Ko-Dabirɛnu 10:5 - ALLALA KUMƐ

⁵ Yefan wo bɔnsɔnnu denu denu siginɛ Mɛdetereniyan kɔgɔ-yi dafɛ wara la anubɛ a yi-tɛma-duginu tɔ. Anu bɛɛsi siginɛ anuta nyamanɛnu tɔ. Bɛɛ ye ata kan fɔla.

Ko-Dabirɛnu 10:5 ပူးပေါင်းရင်းမြစ်များ

Ko-Dabirɛnu 10:20

Hama kegeyɛ siginɛ anuna nyamanɛnu tɔ iko anu bɔnsɔn anubɛ anu kannu bi nya min.

Ko-Dabirɛnu 10:25

Iburu wo ya den mɔgɔ fila sɔrɔn. A fɔlɔtɛ tɔgɛ le Fara. A ya a tɔgɔ sa Fara kamasɔrɔn mɔgɛnu kan farata wo wati le tɔ. A fila nyɔgɛ tɔgɛ le Yokitan.

Ko-Dabirɛnu 10:32

Minnu sɔrɔnta yita-kasarɛ kɔma, wonu benba le Nowa la. Bɛɛ sigira ata nyamanɛnu tɔ iko bɛɛ benba nara nya min.

Ko-Dabirɛnu 10:4

Yefɛtila den Yefan wo ya den-kei mɔgɔ nani sɔrɔn, Ilisa wo, Tasisi wo, Kitin wo, anubɛ Rodanim.

Ko-Dabirɛnu 10:6

Nowala den Hama ya den-kei mɔgɔ nani sɔrɔn, Kusi wo, Misiram min tɔgɛ fanan Iyipiti wo, Put min tɔgɛ fanan Libiya wo, anubɛ Kenan.

Ɛsita 10:1

Mɔgɛ minnu siginɛ kɔgɔ-yi da la wo, minnu siginɛ nyamanɛ tɛma wo, Mansa Sakasi ya wonu nawɔli fɔrɔsɛ la.

Yaburi 72:10

Mansɛ minnu bi Sipeni nyamanɛ pon anubɛ yi-tɛma-duginu tɔ, wonu si kɔ-fannu di a ma. Mansɛ minnu bi Siba nyamanɛ anubɛ Seba nyamanɛnu tɔ, wonu si sanbɛnu di a ma.

Aiseya 11:11

Wo wati wa ke, Mari si ata sɛnbɛ lawɔli alako ata mɔgɛ minnu bi Asiriya anubɛ Iyipiti ni sɛgi anu barɛ tun. Iyipiti nyamanɛ dugu la wo, Sudan nyamanɛ wo, Ilam nyamanɛ wo, Babilɔniya nyamanɛ wo, Hamati nyamanɛ wo, kɔgɔ-yi-dafɛ-nyamanɛnu wo, yi-tɛma-nyamanɛnu tɔ wo, anu si na ka bɔ wo bɛɛ rɔ.

Aiseya 24:15

Minnu bi tele-bɔɛ wara la, wonu si a tanto. Minnu siginɛ kɔgɔ-yi dafɛ, wonu si Isirɛlata Mari Alla matɔgɔ.

Aiseya 40:15

Fenfen ma sibolenu na Mari yala. Anu mani de iko yi-tinti kelan. Yi-tɛma-duginu fɛyanɛ iko gbangban.

Aiseya 41:5

“Nde, Mari ara minnu ma, wula-yanna-mɔgɛnu bara wo yen. Anu bara kilan furr, anu kun ma ara kɔ. Anu kun bara dɛn kan-tina-kelen.

Aiseya 42:10

Wo ni bɛti-kurɛ bɔ Mari ye. Duninya mumɛ bɛɛ ni a matɔgɔ-bɛti bɔ! Min bɛɛ ye kulɔn laburila yi kuma, wo bɛɛ ni a matɔgɔ! Nima-fan min bɛɛ ye kɔgɔ-yi rɔ, wo bɛɛ ni Mari matɔgɔ! Mɔgɔ min bɛɛsi ye nyamani-yannu tɔ, wo ni a matɔgɔ-bɛti bɔ!

Aiseya 42:4

A yigi ti tɛgɛ, ado ala kerinteyɛ ti dasa. A si telenbagayɛ ki dugu-kole kuma. A lakaran-sɔgɛ si wula-yanna-mɔgɛnu bira sokesoke!

Aiseya 49:1

Wole wula-yanna-mɔgɛnu, wo ni wo tole masɔ. Yanni n ni sɔrɔn, Mari ara n yabɔ, bi ko ma. A ya n yabɔ ka n ma ata wɔli-kɛlɛ la. Kebi n bi n na burɔ, Mari ya n tɔgɛ sa.

Aiseya 51:5

A ko a si na tiriya ka wo lakisi. Lakiti-tumɛ ara gbɛrɛn a bolo. A ko ale nyɛrɛ si mansayɛ kɛ sibolenu kuma. Wula-yanna-nyamanɛnu bi a makɔnɔ tinɛ le. Anu bi a makɔnɔna anu kisi-koela ko la.

Aiseya 59:18

Mari-yogenu bi min mala a la, a si a tayili sara wonu na. Minnu bi a kan ma, a si ata fondo-bɔɛ yira wonu na ka anu tɔrɔ. A si kɔgɔ-yi dafɛ-mɔgɛnu tɔrɔ iko a bɛnta anu ni tɔrɔ nya min.

Aiseya 60:9

Mɔgɛnu bi bɔla wula-yan-bɛ la ka na Allata mɔgɛnu na a ma. Anu si na kulɔnnu tɔ ka bɔ Tasisi nyamanɛ rɔ. Wonu si i sanba sɛnɛ anubɛ wodi-gbɛ la. Kɛ dama ye nala mala le alako ita Mari Alla ni gbiliyɛ sɔrɔn. Isirɛlata Alla-sɛnimɛ le. A ye kabana-koenu mala ile Yerusalɛm ye.

Yɛrɛmaya 2:10

Sibolo-wo-sibolo sa nyɔ minnu bara anuta bɛsɛ mayɛlɛma ka a kɔrɔmɛnu nabɔ ka a kurɛnu nadon, hali Alla-bɛrɛ ma wo fenfen na. Wo ni kɔgɔ-yi ratɛgɛ tele-yigi wara la ka Saiparasi yi-tɛma-dugi mafɛlɛn. Wo ni donu nata tele-bɔɛ wara la ha Kedari nyamanɛ rɔ. Wonu ni nyɔ lakɔrɔsi ka a lɔn ni ko sufa kɛ do ara kɛ wonu ye. Kɔnɔ wole Marita mɔgɛnu bara wota Alla-makawanɛ boloka ka bɛsi-fufafuyinu natenbi ale la.

Yɛrɛmaya 25:22

Taya so-tigi anubɛ Saidon so-tigi wo, nyamani-tigi minnu bi Mɛdetereniyan kɔgɔ-yila-foolɛ rɔ wo,

Isikiyɛli 26:15

“Nde, wo tigi Mari ya kɛ le fɔ Taya soe wara-koe rɔ tun. N ko anu yogenu tenbi anu fagala tumɛ min, anu si to kurunna. Nyɔ-dafɛ-mɔgɛ minnu siginɛ kɔgɔ-yi dala wa anu kurun-kan lamɔɛn, wonu si to yɛrɛyɛrɛnna kumakɔɛ bolo.

Isikiyɛli 26:18

Kɔnɔ soe wo ara bui tele min tɔ kɛ la, wo ara a ma, yi-tɛma-dugi-mɔgɛnu bi yɛrɛyɛrɛnna kilan bolo, ado anuna mɔgɛ bɛɛ ma ara lɔfɔkɔrɔya.

Daniyɛli 11:18

Wo kɔma, sibole minnu siginɛ kɔgɔ-yi fɛ, a si bui wonu ma ka anu kɛlɛ. Kɔnɔ tɔ-a-la, kɛlɛ-kurugbɛ do si bɔ sibolo-gbɛrɛkɛ rɔ ka na tɔn sigi ala wasinteyɛ la. Ala wasinteyɛ si sɛgi a nyɛrɛ ma.

Sɛfanaya 2:11

Mari si a ma, anu ni kilan dɔgɔma-ma-de! A si a ma, duninya-mɔgɛnuna bɛsɛnu bara-koe ni to dɔgɔyala ha fenfen ti to tun. Wo kɔma, duninya sibole bɛɛ si ale bato tun anuna nyamanɛnu tɔ.

Tɔn-Fɔɛ-Fila-Nyɔgɛ 32:8

Alla Min Bi Fan Bɛɛ Kun Na, wo ya sibolenu sigi belenna anuta nyamanɛnu tɔ. A ya bɛɛ sigi a sigi tinɛ rɔ iko a ya a latɛgɛ nya min. A ya melika kelen-kelen sigi sibole bɛɛ kun na.