Ko-Dabirɛnu 13:1 - ALLALA KUMƐ

¹ Burama anubɛ ala musi bɔra Iyipiti anu bolo-fan bɛɛsi la anu bolo. Anu sɛgira Kenan nyamanɛ rɔ dugula wara la. Lɔti bilanɛ anu fɛ.

Ko-Dabirɛnu 13:1 ပူးပေါင်းရင်းမြစ်များ

Ko-Dabirɛnu 20:1

Iburayima bɔra ala dagɛ rɔ Mamireta kɔlɔmanu kɔrɔ ka ta tagama rɔ Kenan nyamanɛ wo dugula wara la. A tara a sigi Kɛdɛsi soe anubɛ Sura wulɛ tɛma. Wo kɔma, a ya wati do kɛ Kirari soe burɔ.

Ko-Dabirɛnu 21:33

Iburayima ya kɔlɔma-nɛ do ki Biri-Siba dafɛ ka habadan-Mari-Alla bato nyɔ.

2 Samuwɛli 24:7

Wo kɔma, anu bɔra nyɔ ka ta Taya soe burɔ, tarɛ mininɛ min ma dugula wara la. Wo kɔma, anu bɔra nyɔ ka ta soe wonu burɔ minnu bi Hefanu anubɛ Kenannu bolo nun. Anu tara a laban Biri-Siba soe ma min bi Yuda nyamanɛ dugula wara la.

Yilan-Yilan Koe 13:17

Musa ya anu nata Kenan nyamanɛ mafɛlɛn tinɛ. A ya a fɔ anu ye ko, “Wo ta Kenan nyamanɛ mafɛlɛn ka a fɔlɔ yan ma. Wo ni wo telen Kenan dugula wara la. Wo wa bɔ nyɔ, wo ni ta kantɔ-wara la kɔnkɛnu siya kan min.

Yasowa 10:40

Yasowa anubɛ ala kɛlɛ-dannu ya sɛnbɛ sɔrɔn nyamanɛ wo kuma anubɛ a mansɛ minnu bi kɔnkɔ-nyamanɛ rɔ anubɛ minnu bi dugula wara la. Ka a dabira Kɛdɛsi-Baniya soe dugu la ha ka ta ke Kesa soe ma kɔgɔ-yi dafɛ anubɛ Kosɛn nyamanɛ bɛɛ ma ha ka ke Kibiyon soe ma, anu ya nyamanɛ wo bɛɛ halaki iko Isirɛlata Mari Alla ya a fɔ anu ye nya min.

1 Samuwɛli 27:10

Mansa Akisi si a manyinika ko, “I tara kɛlɛ kɛ mintɔ wara la nun kɛ rɔ?” Lunyɛ do, Dawuda si a fɔ a ye ko, “N tara kɛlɛ kɛ Yuda nyamanɛ dugula wara la le.” Lunyɛ do, a si a fɔ fanan ko, “N tara i yoge Yɛramɛlinu kɛlɛ tinɛ le.” Lunyɛ do fanan, a si a fɔ ko, “N tara i yoge Kenanu kɛlɛ tinɛ.”