Ko-Dabirɛnu 10:19 - ALLALA KUMƐ

¹⁹ Kenannuna nyamanɛ-dan le Saidon soe la. Anuna nyamanɛ wo tara ha ka ta ke Kirari soe ma min bi Kesa soe dafɛ. Anuna nyamanɛ-dan wo le tara furr, ha ka ta ke soe kɛnu ma, Sɔdɔm wo, Kɔmɔra wo, Adima wo, Sebom wo, anubɛ Lesi soenu ma.

Ko-Dabirɛnu 10:19 ပူးပေါင်းရင်းမြစ်များ

Ko-Dabirɛnu 10:18

Arifadinu wo, Sɛmaranu wo, anubɛ Hamatinu. Wo kɔma, Kenan kegeyɛnu tanyɛnsɛnta.

Ko-Dabirɛnu 10:20

Hama kegeyɛ siginɛ anuna nyamanɛnu tɔ iko anu bɔnsɔn anubɛ anu kannu bi nya min.

Ko-Dabirɛnu 14:2

Anu bi so loli minnu kɛlɛla Dalɛ Faganɛ dafɛ wonu tɔgɛ le kɛnu na, Sɔdɔm soe wo, Kɔmɔra soe wo, Adima soe wo, Sebom soe wo, anubɛ Bela soe min tɔgɛ fanan Sowa. Sɔdɔm so-tigi-tɔgɛ le Bera. Kɔmɔra so-tigi-tɔgɛ le Birisa. Adima so-tigi-tɔgɛ le Sinabu. Sebom so-tigi-tɔgɛ le Sɛmɛbɛri.

Ko-Dabirɛnu 14:3

So-tigi loli kɛnu bi Mansa Kɛdolama wo kɔrɔ san tan-ni-fila kɔrɔ. A san tan-ni-sawa nyɔgɛ ma, anu murutiyara Mansa Kɛdolama kɛ ma. So-tigi loli kɛnu ya anu kundɛn Sidin lɛɛ rɔ min tɔgɛ fanan Dalɛ Faganɛ.

Ko-Dabirɛnu 18:20

Wo kɔma, Mari ya a fɔ Iburayima ye ko, “Mɔgɛnu bi kuma-yogomɛ min fɔla Sɔdɔm anubɛ Kɔmɔra soenuna ko la, wo ara n tɔrɔ, ado anu sɔn yogo ha ka a dan-natenbi.

Ko-Dabirɛnu 20:1

Iburayima bɔra ala dagɛ rɔ Mamireta kɔlɔmanu kɔrɔ ka ta tagama rɔ Kenan nyamanɛ wo dugula wara la. A tara a sigi Kɛdɛsi soe anubɛ Sura wulɛ tɛma. Wo kɔma, a ya wati do kɛ Kirari soe burɔ.

Ko-Dabirɛnu 26:1

Iko kɔnkɔ-fitinɛ nara nyamanɛ wo rɔ Iburayimata wati rɔ nya min, kɔnkɔ-fitinɛ nara wo nya na le Isiyaka fananta wati rɔ. Isiyaka tara Filisitinuna Mansa Abimɛlɛki warɛ min siginɛ Kirari soe burɔ.

2 Ko-Kɔrɔta-Karan 14:12

Mansa Esa anubɛ ala kɛlɛ-dannu ya kɛlɛ dabira wati min, Mari ya Sudan kɛnuna kɛlɛ-dannu nɔ anu ye. Anu ya anu buri anu kɔrɔ.

2 Ko-Kɔrɔta-Karan 14:13

Esa anubɛ ala kɛlɛ-dannu ya anu sagaran ha Kirari soe. Anu ya Sudan kɛnuna kɛlɛ-den-siyaman faga ha a toenu ma ke anu kundɛnna anu kɛlɛ-koe la tun. Mari anubɛ Yuda kɛlɛ-dannu ya anu nɔ. Anu tara anu bolo-fen-siyaman na anu bolo.

Yobu 38:20

Anu bi marala kan min, i si ke nyɔ yirala n na? Waan anubɛ pinpi ye bɔla kan min, i si ke anu nasɛgila nyɔ rɔ, wa?

Aiseya 23:11

Mari ara a kɔɛn kɔrɔbi kɔgɔ-yi dafɛ-nyamanɛnu kasara-koe la. A ara a latɛgɛ ko fɔ a wa Kenan kɛnuna so-gbɛlɛmɛnu kasara.

Aiseya 23:4

Ile Saidon soe. I wara yarabi pɔ! Hali kɔgɔ-yi-dumɛ-tɛmɛ ara a ban i la. Kɔgɔ-yi si a fɔ ko a ma den-wo-den sɔrɔn. A ma den-wo-den makolo.

Yɛrɛmaya 25:20

sundannu wo, Yusi nyamanita mansɛnu wo, Filisiti so-tigi minnu bi Asikalɔn wo, Kesa wo, anubɛ Ɛkirɔn soenu, anubɛ Asadadi soe toe min tonɛ wo,

Yɛrɛmaya 47:1

Yanni Iyipiti mansɛ ni Kesa soe bira wati min, Mari kumara nde, Yɛrɛmaya ye Filisitinuna nyamanɛla ko la.

Isikiyɛli 28:21

“Ile hadama-dan, i ni i ya-lamunun Saidon soe la ka a makuma.

Hoseya 11:8

“N si ile Isirɛla don bolo tɔ kama? N si wo boloka kama? N si wo kasara kama iko n ya a ma nya min Adima anubɛ Sebom soe la? N ti sɔn wo kasara-koe ma. Nta keninteyɛ da rakolo wo ye.

Kɛwɔlɛnu 8:26

Mari kumara Filipi ye melikala muninyɛ rɔ ko, “I ni i rabɛn ka ta dugula. Kilɛ min bi bɔla Yerusalɛm ka ta Kesa soe burɔ, i ni kilɛ wo bira.” (Ado nfan, mɔgɛnu sa bɔla kilɛ wo fɛ kaka.)

Tɔn-Fɔɛ-Fila-Nyɔgɛ 2:23

Mɛdetereniyan yi-tɛma-dugi do ye nyɔ min tɔgɛ Kariti. Mɔgɛ minnu siginɛ nyɔ, wo donu bɔra nyɔ ka ta anu sigi Mɛdetereniyan kɔgɔ-yi-kɔnkɔn la. Kɔnɔ yanni Kariti kɛnu ni na anu sigi nyɔ, Afi mɔgɛnu siginɛ nyɔ nun. Kariti kɛnu nara ka Afi mɔgɛnu gben nyɔ rɔ. Anu tara nyamanɛ wo bi anu bolo ka ta ke Kesa soe ma min bi dugula wara la.)

Tɔn-Fɔɛ-Fila-Nyɔgɛ 32:8

Alla Min Bi Fan Bɛɛ Kun Na, wo ya sibolenu sigi belenna anuta nyamanɛnu tɔ. A ya bɛɛ sigi a sigi tinɛ rɔ iko a ya a latɛgɛ nya min. A ya melika kelen-kelen sigi sibole bɛɛ kun na.

Yasowa 19:28

Iburɔn, Rihobu, Hamɔn anubɛ Kena soe wonu ma ha ka ta ke Saidon soe ma.

Kɛlɛ-Kurugbɛnu 16:1

Lunyɛ do, Samsin tara Filisitinuna soe do rɔ min tɔgɛ Kesa. A ya musu-yɛlan do taran nyɔ. A ya a sa wo fɛ.

Kɛlɛ-Kurugbɛnu 6:4

Anu yogenu bi anu daga makɛla kan tinɛ bɛɛ rɔ alako anu si Isirɛla mɔgɛnuna sɛnɛnu tinya nya min ha ka ke Kesa soe ma. Saga wo, ninki wo, sofɛlɛ wo, anu kɛnɛna buila anu ma ka anu bi anu bolo. Anu ti fenfen to Isirɛla mɔgɛnu bolo.

1 Samuwɛli 13:18

Sigi tina kelan doi tara Bɛti-Hɔrɔn soe wara la. Sigi tina kelan toe tara furr, fɔɔ Filisitinuna dan la min bi a yɛ layigila Sebom lɛɛ ma wulɛ dafɛ.