Keninteya-Siginu 7:12 - ALLALA KUMƐ

¹² Ma ni ma lasɔ subaga. Ma ni ta ki-fannu mafɛlɛn. Tumado, anu bara anu matii. Tumado, anu bara fere kɔrɛ. N si nta keninteyɛ yira i la nyɔ rɔ.

Keninteya-Siginu 7:12 ပူးပေါင်းရင်းမြစ်များ

Yaburi 122:5

Isirɛla mɔgɛnuna mansɛnuna kiti sa tinɛ le kɛ la, Mansa Dawuda kegeyɛ, kɔni.

Yaburi 43:4

Wo kɔma, n si n telen ile Allata saraka-mintan-tinɛ la. Nna sewa-kunyɛ bɛɛ bɔra ile le bolo. N si nna sɔrɔn fɔ ka i matɔgɔ-bɛti bɔ. E, Alla, nta Alla le ile la.

Yaburi 73:25

Fenfen sa nde bolo Arinyɛni tɔ ile kɔma n dɛnbɛn-koe rɔ. N bi nyinina nfen ma duninya kɛ rɔ ile Alla kɔma?

Bɔ-Koe-Iyipiti 25:22

Alla ya a fɔ Musa ye tun ko, “Malebɛ ile si ma nyɔgɔn bɛn nyɔ. N bi kumɛ min fɔla i ye ka a latenbi Isirɛla mɔgɛnu ma, n si wo fɔ i ye tɔn-kenkirɛ wo kuma melikala muninyɛ wonu tɛma.”

Hɛnkilimaya-Kumɛnu 8:17

Ni min ya n keni, wo tigi si diya n ye. Ni min ya n nyini, wo tigi si n yen.

Makawandili Kumɛnu 9:10

Mɔgɛ ye ko-wo-ko kun na, i sɛbɛ don wo le ma bawo i kɛ-nya wo, i miriya wo, ila hɛnkilimaya wo, ila ko-lɔn wo, wo bɛɛla ban le lakira la, ado i kunyɛ telennɛ nyɔ le la.

Keninteya-Siginu 2:13

Toro-kurinu bara fɔlɔla gbɔla. Kɔn-fere-sumɛ ara tii nyamanɛ kun na pu! Woletɔ n kɔntɔ-mɔgɛ, ma ta. Ile min kin, ma ni ta ma nyɔgɔn fɛ.

Keninteya-Siginu 2:15

Bɛnsɛnkɔninya fenfen kana don ma tɛma iko sogo-mɛsɛ anubɛ ki-fan-tɛmɛ ye nya min. A kana don ma tɛma ma fere-labɔ-wati kɛ la.

Keninteya-Siginu 4:13

Fan bɛɛ ye nanfala a kin na nyɔ. Ile, nna nakɔɛ, i lafanɛ kɔlɔma anubɛ baga-fere suma-diyamɛnu na. Fen-suma-diyamɛ bɛɛ daganɛ nyɔ le.

Keninteya-Siginu 4:16

Fɔnyɔ, bɔ nna nako-suma-diyamɛ kɛ rɔ. Anu sumɛ ra ni tii pu! Nna kei ni na ala nakɔɛ rɔ. A ni ala kɔn-gbɔ-diyamɛ diya bɔ.

Keninteya-Siginu 6:11

N bara ta ile, nna nakɔɛ rɔ nna ki-fannu bi kan min. N ni i mafɛlɛn tumado, i fɛran donu bi i kɔrɔ tumado, i wara yanba-kurɛnu nabɔ tumado, i wara fere kɔrɛ.

Keninteya-Siginu 7:11

N keninte, na ma ni ta ma matagamana gbɛkole ma tala. Ma ni ki ma rɔ so-nɛ do rɔ.

Keninteya-Siginu 7:6

I yɛrɛbɛ-yɛrɛbɛ, ado i kin dɔgɔma-ma-de! Ila kinyɛ ara n hɛnɛ tɛban!

Aiseya 18:5

Ki-fannu ba fere, yanni wonu keri-wati ni ke, wo si a taran, Sudan kɛnu yogenu bara ban anu kasarala. Anu si anu nɔ tiriya iko muri ye tɔnbɔnna kɔlɔma bolɔn rɔ nya min.

Kɛwɔlɛnu 15:36

Wati dande kɔma, Pɔli ya a fɔ Banabasi ye ko, “Ma ya Marita kumɛ kawandili bɔ soe min bɛɛ rɔ, ma sɛgi wona ma gbɛ wonu tɔ ka Marita mɔgɛnu sigi-nya lɔn.”

Romu 5:11

Kɔnɔ a dama ma wo la, ma sewanɛ bawo ma Mari Yisa, Allata-Mɔgɔ-Yabɔnɛ ara ma ma Alla diyana-mɔgɛ la.

2 Kɔrɛnti 13:5

Wo ni wo nyɛrɛ fɛsɛfɛsɛ ka a lɔn ni wo ye tagamana dɛnkɛninya-mɔgɛnuna kilɛ fɛ. Wo si a lɔn worɔ, ni Kirasiti Yisa siginɛ wo yisi rɔ. Kɔnɔ ni a sigini ma wo yisi rɔ, wo ara foo dɛnkɛninyɛ wo la.

Ɛfɛsa 6:24

Alamɛ Allata hinɛ tora wo dama fɛ minnu bi ma Mari Yisa, Allata-Mɔgɔ-Yabɔnɛ kenina tɛban!

Hiburunu 12:15

Wo ni a ma wo fɛrɛma ko mɔgɔ-wo-mɔgɔ kana a kan-kɔ sɔ Allala hinɛ la. Wo tigi kana ma iko kɔn-suli-kunayanɛ bawo a si a matii ka a marɛ ranyɛnsɛn mɔgɛ bɛɛ tɛma min si anu sɔndɔmɛ latinya.

Hiburunu 2:13

A ko fanan, “N si n yigi sa Alla kuma.” Wo kɔma, a ko, “Alla ara dan minnu di n ma, mabɛ wonu bi yan.”

Hiburunu 2:15

Ata sayɛ ya ma hɔrɔya bawo male minnu kilannɛ sayɛ ma nun, ma mani de nun iko yɔɔnnu sayɛla kilan kɔrɔ.

Hiburunu 4:16

Ma ni na ma sɔ Alla yakɔrɔ yisi-latɛgɛ la. Ma si kinikinɛ anubɛ hinɛ sɔrɔn nyɔ le. Ma makoe wa bila fenfen na tumɛ min, a si ma dɛnbɛ wo la.