Ko-Dabirɛnu 1:24 - ALLALA KUMƐ

²⁴ Wo kɔma Alla ko, “Nima-fen-su bɛɛsi ni taran dugu-kole kuma, a bintɔ-sogo wo, a so-tɛma-sogo wo, a dɔgɔma wo, a kinama wo.” Wo mara iko a ya a fɔ nya min.

Ko-Dabirɛnu 1:24 ပူးပေါင်းရင်းမြစ်များ

Ko-Dabirɛnu 1:23

Suyi kera, bandɛ kara. Wo mara a tele loli nyɔgɛ la. Duninya Dan-Koe Tele Wɔrɔ Nyɔgɛ

Ko-Dabirɛnu 2:19

Ado nfan, Mari Alla ara soge anubɛ kona min bɛɛsi ladan bɔnkɛ la nun, a nara anu na kei wo wara alako a ni a lɔn kei wo si na anu tɔgɛ sa nya min. Kei wo ya nima-fan wonu bɛɛsi tɔgɛ sa nya min, anu tɔgɛ tora wo nya na le.

Ko-Dabirɛnu 8:19

Nima-fan bɛɛsi bɔra iko anu sunu bi nya min.

Yobu 39:1

Ile ya sensɛ den-sɔrɔn-tumɛ lɔn? Woyan tenbi den sɔrɔnna, ile ara wo ragbɛ?

Yobu 39:19

Yobu, ile le ya kɛlɛ-kɛ-soee ragbɛlɛya? Ile le ya a kan-kolema-siyi ladan ko a ni to magala?

Yobu 39:5

Yon ya firala-baanu kan bɔ ka anu kun naka?

Yobu 39:9

Sigi si ke wɔlila mɔgɔ ye, wa? A si sɔn kila wɔrɛ rɔ?

Yobu 40:15

I miri sogo-ba ma. Nde le ya wobɛ wo dan. A ye binyɛ dɔnna iko ninki.

Yaburi 104:18

Firala-baanu bi kɔnkɔ-kolo-wɛnu ma. Kɔnkɔbarɛnu bi anu dogonna denke-denkenu na.

Yaburi 104:23

Wo kɔma, mɔgɛnu ni to tala anuna wɔli-kɛ-tinɛnu tɔ. Anu si telen wɔlila nyɔ ha wurɛ la.

Yaburi 148:10

a firarɔ-sogo wo, a so-burɔ-sogo wo, a sagan-fen wo, a koni wo, wo bɛɛ ni Mari tanto.