Ko-Dabirɛnu 12:15 - ALLALA KUMƐ

¹⁵ Iyipiti mansɛla mɔgɔ-banu ya Sirayi yen tumɛ min, anu ya a matɔgɔ ale mansɛ ye. Anu ya Sirayi bi ka ta a la mansɛ wara.

Ko-Dabirɛnu 12:15 ပူးပေါင်းရင်းမြစ်များ

Ko-Dabirɛnu 12:14

Burama kera Iyipiti tumɛ min, Iyipiti mɔgɛnu ya musi wo yen nkɛkuna, anu yɛ bɔra a la.

Ko-Dabirɛnu 20:2

Kirari Mansa Abimɛlɛki, wo ya mɔgɛ sɔ Sira bi tinɛ kamasɔrɔn Iburayima ya a fɔ nun ala musi Sira ma ko a tirisan-musi le a la.

Ko-Dabirɛnu 26:7

Nyɔ-keinu ba a manyinika ala musila ko la tumɛ min, a si a fɔ anu ye le ko a tirisan-musi le. A ti sisi a fɔla ko ala musi le alako nyɔ-keinu kana a faga Rebɛkala ko la kamasɔrɔn Rebɛka kin.

Ko-Dabirɛnu 40:2

Mansɛ wo diminyara mɔgɔ-ba filɛ wonu ma.

Ko-Dabirɛnu 41:1

San fila tenbinɛ wo kɔma, mansɛ wo kiyora a sɔnɛ Nayɛli bɛ dafɛ.

1 Mansɛnu 3:1

Furu-nyɔgɔnyɛ donta Mansa Silamɛni anubɛ Iyipiti mansɛ tɛma alako ka anu tɛmɛ lakandan. Mansa Silamɛni nara Iyipiti mansɛla dunmusi wo la a fa Dawudala luyi ma. Dunmusi wo tora nyɔ ha Mansa Silamɛni ya ata luyi labɔ. A ya ata mansaya-bɔn sɔ anubɛ Mari Bato-Bɔn anubɛ tarɛ min mininɛ Yerusalɛm soe ma.

2 Mansɛnu 18:21

Ni wo yili-madiyanɛ Iyipiti mɔgɛnu denu na wo dɛnbɛn-koe la kɛlɛ rɔ, wonu mani de iko puka-gbalɛ sewuruyɛ la bawo a si keri mɔgɛ bolo tɔ ka a tanban. Mɔgɔ-wo-mɔgɔ ya a lɛngbɛn Iyipiti mansɛ rɔ, a ye mala wo tigi la wo nya na le.

Yaburi 105:4

Wo ta wo makoenu na Mari wara, ale le si wo dɛnbɛ. Wo ni to ale le kelen pe batola burubukai!

Bɔ-Koe-Iyipiti 2:15

Mansɛ ya wo lamɔɛn tumɛ min, Musa faga-sɔgɛ ya a bira. Kɔnɔ Musa ya a buri mansɛ kɔrɔ ka ta a sigi Midiyan nyamanɛ rɔ kɔlɔn do dafɛ.

Bɔ-Koe-Iyipiti 2:5

Mansɛla dunmusi tara ba-worɔn wo la a ku tinɛ. Sunkurɔn minnu bi a fɛ, wonu tora anu matagamana bɛ dala. Mansɛla dunmusi ya digi wo yen sɔnfɔn-kurinu tɔ tumɛ min, a ya ala yɔɔn-musi sɔ ka ta a bi.

Hɛnkilimaya-Kumɛnu 29:12

Ni kun-tigi ya a tole masɔ foninya-fɔlɛnu na, ala mɔgɔ-ba bɛɛ si ma wunduyogenu na.

Hɛnkilimaya-Kumɛnu 6:29

Ni masiba-koe le wo la i yala, nba, ka i sa kei-gbɛrɛla musi fɛ, masiba-koe le wo fanan na. Mɔgɔ-wo-mɔgɔ ya wo ma, fɔ a wa tɔrɔya.

Yɛrɛmaya 25:19

Minnu ya anu min Marita tɔrɔya-yi-lafɛ kɛ la, wo le kɛnu na, Iyipiti mansɛ anubɛ ala mɔgɔ-banu anubɛ nyɔ-kun-tiginu wo, Iyipiti dugurannu anubɛ

Yɛrɛmaya 46:17

Mari ko n ni Iyipiti mansɛ tɔgɔ-kurɛ sa ko, “Sɔnkɔ-Gbansan Min Foora ala Mansaya-Tumɛ la.”

Isikiyɛli 32:2

A ko, “Ile hadama-dan, n sɛbɛna-kumɛ kɛ latenbi Iyipiti mansɛ ma. A fɔ a ye ko a ara a nyɛrɛ lɔn yarɛ la sibole doinu tɛma. Kɔnɔ a mani de dɔrɔn iko banbɛ min si yi ragbesi bɛ rɔ ka dundi tugu a kian la.

Hiburunu 13:4

Mɔgɛ bɛɛ ni furi gbiliya. Keinubɛ musinu ni telen anu nyɔgɔn ye dɛɛ, ado Alla si sɔn-yogoma-tiginu anubɛ yɛlannu kiti.