Ko-Dabirɛnu 13:13 - ALLALA KUMƐ

¹³ Sɔdɔm kɛ wonu yogo dɔgɔma-ma-de, ado anu bi hakɛ kɛla Mari la kati!

Ko-Dabirɛnu 13:13 ပူးပေါင်းရင်းမြစ်များ

Ko-Dabirɛnu 10:9

A mara donso-nyana la Mari baraka rɔ. Woletɔ mɔgɛnu si duwa donsenu ye ko, “Alamɛ i mara donso-nyana la iko Nimirɔdi.”

Ko-Dabirɛnu 15:16

Kɔnɔ i bɔnsɔn minnu bi donna yɔɔnyɛ rɔ, wonu bɔnsɔn nani nyɔgɛ wonu denu bi sɛgila nyamanɛ kɛ rɔ yan. Kɔnɔ anu ti don yan fɔ Amoranuna hakɛ da wa fa. Wo kɔma, n si anu gben.”

Ko-Dabirɛnu 18:20

Wo kɔma, Mari ya a fɔ Iburayima ye ko, “Mɔgɛnu bi kuma-yogomɛ min fɔla Sɔdɔm anubɛ Kɔmɔra soenuna ko la, wo ara n tɔrɔ, ado anu sɔn yogo ha ka a dan-natenbi.

Ko-Dabirɛnu 19:13

kamasɔrɔn ma si Sɔdɔm soe kɛ halaki bawo anuna ko-yogomɛ ara wara Mari yala. Mari ya ma sɔ alako ma ni na soe kɛ lato dogbe!”

Ko-Dabirɛnu 38:7

Kɔnɔ Ɛra wota wunduyogoyɛ ya a ma, Mari ya a faga.

Ko-Dabirɛnu 39:9

Ila kei ara a ma, ma ra ara kɛnya bɔn kɛ la. A ma fenfen namara a nyɛrɛ ye, fɔ ile. Nde si nfen ko-yogomɛ ma n tigi wola musi la? Ni nde ya wo ma, n bara bila Alla la.”

2 Mansɛnu 21:6

A ya ala den-kei ma saraka-mintantɛ la, ado a bolo-tafɛlɛn wo, a duruya wo, a yi-kɔrɔ-fɛlɛn wo, a ya wo dama ma. Hali nyina-kɔlɛnu, a tara ke wonu fanan ma. A ya hakɛ min kɛ Mari la, wo da rakoloyara. Wo le ya a ma, Mari fonde bɔra a kuma.

Aiseya 1:9

Ni Mari Sɛnbɛ-Bɛɛ-Tigi ma mɔgɛ donu to anu kɛndɛ la nun, fɔ Yerusalɛm soe wa kasara nun pɔ! A ni ma iko Sɔdɔm anubɛ Kɔmɔra soenu mara nya min nun.

Yɛrɛmaya 23:14

Kɔnɔ nɛbi minnu bi Yerusalɛm, wonuna sɔn-yogoyɛ tenbira Samariya kɛnutɛ la. Anu sa fenfen kun na fɔ yɛlɛnyɛ anubɛ foninya-fɔɛ. Anu sa fenfen kun na fɔ ka mɔgɛnu nadon ko-yogoma-kɛ rɔ. Mɔgɔ-wo-mɔgɔ sa nyɔ min si a fara ko-yogoma-kɛ la. Mari ko anu yogo a yala iko mɔgɛ minnu siginɛ Sɔdɔm anubɛ Kɔmɔra soenu burɔ nun.

Yɛrɛmaya 23:24

Mɔgɔ ti a dogon kan-bo-kan, Mari ti a yen kan min. I tara san ma, i si a taran nyɔ. I tora dugu ma, i si a taran yan.

Yilan-Yilan Koe 32:23

N bi wo makawandila, ni wo ya lanyiri kɛ tinya, wo ara hakɛ kɛ Mari la worɔ. Wo la a la serr, ko wo hakɛ-yulumu si wo bira gben!

Matiyu 9:10

Yisa ye fen-dɔn la Matiyula bɔn la tumɛ min, duti-makelelɛ siyaman anubɛ hakɛ-tigi siyaman nara ka sigi ale anubɛ ala karan-dannu fɛ nyɔ.

Matiyu 9:13

Wo ta kumɛ kɛ kɔrɛ nyini Allata kitabu rɔ ko, ‘A sa nyinina saraka-soge ma ma bolo fɔ kinikinɛ,’ bawo n ma na mɔgɔ-telennɛnu kele tinɛ fɔ hakɛ-tiginu alako wonu ni bila n fɛ.”

Yɔni 9:24

Kei min sɔrɔnta fiyonyɛ rɔ, anu ya wo kele tun ka a fɔ a ye ko, “Tonyɛ fɔ ma ye wobɛ Alla tɛma! Hakɛ-tigi le kei wo la. Ma ya wo lɔn feu!”

Yɔni 9:31

Ma ya a lɔn ko Alla ti a wɔlɔ matɔlɔ hakɛ-tigi-kan la. Kɔnɔ a si a wɔlɔ matɔlɔ wo mɔgɛnu kan la minnu bi a gbiliyala ka a diyana-koenu kɛ.

Romu 1:27

Keinu fanan bi wo nya na le. Anu ya anuna musinu to nyɔ ka to anu sala anu nyɔgɔn fɛ, ado anu bi kisimiriya-koenu mala anu nyɔgɔn na. Anu ya wo sarɛ sɔrɔn iko anu sɔn ye nya min.

Hiburunu 4:13

Dali-fan fenfen ti dogon Alla ma. Bɛɛ ye gbɛ rɔ a yala. A ya-makanɛ sanɛ, a kolan ye a la, ado a fɛrɛ sa fɔ ma dama ni ma dantɛgɛ Alla ye.

2 Pita 2:10

Ado minnu bi tagamana anu fɛrɛ-bɔnku-nata fɛ, hali ka Allala mansayɛ lafɛya, a si a lagbɛlɛya wonu kuma. Foninya-karan-mɔgɛ wonu wasira. Anu si anu nyɛrɛ kɔrɔbi kati! Melika-gbiliyanɛ minnu bi san ma, anu ti wonu gbiliya mumɛ, fɔ ka to wonu mɔɛnna.

Yude 1:7

Wo ni wo hɛnkili to Sɔdɔm anubɛ Kɔmɔra anubɛ anu dafɛ-soenu ko. Nyɔ-mɔgɛnu ya a ma iko melikanu ya a ma nya min. Anu ya yɛlɛnya-su kɛ min ma daga mumɛ! Anu bi tɔrɔla habadan-tɛ le tɔ alako anu ni ma misali-bɛrɛ la mɔgɛ bɛɛ ye.

1 Samuwɛli 15:18

ado a ya a fɔ i ye ko i ni Amalɛki karagbɛlɛnu kasara. A ya a fɔ i ye ko i ni anu kɛlɛ furr, ha i ni anu nato dogbe!

1 Samuwɛli 2:17

Ilayita den-keminɛ kɛnuta hakɛ wo ma di Mari ye mumɛ bawo anu bi Mari lafɛyala a kɔ tinɛ.