Ko-Dabirɛnu 11:4 - ALLALA KUMƐ

⁴ Anu ya a fɔ anu nyɔgɔn ye tun ko, “Wo na, ma ni so-karantan sɔ. Wo kɔma, ma ni san-bon-nayan-bɛ sɔ min si tugu san-kole la. Woletɔ ma tɔgɛ si bɔ. Ni ma ma wo ma, ma ra si nyɛnsɛn dugu-kole bɛɛ kuma.”

Ko-Dabirɛnu 11:4 ပူးပေါင်းရင်းမြစ်များ

Ko-Dabirɛnu 6:4

Nima-fan wonu ya anu sa dunmusi wonu fɛ tumɛ min, dunmusi wonu ya mɔgɔ-yan-bɛnu sɔrɔn. Dan wonu denu mara sɛnbɛ-tiginu anubɛ tɔgɔlamɛnu na.

2 Samuwɛli 8:13

Mansa Dawuda tara Idɔm kɛ mɔgɔ waga tan-ni-segin (18,000) faga lɛɛ do rɔ min tɔgɛ Kɔgɛ. A bɔɛ nyɔ, a mankan tora koloyala.

Yaburi 107:26

Kɔgɔ-yi si kulɔn wonu nayɛlɛ lele, wo kɔma, a ni a layigi a kɔrɔ tun sore! Ko sufa kɛnu si a ma, kulun-tawɔli-kɛlɛ wonu mankulan ni bɔ anu ma.

Yaburi 92:9

Mari, ma ya a lɔn serr, i yogenu fagamatoe le. I si karagbɛlɛ bɛɛ nyɛnsɛn ka anu nɔ tɛrr!

Hɛnkilimaya-Kumɛnu 10:7

Mɔgɔ-nyimɛnu tɔgɛ si ta wuu! Kɔnɔ mɔgɔ-karagbɛlɛnu tɔgɔ si tunu yen!

Yɛrɛmaya 51:53

Hali Babilɔn yɛlɛta ha ka ke banda-kole ma, anu ni kan-tina-layan-bɛ sɔ nyɔ, Mari ko a si mɔgɛnu nana nyɔ ka anu kasara. Mari kan le kɛ la.

Daniyɛli 4:11

Kɔlɔma wo tora koloyala ka sɛnbɛ sɔrɔn ha a tara tugu san-kole la. Duninya-mɔgɛ bɛɛ si ke le a yenna nyɔ.

Daniyɛli 4:22

“Daniyɛli ya a fɔ n ye ko kɔlɔma wo, nde, mansɛ le wo la. A ko nde, mansɛ ara koloya ha n bara tugu san-kole la. A ko nna mansaya-sɛnbɛ ara ke duninya tonke bɛɛ rɔ.

Daniyɛli 4:27

“Ale Daniyɛli ya a fɔ n ye tun ko n ni aleta kawandili-kan bira. A ko n ni fara ko-yogoma-kɛ la. N ni ko-nyimɛ-kɛ dabira. A ko n ni kinikini bolo-kolɔnnu ma. Wo kɔma, a ko tumado, n si taran n diya.

Daniyɛli 4:30

N bi a fɔla ko, ‘Babilɔn so-karantan kɛ mafɛlɛn. Nde le ya soe kɛ sɔ alako ka nta sɛnbɛ mayira. Mɔgɛnu si a lɔn fanan ko n bi gbiliyɛ rɔ soe kɛ sɔ-nya bolo.’

Luka 1:51

Alla ara a kɔɛn-sɛnbɛmɛ rasagan ka mɔgɔ-wasinɛnu tanyɛnsɛn anubɛ anuna miriya bɛɛ.

Yɔni 5:44

A di wo ye wo ni matɔgɔlɛ sɔrɔn wo nyɔgɔn bolo kɔnɔ wo sa wo rayala ka matɔgɔlɛ sɔrɔn Alla kelen pe bolo. Wo si ke lala nde la kama worɔ?

Tɔn-Fɔɛ-Fila-Nyɔgɛ 1:28

Ma ye tala nyɔ nfenna? Ko-lakɔrɔsilɛ minnu tara, wonu bara ma rakilan. Anu ko mɔgɛ minnu bi nyɔ, wonu kolo, ado anu yan ma ko. Anu ko tara-layan-bɛnu mininɛ anuna soenu ma sokesoke! Anu ko mɔgɔ-yan-bɛnu bi nyɔ minnu makilannɛ.’

Tɔn-Fɔɛ-Fila-Nyɔgɛ 4:27

Wo kɔma, Mari si wo ranyɛnsɛn. Wo si basan sibolo-gbɛrɛkɛnu na. Wo siyaman si faga. Wo ma ni dɔgɔya.

Tɔn-Fɔɛ-Fila-Nyɔgɛ 9:1

Musa ya a fɔ Isirɛla mɔgɛnu ye ko, “Wo ni wo tole masɔ! A ara to doni, wo ni Yorodan bɛ kɛ tɛgɛ ka ta wo sigi mɔgɔ-ragbɛlɛmɛnuna nyamanɛ rɔ, ado anu siya wo ko kati! Anuna soenu kolo dɔgɔma-ma-de! Anuna tarɛnu yan pon!