Ko-Dabirɛnu 13:12 - ALLALA KUMƐ

¹² Burama tora siginɛ Kenan nyamanɛ rɔ. Lɔti anubɛ ala denbayɛnu ya anu daga makɛ soe minnu sɔnɛ Yorodan bɛ dafɛ. Ale nyɛrɛ ya ala fani-bɔn sɔ Sɔdɔm soe dafɛ.

Ko-Dabirɛnu 13:12 ပူးပေါင်းရင်းမြစ်များ

Ko-Dabirɛnu 13:11

Woletɔ Lɔti ya Yorodan-ba-lɛɛ waralɛ wo bi a nyɛrɛ ye. Anubɛ Burama bɔra anu nyɔgɔn fɛ. Lɔti anubɛ ala kolo-fannu tara tele-bɔɛ wara la.

Ko-Dabirɛnu 14:12

Anu ya Burama kɔrɔla den Lɔti bira anubɛ a bolo-fannu ka ta anu na bawo ale fanan siginɛ Sɔdɔm soe burɔ.

Ko-Dabirɛnu 14:2

Anu bi so loli minnu kɛlɛla Dalɛ Faganɛ dafɛ wonu tɔgɛ le kɛnu na, Sɔdɔm soe wo, Kɔmɔra soe wo, Adima soe wo, Sebom soe wo, anubɛ Bela soe min tɔgɛ fanan Sowa. Sɔdɔm so-tigi-tɔgɛ le Bera. Kɔmɔra so-tigi-tɔgɛ le Birisa. Adima so-tigi-tɔgɛ le Sinabu. Sebom so-tigi-tɔgɛ le Sɛmɛbɛri.

Ko-Dabirɛnu 19:1

Melika filɛ wonu ke Sɔdɔm soe burɔ wurala-tumɛ le la, anu ya Lɔti siginɛ taran Sɔdɔm tarɛ dɛ la. Lɔti ya anu yen tumɛ min, a ya a lasɔ ka anu nabɛn. A ya a laburun a ma dugi ma anu kɔrɔ.

Ko-Dabirɛnu 19:24

Mari ya munku-gbɛ anubɛ tɛ layigi iko bandɛ ka bɔ san-kole rɔ Sɔdɔm anubɛ Kɔmɔra kuma.

Ko-Dabirɛnu 19:25

A ya soe wonubɛ a mɔgɛnu anubɛ anuna ki-fannu anubɛ anuna ba-lɛɛ damasi mintan gburr!

Ko-Dabirɛnu 19:29

Soe minnu bi ba-lɛɛ rɔ Lɔti ye kan min, Alla ye wonu halakila tumɛ min, a ya a miri Iburayima ma ka Lɔti kisi.

Yaburi 26:5

N sa a fɛ, n ni taran karagbɛlɛnu kurun tɔ. N ti bila wunduyogenu kurun tɔ.

1 Kɔrɛnti 15:33

Wo kana sɔn ko mɔgɛnu ni wo yanfa. “Wo bɔ-yogomɛnu si wola kɛ-nya-nyimɛnu tinya.”