Ko-Dabirɛnu 1:9 - ALLALA KUMƐ

⁹ Wo kɔma Alla ko, “Yi min bi dugu ma, wo la ni dɛn kan-tina-kelen. Dugu-kole ni bɔ yi wo tɛma.” Wo mara iko a ya a fɔ nya min.

Ko-Dabirɛnu 1:9 ပူးပေါင်းရင်းမြစ်များ

Ko-Dabirɛnu 1:8

Alla ya gbɛ wo tɔgɔ sa san-kole. Suyi kera, bandɛ kara. Wo mara a tele fila nyɔgɛ la. Duninya Dan-Koe Tele Sawa Nyɔgɛ

Nihɛmaya 9:6

Wo kɔma, Isirɛla mɔgɛnu ya matarali-kɛ. Anu ko, “Mari, ile le kelen pe ye Mariyɛ la. Ile le kelen pe le ya san-kole anubɛ lolenu dan. Ile le ya dugu-kole anubɛ kɔgɔ-yi dan anubɛ fan min bɛɛ ye anu tɔ. I ya niyi di ma dama ma. Melikanu fanan si anu madu i kɔrɔ ka i bato.

Yobu 26:10

Pinpi anubɛ waan ye bɛnna kɔgɔ-yi kuma kan min, a ya dan tɛgɛ anu tɛma nyɔ.

Yobu 26:7

Alla le ya san-kole rafulen kan-tina-rakolɔn rɔ san ma. A ma dugu-kole dun fenfen na.

Yaburi 104:3

I wara a balan-kɔnnu gbangban kɔgɔ-yi rɔ. Ila kirindi le banda-finyɛnu na. I kanban le fɔnyɔ la min bi tala i la.

Yaburi 33:7

A ya kɔgɔ-yi ladɛn daga kelen tɔ. A ya kɔgɔ-yi-dumɛ balan iko mɔgɛ wa fui-fan kɛ bondɔn rɔ.

Yaburi 95:5

A ya kɔgɔ-yi min nadan, a ye wo kun na. A ya dugu-kole min nadan, a ye wo fanan kun na.

Makawandili Kumɛnu 1:7

Yi bɛɛ ye tala a labilala kɔgɔ-yi le ma kɔnɔ ha bi, kɔgɔ-yi ma bon bɛ a dagɛ ma. Yi kelan wo wuyan si yɛlɛ ka ma banda-yi la ka ta bɔ a kunyɛ la tun.

Yɛrɛmaya 5:22

Mari le ale la. Nfenna wo sa kilanna a la? Nfenna wo sa yɛrɛyɛrɛnna a kɔrɔ? Ale le ya kɔgɔ-yi-dan ma kɛnkɛn la alako yi ni to a dagɛ rɔ tolon! Hali a ye tugula a rɔ nya-wo-nya, a ti tenbi a dan kun na. Hali a ye kurunna, a ti a dan keri.

Yona 1:9

Nɛbi Yona ko, “Hiburu le nde la. Mari Alla min bi san-kole rɔ pon, nde si wo le kelan madiya. Ale le ya dugu-kole anubɛ kɔgɔ-yi kɛ dan.”

2 Pita 3:5

Anu si a lawuli a ma ka nyina ko kelan kɛ ko, wo le, kebi fɔlɔ, Alla kumara, san-kole anubɛ dugu-kole danta. Dugu kole danta ka bɔ yi rɔ, ado a lafoonɛ yi le la.

Lankɛnimayɛ 10:6

A ya a gboro Alla rɔ min nimayanɛ habadan! San-kole anubɛ fan minnu bi a rɔ wo, dugu-kole anubɛ a kuma-fannu wo, kɔgɔ-yi anubɛ fan minnu bi a rɔ wo, ale le ya wo bɛɛ dan. Melika ko, “Matanbani mumɛ ti kɛ tun!