Ko-Dabirɛnu 10:6 - ALLALA KUMƐ

⁶ Nowala den Hama ya den-kei mɔgɔ nani sɔrɔn, Kusi wo, Misiram min tɔgɛ fanan Iyipiti wo, Put min tɔgɛ fanan Libiya wo, anubɛ Kenan.

Ko-Dabirɛnu 10:6 ပူးပေါင်းရင်းမြစ်များ

Ko-Dabirɛnu 10:5

Yefan wo bɔnsɔnnu denu denu siginɛ Mɛdetereniyan kɔgɔ-yi dafɛ wara la anubɛ a yi-tɛma-duginu tɔ. Anu bɛɛsi siginɛ anuta nyamanɛnu tɔ. Bɛɛ ye ata kan fɔla.

Ko-Dabirɛnu 2:13

Bɛ doi fanan tɔgɛ le Kiyɔn. Bɛ wo le tara ha Kusi nyamanɛ rɔ ka basan a la.

Ko-Dabirɛnu 5:32

Nowa sɔrɔn ya san kɛmɛ loli (500) bɔ tumɛ min, a nara to den-kei mɔgɔ sawa sɔrɔnna, Sɛma wo, Hama wo, anubɛ Yefɛti.

Ko-Dabirɛnu 9:18

Nowala dan minnu bɔra kulɔn rɔ, wonu tɔgɛ le kɛnu na, Sɛma wo, Hama wo, anubɛ Yefɛti. Hamala den-kei, wo tɔgɛ le Kenan. Den mɔgɔ sawɛ kɛnu denu yirita ka dugu-kole lafa.

Ko-Dabirɛnu 9:22

Kenan fa Hama, wo le ya a fa Nowa lakolɔn yen. A tara wo fɔ a na-kelen-nyɔgɔn mɔgɔ filɛnu ye luyi ma.

1 Ko-Kɔrɔta-Karan 4:40

Anu ya kan-tina-hakika-belebele do yen nyɔ, kolo-fen de-nyini tinɛ, kɔni. Nyɔ kimanɛ pɔi! Hama kegeyɛ donu denu siginɛ nyɔ nun fɔlɔ.

Yaburi 105:23

Wo kɔma, a fa Yakoba fanan tara Iyipiti. Wo tara sigi nyamanɛ wo rɔ sundanyɛ la.

Yaburi 105:27

Anu ya Marita kabana-koenu nadan ka ko-makilannɛnu nadan Iyipiti nyamanɛ rɔ.

Yaburi 106:22

A ya kabana-ko-siyaman ma nyɔ, ado a ya ko-nyima-belebele ma Kɔgɔ-Yi-Wulan la!

Yaburi 78:51

A ya Iyipiti kɛnuna den-kei-sarɛ bɛɛ faga.

Aiseya 11:11

Wo wati wa ke, Mari si ata sɛnbɛ lawɔli alako ata mɔgɛ minnu bi Asiriya anubɛ Iyipiti ni sɛgi anu barɛ tun. Iyipiti nyamanɛ dugu la wo, Sudan nyamanɛ wo, Ilam nyamanɛ wo, Babilɔniya nyamanɛ wo, Hamati nyamanɛ wo, kɔgɔ-yi-dafɛ-nyamanɛnu wo, yi-tɛma-nyamanɛnu tɔ wo, anu si na ka bɔ wo bɛɛ rɔ.

Yɛrɛmaya 46:9

Wo ni soeenu naburi wɛ kɛ. Kirindinu gbɛ ni to. Ini kɛlɛ-dannu nata. Sudan kɛnu anubɛ Libiya kɛnu si nɛgɛ-lufɛnu bi. Lidiya kɛnu si kalɛnu tasagan.”

Isikiyɛli 27:10

“Taya kɛlɛ-dannu bɔra nyamani-kurɔn kɛnu denu tɔ, Pasiya wo, Ludi wo, anubɛ Libiya. Anu ya anuna nɛgɛ-walannu anubɛ anuna nɛgɛ-fulɛnu dun Taya kɛnuna kɛlɛ dagɛ rɔ, ado anu denu denu ya wo tɔgɛ lawanka.

Isikiyɛli 38:5

Pasiya kɛnu wo, Sudan kɛnu wo, Libiya kɛnu wo, wonu dama sɔnɛ a fɛ. Kɛlɛ-kɛ-fulɛ anubɛ nɛgɛ-walan ye anu dama bolo.