Ko-Dabirɛnu 1:29 - ALLALA KUMƐ

²⁹ Wo kɔma Alla ko, “Wo ni wo tole masɔ n na. Fui-fan anubɛ ki-fan min bɛɛ si gbɔ dugu-kole kuma, n bara wonu di wo ma ka anu ma wo beli-fan la.

Ko-Dabirɛnu 1:29 ပူးပေါင်းရင်းမြစ်များ

Ko-Dabirɛnu 2:16

Mari Alla ya a fɔ kei wo ye ko, “Kɔlɔma min bɛɛsi ye nakɔɛ kɛ rɔ, i ni wonu gbɔɛ dɔn.

Ko-Dabirɛnu 6:21

I ni dɔn-fan sufa bɛɛ bi ka anu nadon wo ye. Wo si ma dɔn-fan la wobɛ nima-fan wonu ye.”

Ko-Dabirɛnu 9:3

Nima-fan min bɛɛ ye dugu-kole kuma, wonu si ma dɔn-fan la wo ye. N bara nima-fan bɛɛ di wo ma iko n ya fui-fannu di wo ma nya min nun.”

Yobu 36:31

Alla si bandɛ lana ka le ka mɔgɛnuna beli-fannu yi sa.

Yaburi 111:5

Minnu bi a gbiliyala, a si wonu beli-fan di anu ma, ado a ti nyina a sarama-kan ko mumɛ!

Yaburi 115:16

Mari kelen petɛ le Arinyɛnɛ la kɔnɔ a ya dugu-kole di hadama-dannu denu ma.

Yaburi 136:25

A ye dɛ min bɛɛ tɛgɛla, a ti wo fenfen takolɔn to, a dali-fan bɛɛ! Ala keninteyɛ dan sa.

Yaburi 146:7

Minnu niyi ragbɛrɛnnɛ anu ma, a si yo di wonu ma. A si kɔnkɔtoenu de-nyini. Mari si mɔgɔ-biranɛnu to anu diya.

Yaburi 147:9

A ye sogenuna de-nyini-fan dila anu ma. Koni-dannu ba di a dala, a si wonu de-nyini fanan.

Yaburi 24:1

Duninya anubɛ fan min bɛɛsi ye a rɔ anubɛ male hadama-dannu, Maritɛ le wonu na.

Aiseya 33:16

Wo si a ma, wo la ni tanka. Wo la si kanan iko wo ye kan-tina-gbɛlɛmɛ do le tɔ. Dɔn-fan anubɛ yi ti dasa wo ma muk!

Hoseya 2:8

A ma di a ye, a ni a fɔ ko nde le ye a de-nyinina. Ado nfan, n bi sɛnɛ anubɛ wodi-gbɛ min dila a ma, a duruta tala wo le la Beyali kɔ tinɛ.

Matiyu 6:11

I ni bita dɔn-fan di ma ma.

Kɛwɔlɛnu 14:17

Kɔnɔ tuma-wo-tuma, a ye a nyɛrɛ yirala mɔgɛ bɛɛ la ata kɛwɔli-nyimɛnu fɛ. A ye bandɛ lanala min si wola dɔn-fan lananfa. A si dɔntɛ wo di wo ma alako wo yisi la ni fa sewɛ la.”

Kɛwɔlɛnu 17:28

ado ale le ye sɛnbɛ dila ma ma alako ma ni to ma niyi la, koe bɛɛ ma tinɛ. A ye iko wola yelebanu bi a fɔla nya min ko, ‘Ala dannu le male fanan na.’

1 Timoti 4:3

Wo mɔgɔ-sufanu bi mɔgɛnu karanna ko furu-kiri-koe anubɛ dɔn-fan-donu dɔn-koe, ko-yogomɛ le wonu na. Kɔnɔ ni i wara ban baraka birala Alla ye wonuna ko la, Alla ko wonu ma yogo. A ya wonu nadan dɛnkɛninya-mɔgɛnu ye minnu bara ban tonyɛ lɔnna.

1 Timoti 6:17

Nɔnfuli ye minnu bolo duninya kɛ rɔ, i ni wonu makawandi ko anu kana wasi. Anu kana anu yigi sa nɔnfuli kuma iko fen de min bi mɛla. Anu ni anu yigi sa Alla kuma min bi fan bɛɛ dila ma ma foninsereyɛ la ka ma lasewa.