Keninteya-Siginu 6:9 - ALLALA KUMƐ

⁹ kɔnɔ wo damasi rɔ, i kelen pe le di n sɔn-kole ye. Nna kura-kangbɔɛ, fɛɛ-wo-fɛɛ sa i la. I kelen pe le keninɛ i na bolo ka tenbi i na-kelen-nyɔgɛ bɛɛ la. Sunkurun-mɛsɛnu bi i mafɛlɛnna ka i matɔgɔ. Hali mansɛla musinu anubɛ a fɛ-sigi-musinu bi i matɔgɔ-siginu sala.

Keninteya-Siginu 6:9 ပူးပေါင်းရင်းမြစ်များ

Ko-Dabirɛnu 30:13

Liya ko, “N sewanɛ kaka. Musinu si n kele ko, ‘Nyagalen.’ ” Woletɔ a ya dan wo tɔgɔ sa Asɛra bawo tɔgɛ wo kɔrɛ le iko mɔgɔ wa a fɔ ko, “Nyagalen.”

1 Mansɛnu 11:3

A ya mansa-den kɛmɛ wɔrɔnfila (700) furu. Wo kɔma, a ya musi kɛmɛ sawa (300) ma a fɛ-sigi-musinu na. Ala musu-siyamɛ wonu ya a ma, a ya a kan-kɔ sɔ Alla la.

Yaburi 126:2

Ma yɛlɛnta ka siginu sa kati! Wo kɔma, sibolo-gbɛrɛnu ya a fɔ ko, “Mari le wara ko-makawani-siyaman kɛ kɛnu ye kati!”

Yaburi 45:9

Musi minnu bi wɔlila i ye, mansa-dan le wonu na. Ile mansɛla bara-musi makirinɛ sɛnɛ-bɛrɛ le la. A sɔnɛ ila mansaya-waganɛ bolo-nyimɛ rɔ.

Keninteya-Siginu 2:14

I manɛ iko wondere minnu dogonnɛ fara-woenu tɔ kɔnkɛ kuma. N ni i yakɔrɔ-nyimɛ yen. N ni ila kuma-tuninyanɛnu namɔɛn.

Keninteya-Siginu 5:2

Hali n bi kinɔgɛ le tɔ, a mani de iko n bi n ya la le. N si kiyo sa ko nna kei ye dɛ matugula n ma. A ye a fɔla ko, “N takeri-gbasu, dɛ laka. Nna purulen-mɛsɛ, n ni don. Surɔ-duri ara n kunyɛ kimɛ.”

Yilan-Yilan Koe 23:9

N tenbi kɔnkɔ-kolo-wɛ kuma, n si anu yen. N tenbi kɔnkɔ-layan-bɛ kɛ kuma, n bi anu tagbɛla feu! Mɔgɛ le kɛnu na minnu ti basan sibolo-gbɛrɛkɛnu na. Mɔgɛ le kɛnu na minnu si anu sigi anu dan na yiri!

Kalesiya 4:26

Kɔnɔ Yerusalɛm min bi Arinyɛni tɔ, misalɛ wo le hɔrɔ-musi la, ma na Sira, kɔni.

Tɔn-Fɔɛ-Fila-Nyɔgɛ 33:29

Wole Isirɛla mɔgɛnu, duwa-dan le wole la. Sibolo-gbɛrɛkɛ sa minnu bi iko wole bawo Alla ya wole kisi. Wo kandan-fan le Mari la anubɛ wola kɛlɛ-kɛ-faan. A ye wo tankala ka nɔlɛ di wo ma. Wo yogenu si kilan wo la ka dɛgɛ min wo ye. Wo si anuna bɛsɛ kɔ tinɛnu tinya.”

2 Tɛsalonaika 1:10

Yisa wa na tele min tɔ, kɛ bɛɛ si ma. A si gbiliyɛ sɔrɔn ala mɔgɛnu bolo. Dɛnkɛninya-mɔgɛ-bɛɛ si kawa Yisa ma, ado wole fanan si taran wonu tɛma bawo ma ya kumɛ min fɔ wo ye, wo lara wo bɛɛ la.