Ko-Dabirɛnu 12:4 - ALLALA KUMƐ

^4-5 Woletɔ Burama wulita ka ta iko Mari ya a fɔ a ye nya min. Burama ye bɔla Hɛran soe burɔ tumɛ min, a sɔrɔn ara san bi-wɔrɔnfila ani san loli (75) le bɔ. Burama ya ala musi Sirayi bi anubɛ ala yɔɔnnu anubɛ anu bolo-fan damasi. A kɔrɔla dan Lɔti tara anu fɛ. Anu wulita ka ta Kenan nyamanɛ rɔ. Anu ke Kenan nyamanɛ rɔ,

Ko-Dabirɛnu 12:4 ပူးပေါင်းရင်းမြစ်များ

Ko-Dabirɛnu 11:27

Tɛra bɔnsɔn le kɛnu na. Tɛra ya Burama anubɛ Nehori anubɛ Hɛran sɔrɔn. Hɛran wo ya Lɔti sɔrɔn.

Ko-Dabirɛnu 11:31

Tɛra ya ala dan Burama anubɛ wola musi Sirayi bi. A ya a mamanɛ, Hɛranna dan Lɔti fanan bi. Anu wulita Yuri soe burɔ Babilɔn nyamanɛ rɔ ka Kenan nyamanita-kilɛ bira. Kɔnɔ anu kera Hɛran soe burɔ tumɛ min, anu ya anu daga makɛ nyɔ.

Ko-Dabirɛnu 13:5

Burama kɔrɔla dan Lɔti min bilara a fɛ nun, kolo-fen siyaman bi wo fanan bolo. Denbaya-tigi le Lɔti la, ado yɔɔnnu bi a bolo fanan.

Ko-Dabirɛnu 25:7

Iburayima sɔrɔn ya san kɛmɛ san bi-wɔrɔnfila ani san loli (175) bɔ, a nara to so-sɛgi-kɛla.

Ko-Dabirɛnu 28:10

Yakoba bɔra Biri-Siba soe burɔ ka Hɛran-so-kilɛ bira.

Kɛwɔlɛnu 7:4

Woletɔ a bɔra Kalidiya nyamanɛ rɔ ka ta a sigi Hɛran soe burɔ. A fa fagara tumɛ min, Alla ya a lana nyamanɛ kɛ rɔ, wo siginɛ kan min kaka.

Hiburunu 11:8

Dɛnkɛninyɛ le fɛ, Iburayima ya Allata kumɛ bira ka ta nyamani-gbɛrɛ rɔ, Alla ya lanyiri kiri minna ko la ko a si wo di a ma. A yirindira ka bɔ a nyɛrɛta nyamanɛ rɔ, hali a ma a lɔn a ye tala kan min.

Hiburunu 6:15

Iburayima ya a munyu lanyiri wo kɔrɔ. Woletɔ Alla ya lanyiri min kiri, a ya wo sɔrɔn.