Ko-Dabirɛnu 13:15 - ALLALA KUMƐ

¹⁵ I ye nyamanɛ min bɛɛsi yenna kɛ la, n si wo di wobɛ i bɔnsɔn ma habadan!

Ko-Dabirɛnu 13:15 ပူးပေါင်းရင်းမြစ်များ

Ko-Dabirɛnu 12:7

Mari bɔra gbɛ rɔ Burama ye, a ko, “N bi nyamanɛ min dila i sibolenu ma, wo le kɛ la.” Woletɔ Burama ya saraka-mintan-tinɛ sɔ Mari ye nyɔ.

Ko-Dabirɛnu 13:17

I lasɔ ka nyamanɛ kɛ tonko nanɛ bɛɛ ratagama kamasɔrɔn n bi nala a dila i ma.”

Ko-Dabirɛnu 15:18

Tamasere le wo la Mari ya lanyiri min kiri anubɛ Burama tɛma tele wo nyɛrɛ rɔ ko, “N bara nyamanɛ kɛ di i bɔnsɔn ma. Kenanuna nyamanɛ anubɛ Kɛnasinuna nyamanɛ anubɛ Kadimɔnanuna nyamanɛ anubɛ Hɛtinuna nyamanɛ, anubɛ Perasanuna nyamanɛ anubɛ mɔgɔ-layan-bɛnuta nyamanɛ anubɛ Amoranuna nyamanɛ anubɛ Kenannuna nyamanɛ anubɛ Kagasanuna nyamanɛ anubɛ Yebusinuna nyamanɛ, ka a dabira Iyipiti bɛ ma ha ka ta ke Yufereti bɛ ma, n si wo bɛɛsi latenbi ile bɔnsɔnnu ma.”

Ko-Dabirɛnu 15:7

Mari ya a fɔ a ye tun ko, “Ita Mari le nde la min nara i la ka bɔ Yuri soe burɔ Babilɔn nyamanɛ rɔ alako ka nyamanɛ kɛ ma itɛ la.”

Ko-Dabirɛnu 18:18

kamasɔrɔn Iburayima bɔnsɔn si sɛnbɛ sɔrɔn. Duninya-mɔgɛ bɛɛ si duwɛ sɔrɔn ale fɛ.

Ko-Dabirɛnu 24:7

San-Kole-Mari-Alla min ya n nabɔ n fala bɔn la ka n nabɔ n sɔrɔn-nyamanɛ rɔ fanan, wo le ya lanyiri kɛ kiri n ye gben, ko a si nyamanɛ kɛ di n bɔnsɔn ma. Alla si ata melika sɔ i yarɔ alako i si musi sɔrɔn nna dan ye nyɔ nya min.

Ko-Dabirɛnu 28:13

Yakoba ya Mari sɔnɛ yen a tɔnkɔn rɔ. Mari ya a fɔ ale Yakoba ye ko, “I fa anubɛ i benba Iburayimata Mari Alla le nde la. I sanɛ dugi min kuma kɛ la, n si wo di wobɛ i bɔnsɔn ma.

Ko-Dabirɛnu 28:14

I bɔnsɔn si siyaya iko dugi kɛ gbangban ye nya min. I bɔnsɔn si siyaya fanan ka taran duninya-tonko-nanɛ bɛɛ rɔ. Duninya-mɔgɛnu si duwɛ sɔrɔn i bɔnsɔn fɛ.

Ko-Dabirɛnu 28:4

Alamɛ ma fa Iburayimata duwɛ tora wobɛ i bɔnsɔnnu ye. Alla ya lanyiri kiri i benba Iburayima ye nyamanɛ kɛ minna ko la, alamɛ wo mara iletɛ la.”

Ko-Dabirɛnu 35:12

N ya lanyiri kiri nyamanɛ minna ko la i benba Iburayima anubɛ i fa Isiyaka ye, n si wo di ile anubɛ i kegeyɛnu ma.”

Ko-Dabirɛnu 48:4

A ya a fɔ n ye ko a si a ma, n ni sabati ka n bɔnsɔn lasiyaya ka Kenan nyamanɛ wo ma mabɛ n bɔnsɔntɛ la habadan!”

Ko-Dabirɛnu 50:24

Yusufu ya a fɔ a na-kelen-nyɔgɛnu ye ko, “Nde fagamatoe le kɛ la. Alla si wo kandan yati, ka wo bɔ yan ka ta wo la lanyiri-nyamanɛ rɔ iko a ya lanyiri kiri ma benba-benbɛ Iburayima anubɛ ma benba Isiyaka anubɛ ma fa Yakoba ye minna ko la.

1 Ko-Kɔrɔta-Karan 16:18

A ko a si Kenan nyamanɛ kɛ di ma ma. A ko nyɔ si ma matɛ la habadan!

2 Ko-Kɔrɔta-Karan 20:7

Mata Alla le ile la. I ya ila Isirɛla mɔgɛnu nana nyamanɛ kɛ rɔ tumɛ min, yanni ma ni na mɔgɛ minnu bi yan nun, i wara anu gben ma yarɔ nun, ado i ya Isirɛla nyamanɛ kɛ di i diyana-mɔgɛ Iburayima bɔnsɔn ma ka ma anu halala-nyamanɛ la burubukai!

Yaburi 37:22

Minnu bi Marita duwɛ sɔrɔnna, wonu denu halalɛ ye mala nyamanɛ wo la. Kɔnɔ minnu bi ata dankɛ kɔrɔ, wonu bara-koe si firan nyɔ feu!

Yaburi 37:29

Nyamanɛ wo si ma mɔgɔ-telennɛnu halalɛ la tɛban! Anu si to sigini nyɔ habadan!

Bɔ-Koe-Iyipiti 32:13

I miri ila wɔli-kɛlɛnu ma, Iburayima wo, Isiyaka wo, anubɛ Yakoba. I ma lanyiri kiri anu ye nun ko i si anu bɔnsɔn siyaya iko sanma-lolenu? I ma lanyiri kiri anu ye nun ko i si lanyiri-nyamanɛ wo di anu ma ka nyamanɛ wo ma anu halalɛ la?”

Bɔ-Koe-Iyipiti 33:1

Mari ya a fɔ Musa ye ko, “I nara mɔgɛ minnu na ka bɔ Iyipiti nyamanɛ rɔ, anu bi. N ya wo benbanu yili-madiya lanyiri-nyamanɛ minna ko la, Iburayima anubɛ Isiyaka anubɛ Yakoba, kɔni, wo ni wo bɔ yan ka ta nyɔ rɔ.

Aiseya 63:18

Ila Bato-Bɔn taranta ma bolo wati-kundu-ni kɔrɔ. Kɔnɔ ma yogenu bara anu kian sɔ kan-tina-sɛnimɛ wo rɔ.

Matiyu 5:5

Mɔgɔ-sewanɛ le wo mɔgɛ la min famayiginɛ Alla ye bawo Alla si duninya bɛɛ ma atɛ la!

Kɛwɔlɛnu 7:5

Alla ma dugu-wo-dugu di Iburayima ma nyamanɛ kɛ rɔ, hali a sɔnɛ kan tinɛ min tɔ kɔnɔ Alla ya a yili-madiya ko nyɔ si ma anubɛ a bɔnsɔntɛ la a kɔma, ado Alla ye lanyiri kɛ kirila Iburayima ye tumɛ min, den-wo-den sa a bolo nun.

Tɔn-Fɔɛ-Fila-Nyɔgɛ 34:4

Mari ya a fɔ Musa ye nyɔ ko, “N ya nyamanɛ kɛ le lanyiri kiri Iburayima, Isiyaka anubɛ Yakoba ye ko n si a di anu kegeyɛnu ma. N bara sɔn ko ile ni nyamanɛ kɛ yen kɔnɔ nde, Mari ma nyɔ-ta-fɛrɛ di ile Musa ma.”

Tɔn-Fɔɛ-Fila-Nyɔgɛ 9:5

Iko n ya a fɔ nya min, Mari ye nala nyamanɛ kɛ dila wo ma. A ma wo ma bawo wo mɔgɔ-nyimɛ le wo la, ado wo telenta. Wo ma de! Kɔnɔ a ya wo ma bawo Kenan mɔgɛnu wunduyogo, ado fanan, Mari Alla ya ata lanyiri min kiri wo benba Iburayima, Isiyaka anubɛ Yakoba ye, a ye wo kanbali-koe rɔ.