Ko-Dabirɛnu 1:2 - ALLALA KUMƐ

² dugi rakolɔn le nun, a pindi-pandi. Yi min sanɛ dugi wo kuma, pinpi burunnɛ wo kuma nun bɛfu! Kɔnɔ Allata Sɛnbɛ ye firifirila yi wo kuma. Duninya Dan-Koe Tele Fɔlɔtɛ

Ko-Dabirɛnu 1:2 ပူးပေါင်းရင်းမြစ်များ

Yobu 26:14

N bara koe min bɛɛsi rakaran kɛ, a dɔgɔmɛ le wonu na. Allata fanka-wɛwɛ le wonu na. Nba, yon si ke ata fanka kuma-yɛlɛnɛ nya-yenna worɔ?

Yobu 26:7

Alla le ya san-kole rafulen kan-tina-rakolɔn rɔ san ma. A ma dugu-kole dun fenfen na.

Yobu 38:9

Nde le ya kɔgɔ-yi yamatogon banda-finyɛ la ka pinpi mamini a ma iko den pulan. I taranta nyɔ nun?

Yobu 41:32

A tamatoe ye tala yi purula a kɔma. Nyɔ ragbɛnɛ ye tala a kɔma punken!

Yaburi 104:30

I wa i niyi bila anuna dannu tɔ tumɛ min, wonu si ma nima-fannu na. Wo le ya a to, i ye ni-kurɛ dila duninya ma.

Yaburi 104:6

I wara kɔgɔ-yi don duninya kan na iko duruku-ba. Yi ya kɔnkɛnu yamatogon.

Yaburi 136:6

A ya dugu-kole rafulen kɔgɔ-yi kuma. Ala keninteyɛ dan sa.

Yaburi 148:7

Fan minnu bi kɔgɔ-yi dumɛ rɔ, wonubɛ dugu-kolo-fannu ni Mari tanto.

Yaburi 33:6

Mari kumara le gbansan, san-kole ladanta. Tele wo, karɛ wo, lolenu wo, ata kuma-gbansan le ya wonu nadan.

Hɛnkilimaya-Kumɛnu 8:24

Yanni kɔgɔ-yi anubɛ tenke ni sa anu worɔn la, n bi nyɔ nun.

Aiseya 31:5

Mari si to firifirila Yerusalɛm kuma ala mɔgɛnu kandan tinɛ iko kona ye firifirila ala dannu kuma nya min.

Aiseya 45:18

Mari le ya san-kole mumɛ dan. Ale le kelen pe ye Allayɛ la. A ya dugu-kole kɛ dɛlɛkɛn ka a ladan a kin na! A ya a lagbɛlɛya gben, alako a ni mɛ. A ma di a ye a ra ni kolonya filili, fɔ ka a ma hadama-dannu sigi tinɛ la. A ko Mari le ale la, ado a ko Alla-gbɛrɛ fenfen sa ale kɔma.

Yɛrɛmaya 4:23

Nde, Yɛrɛmaya ya dugu-kole mafɛlɛn. A rakolɔn filili, ado a pindi-pandi. N ya san-kole mafɛlɛn. Fenfen sa nyɔ fɔ pinpi.

Nehami 2:10

Wole Ninɛfa kɛnu, wola soe ara kasara pɔ! Wo bɛɛ ara wo buri. Nyɔ ara ma tonbɔn la. Wo ara mɔlɔkɔn kilan bolo ka ma tulan!

2 Kɔrɛnti 4:6

A sɛbɛnɛ Allata kitabu rɔ ko, “Waan ni bɔ pinpi rɔ,” ado Alla kelan le ya ala waan lamalan ma yisi rɔ alako ma ni Allata gbiliyɛ lɔn min bi malanna Yisa Kirasiti yakɔrɛ ma.

Tɔn-Fɔɛ-Fila-Nyɔgɛ 32:11

Mari ya Isirɛla mɔgɛnu makaran iko kokɛ tenbi ala dan karanna gban-bole la. Kokɛ si a nyagan wayan ala dan kɔrɔ. Ala dan tenbi bui-koe rɔ dugi ma, a si ta ala dan sigi a kɔɛ tɛma. Mari ya wole Isirɛla mɔgɛnu natanka bu-koe ma wo nya le.