Ko-Dabirɛnu 12:2 - ALLALA KUMƐ

² N si i sibole lasiyaya ka wonu bɔnsɔn fanan nasiyaya. N si nta duwɛ layigi i kuma ka i ma tɔgɔ-tigi-wɛ anubɛ duwa-tigi la.

Ko-Dabirɛnu 12:2 ပူးပေါင်းရင်းမြစ်များ

Ko-Dabirɛnu 13:16

N si i bɔnsɔn siyaya iko gbangban. Woletɔ ni mɔgɛ si ke gbangban danna, nba, mani i bɔnsɔn si ke danna worɔ.

Ko-Dabirɛnu 15:5

Mari ya a fɔ Burama ye tun ko, “Bɔ luyi ma. I ni lolenu mafɛlɛn san-kole ma. Anu siya nya min, i bɔnsɔn ye siyayala wo nya na le.”

Ko-Dabirɛnu 18:18

kamasɔrɔn Iburayima bɔnsɔn si sɛnbɛ sɔrɔn. Duninya-mɔgɛ bɛɛ si duwɛ sɔrɔn ale fɛ.

Ko-Dabirɛnu 18:19

N bara Iburayima ma nta mɔgɔ-yabɔnɛ la woletɔ a si ala dannu anubɛ a bɔnsɔn-mɔgɛnu karan n bara-koe ma alako anu ni ko-latelennɛ kɛ ka nna kumɛnu bira. Ni anu ya wo ma, n bara nta lanyiri min kiri Iburayima ye, n si wo latɔnbagaya.”

Ko-Dabirɛnu 19:29

Soe minnu bi ba-lɛɛ rɔ Lɔti ye kan min, Alla ye wonu halakila tumɛ min, a ya a miri Iburayima ma ka Lɔti kisi.

Ko-Dabirɛnu 24:1

Mari tora ata duwɛ yigila Iburayima kuma koe bɛɛ rɔ ha a kɔrɔyara kɔbɔkɔbɔ!

Ko-Dabirɛnu 24:35

Mari ara ata duwɛ layigi n tigi kuma kati! Alla ara a ma mɔgɔ-ba la ka nɔnfuli anubɛ yɔɔnnu anubɛ sofɛlɛnu anubɛ nyomɛnu anubɛ kolo-fen-siyaman di a ma.

Ko-Dabirɛnu 25:11

Iburayima fagara tumɛ min, Alla tora ata duwɛ layigila ala dan Isiyaka kuma. Isiyaka sigira kɔlɔn wo dafɛ Hega ya min kele nun ko, “Alla Min Kolonkɛ Ye N Na, Wota Kɔlɔn.”

Ko-Dabirɛnu 26:3

To nyamanɛ kɛ rɔ bɛ min na fɔlɔn. N si to i fɛ ka nta duwɛ layigi i kuma. N si nyamanɛ kɛ bɛɛsi di wobɛ i bɔnsɔn ma. N si i bɔnsɔn lasiyaya iko san-kole lolenu ka nyamanɛ kɛ di anu ma. Duninya-mɔgɛ bɛɛ si duwɛ sɔrɔn i bɔnsɔn kɛnu fɛ kamasɔrɔn Iburayima ya n kuman-kan kɛnu namɔɛn ka nta tɔnnu bira. N ya lanyiri minnu kiri mabɛ i fa Iburayima tɛma nun, n si wonu ma.”

Ko-Dabirɛnu 27:29

Alamɛ bɔnsɔn siyaman wɔlita i ye. Mɔgɛnu ni anu famayigi i kɔrɔ. Alamɛ i mara kun-tigi la i na-kelen-nyɔgɛnu kuma. Anu ni anu famayigi i kɔrɔ. Ni min ya i danka, wo si dankɛ sɔrɔn. Ni min duwara i ye, wo si duwɛ sɔrɔn.”

Ko-Dabirɛnu 28:14

I bɔnsɔn si siyaya iko dugi kɛ gbangban ye nya min. I bɔnsɔn si siyaya fanan ka taran duninya-tonko-nanɛ bɛɛ rɔ. Duninya-mɔgɛnu si duwɛ sɔrɔn i bɔnsɔn fɛ.

Ko-Dabirɛnu 35:11

Alla ya a fɔ a ye tun ko, “Alla Sɛnbɛ-Bɛɛ-Tigi le nde la. I ni yiri ka siyaya. Bɔnsɔn siyaman si bɔ ile rɔ. Mansɛnu si bɔ i bɔnsɔn wonu tɔ.

Ko-Dabirɛnu 46:3

Alla ko, “Alla le nde la, i fata Alla, kɔni. I kana kilan ka ta Iyipiti nyamanɛ rɔ kamasɔrɔn n si i bɔnsɔn lasiyaya nyɔ.

2 Samuwɛli 7:9

A tara kan-bo-kan, n bi a fɛ, ado a tara kan-tinɛ min bɛɛsi rɔ, n ya a yogenu nɔ a yarɔ. N si a ma, ala mansayɛ mankan ma ni yɛlɛ duninya rɔ iko tɔgɔlama-wɛ minnu bi duninya rɔ.

1 Mansɛnu 1:47

ado min sanɛ wo kuma, mansɛla mɔgɔ-banu tara ka duwa Mansa Dawuda ye ko Silamɛni ni tɔgɔ sɔrɔn ka tenbi atɛ la. Ala mansayɛ ni koloya atɛ ko. Wo kɔma, mansɛ ya a madu ala sa-fan rɔ ka baraka bira Alla ye.

Yobu 35:8

I hakɛ ye i hadama-den-nyɔgɛnu denu tɔrɔla dɔrɔn. I ya ko-nyima wo ko-nyima ma, wo tɔnɛ si to wonu denu ye.

Yaburi 107:38

Allata duwɛ yigira mɔgɛ kɛnu ma. Wonu yirita bui! Kasara ma sigi anuna ninkinu na tun.

Bɔ-Koe-Iyipiti 32:10

Woletɔ i kana n nakala. Nta diminyɛ si wara anu kuma ka anu ban sa! N si ile ma bɔnsɔn kurɛ dabirɛ la.”

Aiseya 51:2

Wo ni wo miri wo benba Iburayima bɔnsɔn ma, anubɛ ala musi, Sira min ya wo sɔrɔn. A ye Iburayima kelela tumɛ min, den-wo-den sa a bolo nun kɔnɔ a ko a duwara a ye ka a bɔnsɔnnu nasiyaya duk! A ya a ma, a kebilɛnu siyayara.

Isikiyɛli 34:26

“N si duwa anu ye, ado anu si taran nna kɔnkɔ-sɛnimɛla foolɛ rɔ. Anu makoe wa bila bandɛ la tuma-wo-tuma, n si bandɛ lana anu ye.

Maika 7:20

I si ita lanayɛ anubɛ ila keninteyɛ yira Iburayima anubɛ Yakoba kegeyɛnu na, ita mɔgɛnu, kɔni, iko i ya lanyiri kiri anu ye nya min nun!

Sakaraya 8:13

A ko fɔlɔ nun, sibolo-gbɛrɛnu kɛnɛna anu nyɔgɔn dankala ko, “Alamɛ i kasarata iko Yuda anubɛ Isirɛla nyamanɛ kasaranɛ nya min.” Kɔnɔ a ko ale si wo kisi wo ma. Wo kɔma, ale sibolo-gbɛrɛ kelan wonu si duwa anu nyɔgɔn ye ko, “Alamɛ wo sabatira iko Yuda anubɛ Isirɛla sabatinɛ nya min.” Woletɔ wo ni wo kerinteya. Wo kana kilan.

Yilan-Yilan Koe 14:12

N si min ma gbɛ, n si kiraya-fitinɛ layigi anu kuma ka anu damasi lato dogbe! Kɔnɔ n si ile, Musa ma bɔnsɔn-kunyɛ la, bɔnsɔn min kolo, ado anu tagbɛlɛ ka tenbi bɔnsɔn kɛnu na!”

Yilan-Yilan Koe 22:12

Alla ya a fɔ Belam ye ko, “I kana ta mɔgɛ kɛnu fɛ hali! I kana Isirɛla mɔgɛ wonu danka mumɛ, bawo nta duwɛ ye anu fɛ.”

Yilan-Yilan Koe 23:20

A ya n sɔ ko n ni duwɛ kɛ. Ni Alla ya duwɛ minnu kɛ, nde ti ke wonu yɛlɛmana tun.

Romu 4:11

Iburayima telenta Alla yala ka a tɛgɛ ata dɛnkɛninyɛ ma. Wo kɔma, a kemininyara alako ala kemininyɛ ni ma koe kɛnu tamasere la. Woletɔ minnu bara dɛnkɛninya Alla ma, Iburayima mara wonu bɛɛsi benba la. Alla ara wonu lɔn mɔgɔ-latelennɛ la, hali anu kemininyabɛlɛ.

Kalesiya 3:14

Wo bɛɛ mara le alako male fanan ni Allata Ni-Sɛnimɛ sɔrɔn dɛnkɛninyɛ fɛ iko Alla ya lanyiri kiri ma ye nya min nun. Alla ya lanyiri min kiri Iburayima ye, sibolo-gbɛrɛnu fanan ni lanyiri kelan wo sɔrɔn ka a tɛgɛ Yisa Kirasiti ya min ma ma ye.

Kalesiya 3:7

Wo ni a lɔn ko dɛnkɛninyɛ ye min bolo, Iburayima bɔnsɔn-bɛrɛbɛrɛ le wo tigi la.

Tɔn-Fɔɛ-Fila-Nyɔgɛ 26:5

Wo kɔma, wo si a fɔ Mari ya la nyɔ ko, ‘Ma benba anubɛ ala denbayɛ bɔra Aram nyamanɛ rɔ ka to yilan-yilanna ha anu tara anu sigi Iyipiti nyamanɛ rɔ. Anu bi tala nyɔ tumɛ min, anu ma siya kɔnɔ wati-tenbinɛ, a bɔnsɔn ya fanka sɔrɔn ka siyaya.