ya lanyiri min kiri n fa ye nun, alamɛ wo kanbalita. I wara n ma mansɛ la mɔgɛ minnu kuma, wonu siya ha n ma anu dan-natɛgɛ lɔn.

Yobu 5:25

I si yiri bui! Ila dannu si siyaya iko binyɛ!

Bɔ-Koe-Iyipiti 32:13

I miri ila wɔli-kɛlɛnu ma, Iburayima wo, Isiyaka wo, anubɛ Yakoba. I ma lanyiri kiri anu ye nun ko i si anu bɔnsɔn siyaya iko sanma-lolenu? I ma lanyiri kiri anu ye nun ko i si lanyiri-nyamanɛ wo di anu ma ka nyamanɛ wo ma anu halalɛ la?”

Yɛrɛmaya 33:22

A ko a si Mansa Dawuda bɔnsɔn anubɛ Lifayi bɔnsɔnnu nasiyaya duk! Ni mɔgɛ si ke lole anubɛ kɛnkɛn danna, nba mani, mɔgɛ si ke anu bɔnsɔnnu danna.

Yilan-Yilan Koe 23:10

Mɔgɛ ti ke kɛnu danna. Anu siya iko gbangban. Alamɛ nna ban mara iko Isirɛla mɔgɛ kɛnu. N ba faga wati min, alamɛ n mara iko mɔgɔ-telennɛ kɛnu!”

Hiburunu 11:12

Hali a ra ma gbɛlɛ nun kɔnɔ bɔnsɔn siyaman bɔra ale kei kelan wo le tɔ. A bɔnsɔn siya iko lolenu siya nya min. Anu siya iko kɔgɔ-yi-kɛnkɛn siya nya min mɔgɛ ti ke min dan lɔnna.

Lankɛnimayɛ 7:9

Wo kɔma, n ya nyama-wɛ yen, mɔgɔ ti ke minnu yatɛ lɔnna mumɛ! Anu bɔnɛ mɔgɔ-su bɛɛ anubɛ sibole bɛɛ rɔ anubɛ bɔnsɔn bɛɛ rɔ iko anu kan faranɛ nya min. Anu sɔra mansaya-sigi-fan anubɛ saga-dan yakɔrɔ. Duruku-yan-gbɛ ye anu kan na. Tin-yanbɛnu biranɛ anu bolo tɔ.

Kɛlɛ-Kurugbɛnu 6:3

Isirɛla mɔgɛnu ba ta sɛni sa tinɛ kan-bo-kan, Midiyan anubɛ Amalɛki kɛnu anubɛ sibolo-gbɛrɛ donu si bɔ tele-bɔɛ wara la ka ta anu kɛlɛ nyɔ.

Kɛlɛ-Kurugbɛnu 6:5

Anu bi nala anuna kolo-fen siyamɛnu na anubɛ anuna fani-bɔnnu iko kondɔnnu ka Isirɛla nyamanɛ rakolonya.