Ko-Dabirɛnu 11:6 - ALLALA KUMƐ

⁶ Mari ko, “Wo ni anu mafɛlɛn, ba? Mɔgɔ kelen de kɛnu na min bi kan kelen fɔla. Anuna wɔli-dabirɛ le kɛ la. Ni anu ya anu kɔnkɔn min ma, fɔ anu ba wo ma.

Ko-Dabirɛnu 11:6 ပူးပေါင်းရင်းမြစ်များ

Ko-Dabirɛnu 11:1

Fɔlɔfɔlɔ nun, mɔgɛ bɛɛsi ye kan kelen de fɔla nun.

Ko-Dabirɛnu 3:22

Wo kɔma Mari Alla ko, “Wo ara a yen, kei ara ma iko male. A ara ko-nyimɛ anubɛ ko-yogomɛ dan-nafarɛ lɔn. Awa, a kana a bole layɛlɛ ka nimaya-kɔlɔma-gbɔɛ kɛ do keri. Ni a ya a dɔn, a kɛndɛ si to dankɛ kɛ kɔrɔ burubukai!”

Ko-Dabirɛnu 6:5

Mari ya a yen min kɛ mɔgɛnuna ko-yogomɛ da ra ara koloya duninya rɔ, ado anu miriya bɛɛ manɛ ko-yogomɛ la tun tun,

Ko-Dabirɛnu 8:21

Wo sumɛ ya a diya don Mari rɔ woletɔ Mari ya a fɔ a nyɛrɛ ma ko, “N ya a lɔn hali hadama-dan dennɛ le, a miriya bɛɛ bɛnnɛ ko-yogomɛ le ma kɔnɔ hali wo, n ti dugi danka tun mɔgɛnuna sɔn-yogomɛla ko la. N ti nima-fan bɛɛ faga tun iko n bara a ma nya min kɛ la.

1 Mansɛnu 18:27

Nɛbi Ilaya ya anu mayɛlan dabira tele-latelen-wati wo rɔ. A ya a fɔ anu ma ko, “Wo ni wɔrɔndɔ matarali-kɛ-tinɛ. Tumado Beyali ye a miri tinɛ le. Wo ni wo raya de! Tumado, a ara ta da kɔma. Ni wo ma, a ara a maga. Wo ni a lakunden, tumado, a ye kinɔgɛ le tɔ kɔrɛ.”

Makawandili Kumɛnu 11:9

Wole fonikenu! Wo ni wo nyɛrɛ ladiya. Fananta i pose, i ni i tele kɛ. Ko-wo-ko di i ye, wo ma fasai! Kɔnɔ i miri de, lunyɛ do, i wara koe min bɛɛsi ma, fɔ Alla wa i kiti wonuna ko la.

Emɔsi 4:7

Ni wo ya a yen kɔnkɔ-fitinɛ nara, Mari ko ale le ya wo beli banda-yi la. A ya bandɛ lana soe donu tɔ, a ya donu beli a la. A ya bandɛ lana sɛnɛ donu tɔ, a ya donu beli a la.

Luka 1:51

Alla ara a kɔɛn-sɛnbɛmɛ rasagan ka mɔgɔ-wasinɛnu tanyɛnsɛn anubɛ anuna miriya bɛɛ.

Kɛwɔlɛnu 17:26

A ya mɔgɔ-su bɛɛ dan ka bɔ mɔgɔ kelen tɔ ka anu nasigi dugu-kole bɛɛ kuma. Ale nyɛrɛ ya anuta watinu anubɛ anuna sigi tinɛnu dan latɛgɛ kebi fɔlɔ.

Kɛlɛ-Kurugbɛnu 10:14

Wo ni ta di wola bɛsɛ wonu dala wo ara min nyini wo nyɛrɛ ye. Ni wo ye tɔrɔyɛ le tɔ, nba, anu denu ni wo lakisi.”