Ko-Dabirɛnu 1:28 - ALLALA KUMƐ

²⁸ A ya ata duwɛ layigi anu kuma ko, “Wo ni yiri ka duninya lafa. Fan min bɛɛsi ye duninya rɔ, wonu ni to wola sɛnbɛ kɔrɔ. Wo ni mansayɛ kɛ nima-fan bɛɛsi kuma duninya rɔ, a yɛgɛ wo, a kona wo, a sogo wo.”

Ko-Dabirɛnu 1:28 ပူးပေါင်းရင်းမြစ်များ

Ko-Dabirɛnu 1:22

Alla ya ala duwɛ layigi anu kuma, a ko, “Wole yirɔ-fannu, wo ni to yirila ka yinu nafa. Wole konanu, wo fanan ni to siyayala.”

Ko-Dabirɛnu 17:16

Nta duwɛ si to a kuma. A si den-kei sɔrɔn i ye. A si ma bɔnsɔn siyaman na la. Mansɛnu si bɔ a bɔnsɔn rɔ.”

Ko-Dabirɛnu 24:60

Rebɛkala mɔgɛnu duwara a ye, anu ko, “Alamɛ Rebɛka bɔnsɔn siyayara ka waga yirika-siyaman bɔ. Alamɛ i bɔnsɔnnu ya nɔ-ko sɔrɔn anu yogenu ma.”

Ko-Dabirɛnu 26:24

A ke nyɔ wo suyi rɔ, Mari bɔra a ye gbɛ rɔ. A ko, “I fa Iburayimata Alla le nde la. I kana kilan kamasɔrɔn n bi i fɛ. N si nta duwɛ layigi i kuma ka i bɔnsɔn lasiyaya nta wɔli-kɛlɛ Iburayimala ko la.”

Ko-Dabirɛnu 33:5

Isɔ ya a yɛ lata a dɔgɛ kɔma kilɛ la ka musu-nyama anubɛ den-siyamɛ kɛnu mafɛlɛn, a ko, “Yakoba, yonna mɔgɛ ye kɛ damasi la?” Yakoba ko, “Alla le ya ko-nyimɛ kɛ n ye ka dan kɛ dama di nde, ila wɔli-kɛlɛ ma.”

Ko-Dabirɛnu 49:25

Anu si anu sɔ gben, bawo ndeta Alla le wo la min bi anu dɛnbɛna. Alla Sɛnbɛ-Bɛɛ-Tigi le wo la min bi ata duwɛ tola wo kuma ka bandɛ lana wo kuma ka yi labɔ dugi kɔrɔ wo ye. A si a ma, i bɔnsɔnnu ni yiri. Ila kolo-fannu fanan ni sabati.

Ko-Dabirɛnu 5:2

A ya kei anubɛ musi dan ka ata duwɛ layigi anu kuma ka anu tɔgɔ sa hadama-dannu.

Ko-Dabirɛnu 6:1

Mɔgɛnu siyayara dugu-kole kuma tumɛ min, Allata nima-fan donu yɛ bɔra mɔgɛ wonuna dunmusinu na bawo anu kin. Anu yɛ bɔra minnu na, anu ya wonu bi anu nyɛrɛ ye.

Ko-Dabirɛnu 8:17

I ni nima-fan bɛɛsi labɔ kulɔn wo burɔ, kona wo, sogo wo, nima-fan bɛɛ. I ni wo bɛɛ labɔ alako anu ni yiri ka dugu-kole lafa.”

Ko-Dabirɛnu 9:1

Alla ya ata duwɛ layigi Nowa anubɛ ala dannu kuma ka a fɔ anu ye ko, “Wo ni yiri bui ka dugu-kole lafa tun.

Ko-Dabirɛnu 9:7

Nba, wo ni to dannu sɔrɔnna alako wo kebilɛnu ni taran dugu-kole kan tinɛ bɛɛ rɔ.”

1 Ko-Kɔrɔta-Karan 26:5

Wo fanan dɔgɔ tɔgɛ le Amiyɛli. Wo fanan dɔgɔ tɔgɛ le Isakari. Wo fanan dɔgɔ tɔgɛ le Piyulatayi.

1 Ko-Kɔrɔta-Karan 4:10

Yebɛsi wo ya Isirɛlata Alla madiya, a ko, “E, Alla, ita duwɛ layigi n kuma ka do sa nta dugi kuma. To n fɛ ka n tanka ko-yogomɛ ma min si a ma, n ni dumɛ rayen.” A ya Alla matara fan minna ko ma, a ya wo nyinya a ye.

Yobu 39:11

Ile si ke i yigi sala sigi wo sɛnbɛ-wɛ kuma alako a ni ila wɔli-gbɛlɛmɛnu kɛ i ye?

Yobu 42:12

A ya Marita duwɛ min sɔrɔn tɔɛ kɛ la, wo tenbira a fɔlɔtɛ la. A ya saga waga tan-ni-nani (14,000) sɔrɔn tun. Wo kɔma, a ya nyomo waga wɔrɔ (6,000) sɔrɔn tun. A ya sara-ninki waga fila (2,000) sɔrɔn tun. Wo kɔma, a ya sofɛlɛ waga kelen (1,000) sɔrɔn.

Yaburi 107:38

Allata duwɛ yigira mɔgɛ kɛnu ma. Wonu yirita bui! Kasara ma sigi anuna ninkinu na tun.

Yaburi 115:16

Mari kelen petɛ le Arinyɛnɛ la kɔnɔ a ya dugu-kole di hadama-dannu denu ma.

Yaburi 69:34

Alamɛ duninyama-fan bɛɛ ya ale Alla tanto hali minnu bi kɔgɔ-yi tɛma.

Yaburi 8:6

I ya fan min bɛɛsi ladan, i ya hadama-dan ma wonu kun-tigi la,

Yaburi 8:7

a so-tɛma-sogo wo, a bintɔ-sogo wo,

Aiseya 45:18

Mari le ya san-kole mumɛ dan. Ale le kelen pe ye Allayɛ la. A ya dugu-kole kɛ dɛlɛkɛn ka a ladan a kin na! A ya a lagbɛlɛya gben, alako a ni mɛ. A ma di a ye a ra ni kolonya filili, fɔ ka a ma hadama-dannu sigi tinɛ la. A ko Mari le ale la, ado a ko Alla-gbɛrɛ fenfen sa ale kɔma.

Saraka-Masɔlɛnuta Tɔnnu 26:9

N si to duwala wo ye alako wo ni yiri bui! Ma ara lanyiri min kiri ma nyɔgɔn tɛma wona, nde si n baralɛ latɔnbagaya.

1 Timoti 4:3

Wo mɔgɔ-sufanu bi mɔgɛnu karanna ko furu-kiri-koe anubɛ dɔn-fan-donu dɔn-koe, ko-yogomɛ le wonu na. Kɔnɔ ni i wara ban baraka birala Alla ye wonuna ko la, Alla ko wonu ma yogo. A ya wonu nadan dɛnkɛninya-mɔgɛnu ye minnu bara ban tonyɛ lɔnna.